Lajme nga vendi
Afrim Fidani zyrtarisht është kryetar i Gjykatës Supreme, dha deklaratë solemne para Këshillit Gjyqësor
Gjyqtari Afrim Fidani është zyrtarisht kryetar i Gjykatës Supreme të Republikës së Maqedonisë së Veriut, pasi bëri betimin sot në Këshillin Gjyqësor.
“Deklaroj dhe betohem se do ta kryej funksionin e kryetarit të Gjykatës Supreme të Republikës së Maqedonisë së Veriut me ndershmëri, ndërgjegje, në mënyrë të pavarur dhe me përgjegjësi, do të respektojë Kushtetutën dhe ligjet e Republikës së Maqedonisë së Veriut dhe se do të respektoj liritë dhe të drejtat e qytetarit”, është deklarata solemne e bërë nga Fidani, duke përsëritur kryetarin e Këshillit Gjyqësor, Aleksandar Kambovski.
Fidani edhe “de jure” u bë kryetar i gjykatës më të lartë në vend më shumë se një muaj pasi u zgjodh në këtë pozicion në një seancë të Këshillit Gjyqësor.
Tetë anëtarë të Këshillit Gjyqësor votuan “pro” zgjedhjes së Afrim Fidanit si kryetar i Gjykatës Supreme më 26 maj. Ky është numri minimal i votave të kërkuara. Pesë anëtarë të Këshillit ishin kundër, përfshirë kryetarin aktual, Aleksandar Kambovski.
Në diskutimin para votimit, mangësitë e Fidanit u përmendën si anonimati i tij në publik, përfshirë edhe midis gjyqtarëve, si dhe njohuritë e tij të pamjaftueshme për situatën në gjyqësor mbi çështjet aktuale.
Kundërshtarja e Afrim Fidanit dhe kryetare e Gjykatës Supreme në periudhën 2021-2025, Besa Ademi, mori vetëm dy vota.
Këshilli Gjyqësor e shpjegoi vonesën në deklaratën solemne të Fidanit me përdorimin e pushimeve vjetore nga anëtarët e Këshillit.
Në një deklaratë për mediat pas deklaratës solemne, Fidani tha se përparësia e parë gjatë mandatit të tij do të jetë rivendosja e besimit në gjyqësor duke punuar në transparencën e gjykatës, llogaridhënien e gjyqtarëve dhe bashkëpunimin me të gjitha institucionet dhe qytetarët.
Së bashku me Fidanin, gjykatësi Haxho Tariq, i cili është zgjedhur në krye të Gjykatës Themelore në Krushevë, dha gjithashtu deklaratë solemne sot.
Të njëjtën deklaratë si Fidani dhe Tariq e dhanë dhe e nënshkruan sot në gjykatë gjyqtarët Marija Kletniçka-Markovska, Olja Ristova, Ivan Xholev dhe Betim Jahja, të cilët u ngritën në detyrë dhe do të jenë gjyqtarë në Gjykatën e Apelit të Shkupit për fushën penale.
Katër gjyqtarët u zgjodhën në pozicione më të larta gjyqësore në shkallë të dytë në të njëjtën seancë të Këshillit Gjyqësor më 26 maj, ashtu si edhe kryetari aktual i Gjykatës Supreme, Fidani.
Në seancë u zgjodhën edhe disa gjyqtarë për Gjykatën e Apelit, por për fushën civile. Megjithatë, ata nuk dhanë deklaratë solemne sot sepse, siç tha kryetari i Këshillit Gjyqësor, Aleksandar Kambovski, procedura atje nuk ka përfunduar ligjërisht, gjegjësisht deri më tani janë pranuar tre ankesa.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13