Lajme nga vendi
VLEN: Mos ikni, jepni përgjigje-pse Bujar Osmani ka realizuar takime të shpeshta me të gjithë funksionarët serbë?
BDI nuk mund të paraqitet si mbrojtëse e kursit euroatlantik të shtetit, pasi ka shumë pyetje të dyshimta të pa pergjigjura pas saj.
BDI nuk ka shpjeguar pse ministri Bujar Osmani ka mbajtur 11 takime me shefin e diplomacisë së Serbisë, ndërkohë që nuk ka pasur asnjë iniciativë zyrtare me Kosovën?
BDI nuk tregon, madje shmang pyetjen se: në sa dreka, darka dhe “shëtitje miqësore” kanë marrë pjesë personalisht Ali Ahmeti dhe Bujar Osmani me presidentin serb Aleksandar Vuçiq?
BDI nuk ka dhënë asnjëherë sqarim për sa herë Osmani është takuar me ambasadorin serb në Shkup, dhe përse nuk e ka informuar publikun për këto takime?
BDI i detyrohet opinionit publik përgjigje për udhëtimet private të Osmanit në Serbi dhe përse qytetarët nuk janë informuar kurrë për to.
Derisa BDI nuk jep përgjigje të qarta për këto çështje, të mos mendojnë se dikush iu beson dhe i sheh ndryshe nga ajo që është realisht: një parti e futur në listën e zezë të partnerëve tanë strategjikë.
Duhet të kujtojmë se ishte pikërisht BDI ajo që shtyu përpara iniciativën “Ballkani i Hapur” si formë integrimi me Serbinë, duke anashkaluar bashkëpunimin me Kosovën.
Është e njëjta BDI që e shpalli “sukses historik” hapjen e korsisë së shpejtë në kufirin me Serbinë, por nuk bëri asnjë përpjekje për të përmirësuar infrastrukturën në pikat kufitare me Kosovën, si në Bllacë dhe Jazhincë apo me Shqipërinë në Qafë Thanë.
Po ashtu, BDI mori pjesë në ndërtimin e autostradave nga Tabanovci drejt Gjevgjelisë, ndërkohë që nuk ndërtoi as edhe një kilometër autostradë në korridorin 8.
BDI dëshiron të paraqitet si “mbrojtëse” e interesave të shqiptarëve, por veprimet e saj tregojnë të kundërtën: një numër i madh takimesh me autoritetet serbe, përhapje të ideve serbe, bashkëpunim të ngushtë me Serbinë dhe injorim të thellë të bashkëpunimit me Kosovën.
Integrimi evropian nuk mbrohet me diplomaci selektive. Nëse Osmani nuk ka kohë për Prishtinën, nuk ka as kredibilitet të flasë për “botën serbe”.
Patriotizmi i vërtetë matet me kilometra autostradë, jo me selfie-diplomaci me Vuçiqin. Shqiptarët meritojnë transparencë, çdo takim zyrtar apo privat me Beogradin duhet të bëhet publik.
Derisa kjo të ndodhë, çdo reagim nga ana e tyre është vetëm një përpjekje për të hedhur mjegull mbi dështimet dhe përgjegjësitë e tyre.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13