Lajme nga vendi
Mendi Qyra deponon dorëheqjen, Ushtrues Detyre Kryetar i OEMVP-së emërohet Nuhi Aliu
Kryetari i deritanishëm i Odës Ekonomike të Maqedonisë Veri-Perëndimore, Mendi Qyra ka deponuar dorëheqjen dhe në vend të tij Ushtrues Detyre është emëruar Nuhi Aliu, informon Telegrafi Maqedoni.
Dorëheqja e Qyrës vjen pasi i njejti ka shpallur kandidaturë të pavarur për zgjedhjet lokale për qytetin e Strugës.
Qyra në fjalimin e tij tha se pavarësisht largimit të tij, OEMVP ngelet në duar të sigurta.
Njoftimi i plotë:
Kryetari Mendi Qyra deponon dorëheqjen, emërohet Ushtruesi i Detyrës së Kryetarit z. Nuhi Aliu. Mbahet mbledhja e IV-t e Këshillit Drejtues të OEMVP!
Shkup, 25 Korrik 2025 – Sot, në ambientet e Odës Ekonomike të Maqedonisë Veri-Perëndimore u mbajt mbledhja e IV-të e Këshillit Drejtues, e thirrur nga Kryetari z. Mendi Qyra, me prani të Drejtori Ekzekutiv z. Durim Zekiri si dhe përfaqësues të Këshillit Mbikëqyrës.
Qëllimi kryesor i takimit ishte shqyrtimi i ecurisë së aktiviteteve të planifikuara të gjashtëmujorit të dytë, sipas planit vjetor të OEMVP, me fokus të veçantë në aktivitetet e parapara në kuadër të jubileut të 20 vjetorit të themelimit të Odës, si dhe përgatitjet për ngjarjen tradicionale “TOP 100”, e cila këtë vit organizohet për herë të 16-të.
Në këtë mbledhje Kryetari i OEMVP-së z. Mendi Qyra, në pikën e fundit të rendit të ditës, deponoi dorëheqjen e tij nga posti i Kryetarit të OEMVP-së.
“Duke qenë se unë kam paralajmëruar kandidaturën time për zgjedhjet lokale, ku do jem kandidat I pavarur për kryetar komune në qytetin e Strugës, vlerësoj se dorëheqja ime së pari është akt i ndërgjegjes duke e ditur që OEMVP-në po e lë në duar të sigurta të njerëzve shumë kompetent dhe relevant. Por gjithashtu, dorëheqja ime është edhe akt juridik, sepse pa anshmëria dhe pavarësia e OEMVP-së është vlera më e madhe e saj, dhe assesi se ne duhet ta shkelim, andaj dorëheqja ime respekton edhe aktin më të lartë të OEMVP-së, statutin e saj”, tha ndër tjerash Mendi Qyra.
Ai gjithashtu, falënderoi Stafit Ekzekutiv, këshillin drejtues dhe të gjitha organet udhëheqëse për mbështetjen të cilën ia dhanë gjatë angazhimit të tij tre vjeçar në OEMVP si Kryetar.
“U siguroj se do të mbetem gjithmonë pranë OEMVP-së, në çdo formë që do të mund të ndihmoj dhe kontribuoj, pavarësisht pozicionit tim në të ardhmen”, shtoi z. Mendi Qyra
Më pas, Këshilli drejtues me konsensus të plotë, nga nënkryetarët zgjodhi z. Nuhi Aliun për ushtrues detyre të Kryetarit të OEMVP-së për të vazhduar me mbarëvajtjen e punës së OEMVP-së deri në përfundim të mandatit.
“Ju siguroj se do jem bashkëpunues dhe se çdo vendim do e marrim së bashku në të mirë të OEMVP-së. E rëndësishme është mirëqenia e odës andaj zotohem për angazhim të denjë dhe të plotë në realizimin e objektivave të institucionit tonë të pavarur”.
OEMVP, edhe njëherë vazhdon të dëshmojë pjekurinë institucionale në këtë 20 vjetor të saj, duke dëshmuar se sistemi i implementuar funksionon dhe siguron vazhdimësinë e punës së saj.
Kujtojmë se javë më parë Mendi Qyra u deklarua si kandidat i pavarur për Strugën, teksa deri më tani i njejti ka siguruar dhe përkrahjen e koalicionit VLEN në zgjedhjet lokale të tetorit.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
