Lajme nga vendi
(VIDEO) Rikthehet “Shkupi 2014”, Qoseto nga depoja u kthye në bulevardin Aleksandri i Madh
Përmendorja e revolucionarit kontrovers maqedonas Andon Lazov-Qoseto, pasi bëri disa shëtitje për vite me rradhë nëpër qytetin e Shkupit, më në fund ka gjetur vendin e vet. Me thikë në dorë, me pistolë dhe kobure, ai në orët e mbrëmjes është vendosur në rrethrrotullimin pranë hotelit “Continental” në Shkup. Pikërishtë këtë përmendore, në vitin 2018, kryetari i atëhershëm i qytetit të Shkupit, Petre Shilegov e hoqi, duke thënë se ishte objekt i paligjshëm. Pas heqjes, shtatorja u ruajt në një depo. Qosja është i njohur si likuidues i VMRO-së. Ai konsiderohet ndër terroristët më të njohur të VMRO-së.
Kur përçarjet politike janë më të thella dhe më të theksuara se kurrë në aspektin politik, “Qoseto”, i bëri bashkë të gjithë partitë politike maqedonase, të cilët i tejkaluan bindjet politike dhe në gusht të vitit 2023 për rikthimin e shtatores votuan 15 këshilltarë nga VMRO-DPMNE, 4 nga Levica, një nga Lidhja Demokratike, një nga GROM dhe këshilltarja Irena Vitina, e cila u largua nga VMRO-DPMNE dhe mbështet Danella Arsovskën.
Lajmin për vendosjen e përmendores e bëri të ditur kryetarja e qytetit të Shkupit, Danella Arsovska, e cila madje thurri vargje të bukura për të nderuar figurën e Andon Qosetos.
DANELLA ARSOVSKA,KRYETARE E QYTETIT TË SHKUPIT
“Andon Lazov-Qoseto, i njohur për shpirtin e tij luftarak dhe sfidën, është një simbol i historisë maqedonase dhe një nga pjesëmarrësit e shquar në Kryengritjen e Ilindenit. Roli i tij në lëvizjen revolucionare është me rëndësi të paçmuar për lirinë dhe pavarësinë e sotme të vendit tonë”.
Ndryshe, Qoseto është një nga pesë monumentet që Qyteti i Shkupit mori si donacion nga Shoqata për Unitetin Shpirtëror të Setincëve, Popadincëve dhe Krushoradi nga Lerini.
Samir Mustafa /SHENJA/
Lajme nga vendi
Bilall Kasami sot zyrtarisht shpall kandidaturën për mandatin e dytë në Komunën e Tetovës
Sot, kryesia qendrore e koalicionit VLEN mbajti mbledhjen e radhës, ku ndër temat kryesore ishte diskutimi për përgatitjet për zgjedhjet e ardhshme lokale, raporton SHENJA.
Në një konferencë për shtyp nga VLEN theksojnë se prioritet mbetet përzgjedhja e kandidatëve më të pranuar për qytetarët, duke u përqendruar në figura që do të jenë në funksion të interesave lokale dhe zhvillimit komunal.
Pas diskutimeve, kryesia ka miratuar listën e mëposhtme të kandidatëve për kryetarë komunash:
Tetovë: Bilall Kasami
Çair: Izet Mexhiti
Strugë: Mendi Qyra (kandidat i pavarur)
Kërçovë: Fatmir Limani
Dibër: Fisnik Mela
Shkup: Bashkim Bakiu
Saraj: Muhamed Elmazi
Likovë: Nexhmedin Sadiku
Haraçinë: Daut Beqiri
Zhelinë: Blerim Sejdiu
Tearcë: Daut Memishi
Bogovinë: Feti Abazi
Bërvenicë: Haqim Ramadani
Dollnen: Blerim Islami
Nga VLEN gjithashtu është bërë e ditur se ende nuk ka një vendim përfundimtar për kandidaturat në komunat e Gostivarit, Vrapçishtit, Studeniçanit dhe Çashkës, ndërsa vendimet për këto pritet të merren në ditët në vijim.
Lajme nga vendi
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Adoleshenti që u lëndua gjatë aksidentit të djeshëm është në gjendje të qëndrueshme dhe po trajtohet në shtëpi. Trupat e tre viktimave janë dërguar në Institutin e Mjekësisë Ligjore dhe pas autopsisë do t’i dorëzohen familjarëve për varrim, bëjnë të ditur nga Spitali i Tetovës.
Aksidenti i djeshëm ndodhi si pasojë e humbjes së kontrollit nga drejtuesi i mjetit Opel Astra, njoftojnë nga Sektori për Punë të Brendshme i Tetovës. Informacione shtesë për shkaqet që çuan në humbjen e kontrollit priten nga mjekësia ligjore dhe prokuroria. Por sipas të dhënave fillestare, nga ajo që shihet në video-incizimet e kamerave të sigurisë, dyshohet se drejtuesi mund të ketë pësuar sulm në zemër.
Nga SPB Tetovë thonë se që nga fillimi i vitit 2025, në rajonin që mbulohet prej tyre, nga aksidentet rrugore kanë humbur jetën tetë persona. Po aq viktima ka pasur edhe gjatë vitit 2024.
Bilall Kasami sot zyrtarisht shpall kandidaturën për mandatin e dytë në Komunën e Tetovës
VLEN publikon listën e kandidatëve për zgjedhjet lokale
Aksidenti në Tetovë – i riu jashtë rrezikut për jetë! Nga fillimi i vitit në Tetovë 8 persona e kanë humbur jetën në aksidente
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve