Lajme nga vendi
Shtatë zjarre aktive, tre nën kontroll, mbërrin ndihma nga Çekia dhe Sllovenia
Shtatë zjarre aktive në ambient të hapur nga 27 të evidentuar në territorin e shtetit në 24 orët e fundit, nën kontroll janë tre, ndërsa 17 janë shuar. Në përballje me zjarret sot duhet të arrijë ndihmë nga Çekia, e cila dërgon helikopter, dhe nga Sllovenia, një ekip prej 50 zjarrfikësve me pajisje të specializuar.
Siç informon Qendra për Menaxhim me Kriza (QMK), aktive janë zjarret në malin Golem Goten dhe Pyjet e Maleshevës, ku digjet pyll me kërcell të ulët, bredh, shkurre dhe bimësi e ulët në fshatin Beshishtë të Prilepit, pranë vendit të quajtur Beshishki Rid, me një degëzim drejt fshatit Gradeshnicë në Novaci dhe një degëzim drejt kufirit me Greqinë. Është përfshirë pyll i perzier, por nuk po bëhet asnjë ndërhyrje për shkak të shpërthimeve.
Zjarre aktive ka edhe mes fshatrave Careviq, Smolani, Radobil dhe Dren në komunën e Prilepit dhe fshatin Galishte dhe Tërstenik në komunën e Kavadarit, ku digjen pyje të përziera dhe bimësi të ulëta, midis fshatrave Creshevë, Llokvicë dhe Krapa në komunën e Makedonski Brodit, ndërsa është përfshirë edhe pyll i degraduar i lisit, shkurre dhe bimësi e ulët, në fshatin Kosevicë në Makedonska Kamenicë, pyll pishe, në fsh. Oreshe, në Çashkë, bimësi e ulët dhe pyll ahu, në fshatin e Kërçovës të Gorno Crsko, bimësi e ulët dhe pyll i ulët.
Nën kontroll janë zjarret në fshatrat Greshnicë në komunën e Makedonski Brod, ku janë përfshirë pyje të përziera dhe bar i thatë, midis fshatrave Dragoevë dhe Sellcë në Komunën e Shtipit, pyje me rritje të ulët, bredh dhe bar të thatë, dhe në fshatin Karbin të Junuzlisë, ku po digjet një pyll.
Drejtoria për Punë Hidrometeorologjike (DPHM) ka parashikuar mot pjesërisht të vranët dhe më të freskët për sot në mëngjes me shira të rrëmbyeshëm lokalë, bubullima dhe kushte për stuhi afatshkurtra. Do të fryjë erë e lehtë deri mesatare dhe herë pas here erë e fortë nga veriperëndimi përgjatë lumit Vardar. Temperatura minimale do të jetë në intervalin 13 deri në 22 gradë, ndërsa maksimalet do të arrijnë në 27 deri në 35 gradë.
Sipas matjeve të DPHM-së, në 24 orët e fundit, deri në orën 8 të mëngjesit, kanë rënë gjashtë litra shi në Hanet e Mavrovës dhe Lazaropole, katër në Tetovë, tre në Kodrën e Diellit, dy në Pozharan, një në Shkup-Zajçev Rid.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13