Lajme nga vendi
Izet Mexhiti nuk e përjashton mundësinë të kandidojë për kryetar të Komunës së Çairit.
Zëvendëskryeministri i parë dhe njëherësh ministri i Mjedisit Jetësor dhe Planifikimit Hapësinor, Izet Mexhiti, ka deklaruar në emisionin “24 Analiza” se nuk përjashton mundësinë për të kandiduar sërish për kryetar të Komunës së Çairit, një post që e ka mbajtur më parë me sukses për disa mandate.
Mexhiti theksoi se aktualisht janë duke u zhvilluar anketa të brendshme në kuadër të partisë së tij për të testuar potencialin elektoral të kandidatëve të ndryshëm. Sipas tij, këto analiza do të ndihmojnë në përzgjedhjen e kandidatëve më të denjë dhe më të pranueshëm për qytetarët në secilën komunë ku opozita shqiptare synon të garojë.
“Ne nuk kemi frikë. Jemi të fokusuar te zgjedhjet lokale, te një program i mirë dhe kandidatët e duhur. Këto zgjedhje do të jenë një konfirmim i fitores së arritur në zgjedhjet e fundit parlamentare, ku opozita shqiptare mori mbi 107.000 vota. Ky është një moment historik për opozitën shqiptare”, u shpreh Mexhiti, transmeton Zhurnal.mk.
Duke folur për përgatitjet për zgjedhjet lokale që pritet të zhvillohen në vitin 2025, Mexhiti tregoi ambicie të qarta për të fituar shumicën e komunave me shumicë shqiptare. Ai përmendi veçanërisht komunat kyçe si Tetova, Çairi, Gostivari, Dibra dhe Struga, si zona ku opozita shqiptare ka gjasa të larta për fitore.
“Gara reale zhvillohet në 17 komuna shqiptare dhe ne presim të fitojmë në shumicën prej tyre. Kemi terren të favorshëm, përkrahje qytetare dhe struktura të konsoliduara. Po analizojmë terrenin dhe në bazë të të dhënave do të marrim vendime strategjike për kandidaturat”, shtoi Mexhiti.
Në lidhje me marrëdhëniet me partnerët qeveritarë dhe mundësinë e bashkëpunimeve elektorale, ai ishte i qartë: nuk do të ketë negociata për mbështetje në rrethin e parë, ndërsa bashkëpunimi eventual do të shqyrtohet vetëm në rrethin e dytë të zgjedhjeve.
“BDI dëshiron ta kandidojë Bujar Osmanin për Çair dhe atyre u është e qartë se kandidat tjetër nuk është në lojë. Për ne është me rëndësi ta fitojmë Çairin. Po bëhen analiza dhe nuk e përjashtoj opsionin që të kandidoj për kryetar të Çairit”, deklaroi ai, duke nënvizuar vendosmërinë për të mos lejuar humbjen e kësaj komune strategjike.
Përparësia e Mexhitit në Çair dhe bilanci elektoral
Izet Mexhiti gëzon një profil të lartë në komunën e Çairit dhe konsiderohet si një ndër politikanët më me ndikim në këtë zonë. Krahasuar me Bujar Osmanin, që përflitet si kandidat i BDI-së për këtë komunë, Mexhiti ka një përparësi të dukshme në perceptimin publik dhe në besueshmërinë elektorale.
Që nga hyrja e tij në politikë, Mexhiti nuk ka pësuar asnjë humbje në asnjë cikël zgjedhor, gjë që e bën atë një nga figurat më të qëndrueshme dhe të suksesshme në skenën politike shqiptare në Maqedoninë e Veriut. Përvoja e tij si ish-kryetar i Çairit dhe si drejtues qeveritar e bën një kandidat të fortë dhe të besueshëm për sërish marrjen e drejtimit të kësaj komune me rëndësi simbolike dhe strategjike.
Në një klimë të polarizuar politike, ku partitë shqiptare po përballen me sfida të mëdha përfaqësimi, kandidatura e Izet Mexhitit do të shihej jo vetëm si një test i fuqisë së opozitës shqiptare, por edhe si një përballje e drejtpërdrejtë midis dy vizioneve politike për Çairin dhe për shqiptarët në përgjithësi.
Në muajt në vijim, vendimet për kandidaturat dhe strategjitë elektorale pritet të qartësohen më tej, por një gjë është e sigurt: Çairi do të jetë një ndër betejat më të ashpra politike në zgjedhjet lokale të ardhshme, shkruan Zhurnal.mk
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
