Lajme nga vendi
VLEN: BDI-ja e pranoi fajin e saj për regjistrimin, padrejtësinë më të madhe ndaj shqiptarëve
VLEN reagon ashpër në një postim në Facebook, ndaj pranimit skandaloz të djeshëm nga Bashkimi Demokratik për Integrim (BDI), që përbën një pranim të qartë të fajësisë për njërin nga aktet më të rënda dhe më jokushtetuese ndaj shqiptarëve në Maqedoninë e Veriut: fshirjen e diasporës shqiptare nga regjistrimi i popullsisë i vitit 2021, thuhet në reagimin e VLEN, të cilën MIA e transmeton në mënyrë intergrale.
Para opinionit publik dhe mediave, drejtuesit e BDI-së pranuan se kishin negociuar metodologjinë e regjistrimit, me të cilën qytetarët u ndanë artificialisht në “rezidentë” dhe “jo-rezidentë”. Si rezultat, dhjetëra mijëra shqiptarë u fshinë nga të dhënat zyrtare.
Ali Ahmeti e pranoi personalisht se kishte negociuar, ndërsa Bujar Osmani ishte pjesë e ekipit negociues. Ky është një dëshmi e qartë se kush mban përgjegjësi për këtë padrejtësi kombëtare.
BDI ka heshtur për vite të tëra, por tani është koha të japë përgjigje:
Pse e fshitë diasporën shqiptare nga regjistrimi?
Cili ishte marrëveshja politike e fshehtë që e bëtë dhe me kë?
Pse e përjashtuat diasporën nga vendimmarrja, megjithëse ajo ka kontribuar për dekada në këtë shtet?
Diaspora shqiptare nuk është një numër që mund të manipulohet apo të shërbejë për pazare politike. Ajo është pjesë e identitetit tonë kolektiv, kapacitetit institucional dhe potencialit kombëtar të shqiptarëve në Maqedoninë e Veriut. Fshirja e këtyre qytetarëve është jo vetëm një padrejtësi emocionale, por edhe një eliminim juridik i ekzistencës së tyre.
BDI duhet të përgjigjet:
A janë marrëveshjet e reja për koalicion dhe listat e përbashkëta për zgjedhjet lokale një përpjekje tjetër për të amnistuar këtë akt të turpshëm?
A po heshtin partnerët e rinj të BDI-së për të harruar këtë katastrofë kombëtare?
Le të kujtojmë: shumë prej atyre që u fshinë nga regjistrimi e kanë lënë vendin pikërisht për shkak të korrupsionit, varfërisë dhe nepotizmit të prodhuar nga BDI për më shumë se dy dekada.
Ne, VLEN, nuk do të heshtim.
Do të kërkojmë përgjegjësi – për politikanët, drejtorët dhe institucionet që e kanë nënshkruar këtë padrejtësi.
Drejtësia po vjen, thanë nga VLEN.
Lajme nga vendi
Faton Ahmeti konfirmon emrat: Vazhdojnë përgatitjet për kandidaturat e bashkimit tonë politik
Shefi i Shtabit Qendror Zgjedhor të BDI-së, Faton Ahmeti, ka bërë publike disa nga emrat e parë të kandidatëve të koalicionit për zgjedhjet e ardhshme lokale.
Në një status të shpërndarë në rrjetet sociale, Ahmeti thekson se përgatitjet janë në vazhdim dhe se kandidaturat përfaqësojnë “bashkimin politik” dhe synimin për t’i dhënë fund, siç shprehet ai, “përbuzjes së përditshme ndaj shqiptarëve”.
Emrat e konfirmuar deri tani janë:
-
Bajram Rexhepi – Tetovë
-
Valbon Limani – Gostivar
-
Bujar Osmani – Çair
-
Nazim Taipi – Tearcë
-
Blerant Ramadani – Saraj
-
Emir Sulejmani – Zhelinë
-
Isen Shabani – Vrapçisht
Ahmeti i ka cilësuar këta kandidatë si “kandidatë të dinjitetit, vizionit dhe përfaqësimit të vërtetë”, duke lënë të kuptohet se BDI është në fazën përfundimtare të përzgjedhjes së ekipit të saj për betejën zgjedhore.
Qendra për Menaxhimin e Krizave (QMK) njoftoi këtë mëngjes se deri në orën 06:30 në territorin e vendit ishin aktive tre zjarre dhe një ishte nën kontroll. Ndërkohë 24 zjarre nga gjithsej 28 të regjistruara janë shuar.
Zjarri në malin Goten midis komunave Vasilevë, Radovish dhe Berovë mbetet aktiv, ku që nga dje, përveç ekipeve nga vendi, kanë vepruar edhe helikopteri çek “Black Hawk” dhe zjarrfikësit sllovenë.
Sipas informacioneve nga QMK, zjarret midis fshatrave Galishtë dhe Qesendre në komunën e Kavadarit janë gjithashtu aktive, ku digjen pyje të përziera dhe bimë të ulëta, dhe dega e zjarrit drejt fshatit Gradeshnicë në komunën e Novacit.
Moti sot në Maqedoninë e Veriut do të jetë me i ndryshueshëm dhe me reshje lokale të shiut.
Në vend do të fryjë një erë e lehtë nga drejtimi verior.
Temperaturat minimale do të lëvizin prej 13 deri 20, ndërsa temperaturat maksimale do të lëvizin prej 23 deri 32 gradë celsius.
Faton Ahmeti konfirmon emrat: Vazhdojnë përgatitjet për kandidaturat e bashkimit tonë politik
QMK: Tre zjarre aktive dhe një nën kontroll nga gjithsej 28 të regjistruara
Moti sot në Maqedoninë e Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve