Sport
LIGA E PARË: PËRBALLJE INTERESANTE NË KUMANOVË DHE STRUGË
Të shtunën me fillim në ora 17:30 në Kumanovë dhe Strugë zhvillohen dy sfida të javës së parë të sezonit 2025/2026 në ligën e parë Bashkimi – Arsimi dhe Struga Trim Lum – Makedonija Gj.P. Në të dyja ndeshjet implementohet sistemi VAR.
Nesër në stadiumin e Bashkimit në Kumanovë dhe në stadiumin e qytetit në Strugë zhvillohen ndeshjet e para të kampionatit të ri në Ligën e parë për sezonin 2025/2026. Në Kumanovë takohen Bashkimi ekip e cila pas plot 17 viteve serish iu kthye elitës së futbollit vendor dhe Arsimi iÇegranit si debutues në këtë ligë, Dy ekipet kanë zhvilluar një fazë cilësore përgatitore, kanë sjellë përforcime në të gjitha repartet ku kanë pasur nevojë , ndërsa kumanovarët kanë angazhuar edhe trajnerin e ri Muarem Muarem një trajner premtues. Kjo do të thotë se dy skuadrat përgatitur e presin fillimin e sezonit të ri . Këtë ekskluzivisht për TV Koha e deklaruan kapiteni i Bashkimit Armen Alimi dhe ndihmës trajneri i Arsimit Labinot Musliju
“ Jemi përgatit maksimalisht për fillimin e kampionatit, ekipi është konsoliduar mirë ”,Kemi pru lojtar të ri, përforcime të reja, trajneri I ri, atmosfera është pozitive. Kemi zhvilluara një fazë përgatitore jashtë vendit. Ka kaluar gjithçka ok. Nuk kemi lojtar të lënduar diçka dhe me padurim e presim ndeshjen e pare këtu në Kumanovë me ekipin e Arsimit” deklaroi kapiteni Armend Alimi
‘’ Cilësojmë që ekipi ka arritur maksimumin në aspektin fizik, në aspektin psikologjik mbi të gjitha por edhe në aspektin tekniko taktik me të cilën jemi duke punuar këtë javë që nga dita e hënë që kemi filluar stërvitjet pas pauzës dy ditore, Dhe vlerësojmë që dita e shtunë dita e ndeshjes së parë kundër Bashkimit në Kumanovë do të nxjerr në pah të gjitha përgatitjet tona’’. tha ndihmës trajneri Labinot Musliu
Ndeshja e nesërme ka rëndësi për të dyja ekipet të cilat njihe shumë mire pasi në kampionatin e kaluar kishin një rrugëtim të përbashkët drejtë kualifikimit në elite. Prandejj nesër pritet një lojë cilësore duke u bazuar në përforcimet cilësore në merkaton verore. Këtë e premtuan kapiteni I Bashkimit Armend Alimi dhe ndihmës trajneri I Arsimit Labinot Musliu
“Ndeshja e parë e dimë, ndeshje derbi me ekipin shqiptar që debuton në ligën e parë . E dimë se do të jenë të motivuar , mirëpo ne jemi në vendin tone në Kumanovë presim nga publiku që të jenë në numër sa më të madh për të na përkrahur. Dhe besoj se me ndihmën ed tyre me lojtarët në fund do ti gëzojmë edhe ata dhe në fund bashkë do ta festojmë fitoren’’ tha kapiteni Alimi
“ Ne jemi debutues në ligën e parë të futbollit të Maqedonisë, ndërsa Bashkimi ka qenë gjashtë ose shtatë sezona nëse nuk gaboj, kanë qenë edhe fitues të kupës. Bashkimi është një kundërshtarë i njohur për neve se kemi luajtur dy vite në ligën e dytë jemi ndeshur me ata. Kemi marrë masa të duhura, kemi bërë analizë të kundërshtarit, të reparteve të kualitete individuale të tyre. Dhe gjitha këto informata i kemi plasuar dhe jemi duke i plasuar edhe në stërvitjen e sotme dhe të nesërmen në stërvitjen e fundit para ndeshjes. Cilësojmë që kemi marrë ato masa të duhura që të dalim pozitiv nga kjo ndeshje. “ tha ndihmës trajneri Labinot MUsliu
Në ‘’LOJËRAT EVROPIANE TË ATLETIKËS PËR FËMIJË 2026’’ që u mbajt në Brno të Republikës Çeke ku morën pjesë afro 3.000 atlet nga 27 vende evropiane paraqitje të shkëlqyeshme kishin edhe pesë atletët e klubit të atletikës Kamjani.
