Nga nëntori i këtij viti, Shkupi do të lidhet  edhe  me pesë destinacione të reja evropiane përmes linjave të reja të rregullta ajrore, njoftoi sot zëvendëskryeministri dhe ministri i Transportit, Aleksandar Nikolloski.

Destinacionet e reja janë Madridi dhe Stokholmi, me fluturime drejt Shkupit që nisin në nëntor, si dhe Praga, Bari dhe Këlni, linjat e të cilave do të fillojnë në dhjetor.

“Këtë mëngjes e nënshkruam marrëveshjen për pesë destinacione të reja që do të operohen nga Aeroporti i Shkupit. Këto linja ajrore do të sjellin më shumë turistë, më shumë biznese në Maqedoni dhe më shumë mundësi për të gjithë qytetarët,” deklaroi Nikolloski.

Me këto pesë linja të reja, numri i linjave të reja ajrore të hapura gjatë vitit të fundit arrin në 16. Zëvendëskryeministri bëri të ditur se të dhënat nga aeroportet konfirmojnë trendin e rritjes – në gjysmën e parë të vitit 2025, përmes aeroporteve të Shkupit dhe Ohrit janë transportuar gjithsej 1.5 milionë pasagjerë. Kjo paraqet një rritje prej 5% në Aeroportin e Shkupit dhe 11% në atë të Ohrit, krahasuar me të njëjtën periudhë të vitit të kaluar.

“Në periudhën e ardhshme do të ketë edhe lajme të mira – do të shpallim linja të tjera të reja ajrore,” shtoi Nikolloski, duke shprehur shpresën se këto risi do të kontribuojnë në zhvillimin ekonomik dhe në rritjen e lidhjes së Maqedonisë me Evropën.

Advertisement

Ministri i Transformimit Digjital, Stefan Andonovski u bëri thirrje studentëve që të aplikojnë për vauçer për blerje të pajisjeve elektronike.

“Shfrytëzoj këtë rast për t’u bërë thirrje të rinjve të regjistrohen në portalin kombëtar uslugi.gov.mk, aplikimi për vauçer ende nuk ka filluar, por të krijojnë profilin e tyre në mënyrë që më pas, lehtësisht, nga shtëpia, të aplikojnë për një kupon”, theksoi Andonovski në “Kanal5”.

Andonovski shpjegoi se Kryeministri e njoftoi këtë masë 10 muaj më parë, por vitin e kaluar ishte tepër vonë për t’u parashikuar në buxhet. Këtë vit, pas përgatitjeve të bëra nga Qeveria, fondet janë parashikuar në buxhet dhe zbatimi i saj po fillon menjëherë.

“Mbi 50 milionë euro do të ndahen për vauçer për pajisje elektronike për studentët, ky është digjitalizim në praktikë sepse nuk mund të digjitalizojmë vetëm shërbimet, por duhet t’u ofrojmë edhe mjete të rinjve dhe të rrisim shkrim-leximin digjital”, shtoi Ministri.

Ministri theksoi gjatë vizitës së tij se qeveria po zbaton një sërë masash dhe projektesh në të cilat fokusi kryesor është tek të rinjtë, duke theksuar hapjen e institucioneve ndaj të rinjve.

Advertisement

Shefi i Shtabit Qendror Zgjedhor të BDI-së, Faton Ahmeti, ka bërë publike disa nga emrat e parë të kandidatëve të koalicionit për zgjedhjet e ardhshme lokale.

Në një status të shpërndarë në rrjetet sociale, Ahmeti thekson se përgatitjet janë në vazhdim dhe se kandidaturat përfaqësojnë “bashkimin politik” dhe synimin për t’i dhënë fund, siç shprehet ai, “përbuzjes së përditshme ndaj shqiptarëve”.

Emrat e konfirmuar deri tani janë:

• Bajram Rexhepi – Tetovë

• Valbon Limani – Gostivar

• Bujar Osmani – Çair

• Nazim Taipi – Tearcë

• Blerant Ramadani – Saraj

• Emir Sulejmani – Zhelinë

• Isen Shabani – Vrapçisht

Ahmeti i ka cilësuar këta kandidatë si “kandidatë të dinjitetit, vizionit dhe përfaqësimit të vërtetë”, duke lënë të kuptohet se BDI është në fazën përfundimtare të përzgjedhjes së ekipit të saj për betejën zgjedhore.

Advertisement