Kryetari i Qeverisë, Hristijan Mickoski, gjatë ngjarjes së sotme me rastin e vënies në përdorim të bulevardit të ri në Gjevgjeli, duke iu përgjigjur pyetjes gazetareske në lidhje me masën për gjashtë përpjekje falas in vitro dhe nëse kjo do të kontribuojë në rritjen e natalitetit në vend, si dhe cilat janë pritshmëritë nga kjo masë, theksoi se pikërisht pasqyra demografike është dhe do të mbetet një nga sfidat kryesore në vitet që vijnë.

“Po, absolutisht po. Mendoj se sfida kryesore për ne si shtet në vitet dhe dekadat që vijnë është demografia dhe gjendja demografike. Unë kam folur shumë herë për këtë dhe do të vazhdoj të flas, do të jem shumë i zëshëm, sepse kot është ky asfalt, këto nënkalime dhe mbikalime, parqet, gjithçka që ndërtojmë, nëse nuk kemi fëmijë që do t’i përdorin. Nëse nuk kemi pasardhës që do t’i gëzojnë të gjitha këto dhe do të shtojnë cilësi në jetën e tyre. Ne mund të rinovojmë pafund çerdhe dhe të ndërtojmë shkolla – brenda mundësive tona, sigurisht – por nëse nuk ka fëmijë që do të jenë aty, atëherë gjithçka është e kotë,” shpjegoi ai.

Kryeministri tha se krijimi i familjes dhe lënia pasardhësve është një akt patriotik.

“Dikush mund të më shpallë konservator, dikush mund të thotë se ndoshta jetoj në të kaluarën. Por unë mendoj se demografia, pasardhësit, fëmijët dhe krijimi i familjes janë një akt patriotik. Dhe sot, kështu mbrohet e ardhmja e Maqedonisë, e popullit maqedonas dhe e qytetarëve maqedonas. Vlerësoj se këto gjashtë procedura in vitro falas – dyfish më shumëse në të kaluarën, kur ishin vetëm tre – janë në atë drejtim, dhe këtu nuk ndalemi, do të vazhdojmë edhe më tej. Prandaj, në vitin që vjen do të kemi, do të thosha, veprime shumë më të fuqishme, të cilat do të nënkuptojnë përmirësimin e pasqyrës demografike të Maqedonisë,” theksoi Mickoski.

Sipas të dhënave të DAP, 3,155 tatimpagues nuk e kanë përmbushur detyrimin e tyre deri më 30 qershor 2025. Do të ndërmerren procedura kundër tyre që përfshijnë llogaritjen e interesit prej 0.03 përqind në ditë dhe një tarifë të veçantë administrative.

DAP u kujton qytetarëve se pagesa mund të bëhet vetëm me një urdhër PP53 dhe se numri i folio-s duhet të futet saktë. Gabimet në pagesë mund të çojnë në mosregjistrim të fondeve, kosto shtesë dhe ripagesë.

Tatimpaguesit me një borxh mbi 10,000 denarë dhe vështirësi në likuiditet mund të kërkojnë një pagesë të shtyrë përmes formularit të publikuar në faqen e internetit të DAP. Ekziston gjithashtu mundësia që borxhi të paguhet nga një palë e tretë përmes sistemit elektronik.

Informacion shtesë mbi pagesën ose mospërputhjet e mundshme mund të merren përmes info qendrës së DAP.

Shkupi sot shënon 62 vjetorin e tërmteti katastrofik që ndodhi më 26 korrik të vitit 1963, kur jetën e humbën 1.070 persona, ndërsa 3.000 ishin lënduar.

Në Muzeun e qytetit të Shkupit në orën 20:00, në nderim dhe përkujtim të viktimave të tërmetit katastrofik, që para 63 vitesh e la qytetin në rrënoja, do të hapet ekspozita “Shkupi gjatë tërmetit dhe më pas”.

Ekspozita do të jetë me karakter të përhershëm i disponueshëm për çdo vizitor të muzeut. Qyteti, si çdo vit më parë, kujton tërmetin katastrofik të vitit 1963 që e ndryshoi atë përgjithmonë.

Tërmeti i Shkupit në vitin 1963 është i njohur si një nga tragjeditë më të mëdha që kanë ndodhur në historinë e qytetit, por njëkohësisht edhe një mundësi për botën të tregojë solidaritet dhe të ndihmojë në rimëkëmbjen e komunitetit.

Tërmeti katastrofik në Shkup ndodhi në ora 5 e 17 minuta, ndërsa dridhje më të vogla kishte deri ora 5 e 43 minuta. Me këtë rast, ishin rënuar 15.800 banesa, ndërsa janë dëmtuar 28.000. Mbi 200.000 njerëz kanë mbetur pa kulm mbi kokë.

Advertisement

Pas tragjedisë në Shkup, Kryqi i Kuq Ndërkombëtar ka dërguar apel deri te të gjithë organizatat, të organizojnë ushqim, ndërsa Unioni interparlamentar dërgoi rekomandim deri te të gjithë parlamentet dhe qeveritë të ndihmojnë në rimëkëmbjen e qytetit. Organizatat humanitare në shumë vende filluan me grumbullimin e ndihmës për Shkupin. Kombet e Bashkuara kanë ndërmarrë aktivitete për ndihmë afatgjate për qytetin e rrënuar.

Më 23 shtator të vitit 1963, 35 vende kërkuan që Asambleja e Përgjithshme ta vendos në rend të ditës të mbledhjes së saj pikën për ndërmarrjen e masave me rastin e tërmetit në Shkup ku më 27 shtator, Asamblea e përgjithshme i dha prioritet aksionit ndërkombëtar për ndihmë për Shkupin.

Më 14 tetor, Asambleja e Përgjithshme e Kombeve të Bashkuara njëzëri miratoi rezolutë për dhënien e ndihmës për Qeverinë jugosllave gjatë rikonstruimit të Shkupit. Në debatin për ndihmën e Shkupit, Asambleja e Përgjithshme i ka dëgjuar fjalimet e përfaqësuesve të mbi 20 vendeve nga të gjitha kontinentet. Kjo ditë ka mbetur në analet e Kombeve të Bashkuara si ditë e Shkupit.

Në historinë e tij të gjatë, qyteti u shemb dhe u rilind disa herë. Në hapësirën ndërmjet fshatrave Zllokuçan dhe Bardovcë, ndodhej qyteti i Skupit, mitropoli i krahinës së Dardanisë. Ky qytet romak u shkatërrua plotësisht nga një tërmet në vitin 518. Në atë kohë në krahinën e Dardanisë u shkatërruan 24 kala të qytetit. Fuqia e këtij tërmeti ishte 10 – 11 ballë. Tërmeti katastrofik e shkatërroi plotësisht Skupin. Gjatë tërmetit, në tokë u krijuan shumë çarje. Masa të mëdha shkëmbi ranë nga kodrat përreth. Shkupi më pas u ndërtua në vendin aktual.

Tërmeti i ardhshëm katastrofik ka ndodhur në vitin 1555. Intensiteti i tij ishte rreth 10 ballë, pas çka qyteti ishte rrënuar për të dytën herë.

Advertisement

Shkatërrimi i tretë i fundit katastrofik i madh i Shkupit ndodhi 61 vjet më parë, më 26 korrik 1963, kur Shkupi u godit nga një tërmet me magnitudë nëntë të shkallës Merkalli ose gjashtë të shkallës Rihter, me epiqendër në sheshin “Maqedonia”