Klubi i atletikës Kamjani me pesë garues ishte pjesëmarrëse në Lojërat Evropiane të Atletikës për Fëmijë deri në moshën U-15 që u mbajt në Brno të Republikës Çeke.
Paraqitja e garuesve të Kamjanit ishte dinjitoze përkundër faktit se për herë të parë e përfaqësonin Maqedoninë e Veriut në këto gara ku merrnin pjesë afro 3.000 atletë nga 300 klube të 27 vendeve evropiane.
Pas kthimit nga Brno trajneri Ibraim Xhemaili për TV Koha tha se krahas garave, atletët e Kamjanit patën nderin të bartin edhe pishtarin Olimpik .
‘’Patëm nderin si Klubi i Atletikës Kamjani të përfaqësojmë Maqedoninë në garat Evropiane të Atletikës të mbajtura në Brno për grupmoshat U-16, ku numri i atletëve ishte mbi 3000, kurse numri i klubeve ishte mbi 300. Nga Maqedonia kishte edhe një klub tjetër që ishte pjesëmarrës, ishte klubi i atletikës Aerodrom, me 3 pjesëmarrës, ndërsa ne ishim me 5 pjesëmarrës. Me rezultatet e arritura atje jemi tepër të kënaqur, sepse atletët tonë, treguan një nivel të lartë, treguan disiplinë, dhe treguan konkurrencë të fortë, ku u përballën me atletët më të fortë të Evropës, dhe ishin në mesin e dhjetë apo pesëmbëdhjetë më të mirëve, me këtë unë si trajner realisht krenohem. Patëm edhe një nder tjetër, ku në hapjen solemne të këtyre garave, u përzgjodhën dy atletët tanë që të jenë bartës të pishtarit olimpik, ku vrapuan 50 metra me mbajtjen e pishtarit, dhe kjo na bën një nder më tepër për klubin tonë’’.
Trajneri Xhemaili tha se me paraqitjen e garuesve të Kamjanit është shumë i kënaqur duke pasur para sysh se kjo ishte pjesëmarrja e tyre e parë në këtë nivel me masivitet të jashtëzakonshëm të garave.
‘’Po ato u paraqitën në mënyrën më dinjitoze që mundën, ato bënë rezultet e tyre më të mira, ndoshta ishin pak të lodhur edhe nga rruga, sepse bëmë një rrugë të gjatë, mirëpo prapë se prapë ato bënë një paraqitje më të mirë. Shpresojmë që edhe tek ne, në komunën tonë, ndoshta së shpejti shpresojmë që të bëhet një pistë e atletikës në bashkëpunim me kryetarin Feti Abazi, që të jemi edhe më të përgatitur, më të avancuar në pistën e atletikës, të punojmë me sprinte dhe të jemi më konkurrues me ata. Shpresojmë edhe për medalje të luftojmë vitet e ardhshme’’.
Pjesë e ekipit “LOJËRAT EVROPIANE TË ATLETIKËS PËR FËMIJË 2026’’ në Brno të Çekisë ishin Arti Xheladini, Dijar Xhemaili, Berina Sinani, Amela Abdiji dhe Eljana Sallai.
Ndërsa klubi i atletikës Aerodrom nga Shkupi mori pjesë me 3 garues.
Me dy fitore dhe një barazim klubi i shahut Anpasan ka siguruar mbijetesën në kampionatin shtetëror të Shahut që para disa ditëve u mbajt në Strugë. Kontribut të jashtëzakonshëm në këtë rezultat dhanë dy shahistët nga Kosova, Nderim dhe Korab Saraçi.
Klubi i Shahut Anpasan ka përmbyllur me sukses Kampionatin e Ligës së Parë të Maqedonisë së Veriut, që u mbajt në Strugë duke siguruar mbijetesën në Ligën e Parë të Republikës së Maqedonisë së Veriut MV-së.
Një nga rezultatet më të rëndësishme të kampionatit ishte barazimi i Nderim Saraçit ndaj kampionit të Evropës, Aleksandar Inxhiq dhe Korab Saraçit ndaj kryemjeshtrit Velimir Iviq, me një ELO rreth 2600, rezultat që dëshmon nivelin dhe potencialin e lojtarëve tanë.
“Sa i përket kampionatit të ligës së pare të shahut në Republikën e Maqedonisë së Veriut klubi ynë mori pjesë ne përforcime nga Kosova, Kampionin e Kosovës Nderim Saraçi dhe nënkampionin Korab Saraçi . Sa që në këtë konkurrencë jashtëzakonisht të forte Klubi I shahut Anpasan arriti që të mbijetoi në Ligën e parë “
Klubi i Shahut Anpasan nga 5 shtatori me dy garues do të përfaqësohet në festivalin e shahut për Junior Liqeni i Strugës.
“Aktivitet e radhës të klubit tone nga dita e shtunë më 5 shtator klubi I shahut Anpasan do të do të ketë dy garues të rijnë të cilët do të garojnë në Strugë në manifestimin Festivali i Strugës me mbi 6 shtete të rajonit ku klubi ynë do të përfaqësohet me Korab Hajrullahin dhe Drin Imeri“
Ky kampionat ishte vetëm një hap drejt aspiratave të klubit për paraqitje më dinjitoze dhe suksese më të mëdha pasi klubi I shahut Anpasan dhe tetovarët meritojnë shumë më tepër.
Lionel Messi nuk do ta veshë më fanellën e Kombëtares së Argjentinës. Ylli i “Albiceleste”, tashmë 39 vjeç, e bëri zyrtar vendimin këtë të hënë, përmes një letre personale që, sipas vetë futbollistit, ishte shkruar dy ditë pas finales së fundit të Botërorit.
Fundi i një epoke! Lionel Messi është tërhequr zyrtarisht nga kombëtarja e Argjentinës.
Pas 21 vitesh me 207 paraqitje, 125 gola, një Kupë Bote , dy Kupa Amerika dhe momente të panumërta magjie të pastër futbolli, Lionel Messi ka vendosur t’i japë fund udhëtimit të tij me ekipin kombëtar argjentinas
Vendimi i kapitenit shënon mbylljen e një epoke të artë e të papërsëritshme për përfaqësuesen ” Albiceleste”. Pasi arriti majat më të larta dhe udhëhoqi vendin e tij më suksese të mëdha, sulmuesi vendosi të largohet nga skena ndërkombëtare.
Futbolli botëror i thotë kështu lamtumirë një prej kapitujve individualë më të lavdishëm në historinë e këtij sporti.
Vendimi i fundit i Messit vjen pas një tjetër finaleje të Kupës së Botës, por këtë herë rrethanat janë krejtësisht të ndryshme.
Argjentina humbi 1-0 ndaj Spanjës në finalen e vitit 2026 dhe Messi më vonë zbuloi se kishte vendosur të tërhiqej dy ditë pas humbjes.
“Ishte një vendim që më dhembi, dhe ende më dhemb, në thelb, por e kuptoj se është koha e duhur. Betohem se gjithmonë kam dhënë gjithçka, jo vetëm në vitet e fundit kur fituam gjithçka, por edhe para kësaj. Gjithmonë kam luftuar dhe kam dhënë gjithçka për këtë fanellë, për t’ju sjellë gëzim dhe për t’ju bërë krenarë që jeni argjentinas përmes futbollit” thuhet pos tjerash në mesazhin e tij të lamtumirës.
VAPA AFRIKANE: A DO TË SHKURTOHEN ORËT MËSIMORE?!
ATLETËT E KAMJANIT DINJITOZ NË LOJËRAT EVROPIANE TË ATLETIKËS PËR FËMIJË
SHAH: KLUBI I SHAHUT “ANPASAN” KA SIGURUAR MBIJETESËN NË ELITË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
