Lajme nga vendi
Kontrolli i DAP-it për fiskalizimin, parregullsi tek 30 për qind e subjekteve, katër mbyllen
Kater subjekte juridike janë mbyllur, prej të cilëve tre në Ohër dhe një në Strugë, për shkak të mosdhënies së faturave fiskale. Kontrolli i Drejtorisë për të Ardhurat Publike, i zbatuar nga 28 korriku deri më 3 gusht në shumë qytete, përfshirë edhe vendet turistike, ka treguar se tek 30 për qind e objekteve të kontrolluara janë konstatuar parregullsi në përputhje me Ligjin për regjistrimin e qarkullimit të parave të gatshme.
Në kontrollë janë përfshirë, restorante, kafe-barë, banak plazhi, ëmbëltore, markete, dyqane për rroba dhe bizhuteri, hotele, transportues automjetesh, parkingje dhe subjekte të tjera tregtare për shitje me pakicë.
“Nga 214 subjekte të kontrolluara, tek 30,8 për qind, gjegjësisht tek 66 prej tyre, janë konstatuar parregullsi në përputhje me Ligjin për regjistrimin e qarkullimit të parave të gatshme. Për parregullsitë e konstatuara janë marrë 66 masa sanksionuese – gjoba, të cilat do të shqiptohen në përputhje me madhësinë e subjektit. Për katër, gjegjësisht tre subjekte nga Ohri dhe një nga Struga, për shkak të mosdhënies së faturave fiskale për herë të dytë brenda një periudhe dyvjeçare, është shqiptuar masa e ndalimit të përkohshëm për ushtrimin e aktivitetit (shtypje)”, informojnë nga DAP-i.
Numri më i madhë i kontrolleve janë kryer në Strugë, Ohër dhe Manastir (126) ku janë konstatuar 29 parregullsi, prej të cilave 11 në Strugë dhe 18 në Ohër.
Në kryeqytet janë kryer gjithsej 14 kontrolle, ku janë konstatuar katër parregullsi. Në Prilep janë kryer shtatë kontrolle, ndërsa janë konstatuar tre parregullsi. Në Tetovë dhe Gostivar janë kryer 32 kontrolle dhe janë konstatuar 14 parregullsi, nga të cilat 13 në Tetovë dhe një në Gostivar. Në Shtip, Negotinë, Demir Kapi, Kavadarc, Veles dhe Kumanovë janë kryer 35 kontrolle, ndërsa janë konstatuar 16 parregullsi, edhe atë një parregullsi në Negotinë dhe Kavadarc, dy në Demir Kapi, tre në Shtip, katër në Veles dhe pesë parregullsi në Kumanovë.
Trupi i një personi u gjet në ujërat e lumit Vardar pranë Demir Kapisë, nga Sektori i Punëve të Brendshme – Veles.
Sipas informacionit nga SPB – Veles, dje rreth orës 15:30, në stacionin policor Negotinë u raportua gjetja e një trupi njerëzor në fazë të dekompozimit në ujërat e lumit, nën urën e rrugës komunale që lidh fshatin Korešnica me Demir Kapiën.
Një ekip i Njësisë Territoriale të Zjarrfikësve – Negotino e nxori trupin, ndërsa një ekip hetimor nga stacioni policor Negotinë kryeu inspektimin e vendit të ngjarjes, me autorizim të prokurorit.
Sipas urdhrit të prokurorit, trupi iu dorëzua obduksionit për të përcaktuar shkakun e vdekjes, njoftuan nga SPB – Veles.
Lajme nga vendi
Janevska: Vërejtjet e fundit për Ligjin për Arsim të Lartë, mund të bëhen deri të hënën
Vërejtjet e fundit për Ligjin për Arsim të Lartë, mund të bëhen deri të hënën në mbrëmje, pasi i njëjti siç njoftoi ministrja e Arsimit Vesna Janevska, do të hyj në procedura qeveritare dhe parlamentare.
Duke u përgjigjur lidhur me përshtatjen e universiteteve private me Ligjin për Arsimin e Lartë, ministrja Janevska zbuloi parregullsi serioze në funksionimin e disa instituteve të arsimit të lartë të cilat kanë pasur të drejtën të lëshojnë diploma të njohura si në vend ashtu edhe jashtë vendit, duke theksuar se njëri prej tyre ishte i regjistruar si bastore.
“Shembulli më brutal ishte kur Komisioni i MASH-it bëri kontrolle në një institut, i njejti ishte regjistruar si bastore, në pjesën e prapme, ku supozohej të kryente funksionet e tij në dy karrige dhe dy dyshekë. Ne drejtojmë 34 institucione të arsimit të lartë në vend dhe është absolutisht e papranueshme që aktivitete të tjera të kryhen nën maskën e instituteve”.
Lajme nga vendi
Dy orë pritje për të kaluar në Qafë Thanë, shqiptarët drejt Maqedonisë së Veriut për naftë dhe ushqime
Fluks i lartë qytetarësh është shënuar këtë të shtunë në pikën kufitare të Qafë Thanës. Sipas informacioneve, radhët janë krijuar si pasojë e nevojës për të blerë naftën dhe ushqimet me çmime më të ulëta, të cilat janë rritur në vend por edhe nëpër botë për shkak të luftës në Iran.
Nga pamjet e siguruara nga Euronews Albania, radha e makinave për të kaluar kufirin është kilometrike. Sipas raportimeve qytetarëve u duhet mbi 2 orë për të kaluar nga Shqipëria në Maqedoninë e Veriut. Një situatë e tillë raportohet edhe Kakavijë.
Gjendet trupi i pajetë i një personi në lumin Vardar, MPB jep detaje
Janevska: Vërejtjet e fundit për Ligjin për Arsim të Lartë, mund të bëhen deri të hënën
Dy orë pritje për të kaluar në Qafë Thanë, shqiptarët drejt Maqedonisë së Veriut për naftë dhe ushqime
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni1 week agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota1 week ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen