Sport

MË 22 SHTATOR SHPALLET FITUESI I TOPIT TË ARTË 2025

Published

1 year ago

August 8, 2025

Në pritje të një mbrëmjeje spektakolare më 22 shtator, vëmendja e dashamirëve të futbollit është përqendruar te performancat që vendosin fatin e Topit të Artë 2025,pasi një muaj më herët zakonisht u publikua lista e 30 futbollistëve kandidat për meshkuj dhe femra për ta fituar trofeun prestigjioz. Në krye të listave ndodhen lojtarët më të spikatur nga ekipet që triumfuan në Ligën e Kampionëve, Paris Saint-Germain te meshkujt dhe Arsenal,te femrat. Fituesi i vitit të kaluar, Rodri i Mançester City, mungon këtë vit pas një dëmtimi të ligamentit të kryqëzuar që e la jashtë fushës për pjesën më të madhe të sezonit. Kështu, në vitin 2025 do të kemi një fitues të ri në kategorinë e meshkujve, ku favorit për këtë çmim janë Lamin Jamal, Dembele, Rafinja dhe Mohamed Sallah. Dembélé udhëheq garën pas sezonit spektakolar me PSG, duke fituar tripletën (Ligue 1, Kupa e Francës dhe Liga e Kampionëve). Barcelona, megjithë dominimin në kompeticionet vendase, kishte mangësi në Kupat evropiane, që mund të ndikojë negativisht te Yamal dhe Raphinha. Mohamed Salah me Liverpulin kishte një sezon të shkëlqyer në Premier League, por në garën për këtë çmim mund të ndikojë mungesa e trofeve në kompeticionet e tjera pritet të ndikojë. Ceremonia e Topit të Artë 2025 do të zhvillohet më 22 shtator në Paris.

Shaban Sinani – TV Koha

Sport

GRANIT XHAKA RIKTHEHET TE ZVICRA DHE MBETET KAPITEN

Published

4 minutes ago

October 28, 2026

TetovaExpres

Përfaqësuesja zvicerane do të jetë e kompletuar për dy ndeshjet e nëntorit në kuadër të Ligës së Kombeve pasi rikthehen e Xhaka dhe Embolo. Granit Xhaka vazhdon të mbetet kapiten i ekipit zviceran.

Ylli I futbollit zviceran futbollisti shqiptar Granit Xhaka do të rikthehet në grumbullim me Zvicrën për dy ndeshjet e nëntorit kundër Sllovenisë dhe Skocisë në kuadër të UEFA Liga e Kombeve.

Vendimi është marrë nga bordi qendror i Federatës Zvicerane të Futbollit SFV pas një shqyrtimi të plotë të procedurave të përfunduara në lidhje me blerjen e certifikatave të falsifikuara të COVID në vitet 2021 dhe 2022.

Krahas Garnit Xhakës në përfaqësuesen e Zvicrës rikthehet edhe Breel Embolo, pasi që edhe ai ishte suspenduar.

Xhaka, mungoi në katër ndeshjet e shtatorit dhe tetorit në “Ligën e Kombeve ” pasi që kishte pranuar se falsifikoi testet e COVID-19, ku u shpall edhe fajtor nga një gjykatë në Lucern.

Kujtojmë se në raundin e pestë në Liga B grupi 1 më 3 nëntor përballen Skoci – Maqedoni e Veriut dhe Slloveni – Zvicër.

Shaban Sinani – TV Koha

Sport

BASKETBOLL: PANATHINAIKOSI KRYESON EUROLIGËN!

Published

49 minutes ago

October 28, 2026

TetovaExpres

Në Euroligën e basketbollit për meshkuj janë zhvilluar gjashtë duele të raundit të të tetë. Panathinaikosi kryeson me 7 fitore e një disfatë. Real Madridi regjistroi fitoren e pestë radhazi.

Tre fitore të vendasve dhe tre fitore të ekipeve mysafire është epilogu u gjashtë ndeshjeve të zhvilluara mbrëmë në kuadër të raundit të tetë në Euroligën e basketbollit në kategorinë meshkujve

Në ndeshjen mes dy skuadrave spanjolle ekipi mbretëror i Real Madridit ka shënuar fitore të sigurt në transfertë kundër ekipit Baskonia 86-104. Reali pas startit katastrofal ku pati tre disfata të një pasnjëshme tani me 5 fitore radhazi renditet i gjashti në tabelë.

Fitore në transfertë ka regjistruar edhe Barcelona kundër Bayernit me rezultatin 88-84 si dhe Parisi kundër Dubait me shifrat 99-93.

Valencia në cilësin e vendasit ka mposhtur Fenerbbahçen 86-78, Panathinaikosi ka mposhtir Milanon 80-75 dhe Crevena Zvezda ka mposhtur Makabi Tel Aviv me rezultatin 100-78.

Pas raundit të tetë kryeson Panathinaikosi me 7 fitore e 1 disfatë e ndjekur nga Valencia dhe Fenerbahçe që kanë nga 6 fitore e dy humbje

Baskonia – Real Madrid 86 -104

Valencia – Fenerbahce 86-78

Panathinaikos – Milano 80 -75

Bayern – Barcelona 84 – 88

Crvena Zvezda – Maccabi Tel Aviv 100 –78

Dubai – Parisi 93 – 99

SHABAN SINANI – TV KOHA

Sport

LIGA E KATERT: KF BESA RRUGËTON FUQISHËM – KATËR FITORE RADHAZI

Published

1 day ago

October 27, 2026

TetovaExpres

Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.

Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.

Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.

Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.

Për Besën kjo ishte fitorja e katërt nga po aq ndeshje të zhvilluara në sezonin vjeshtor.

Ndeshja e vetme që ka përfunduar me barazim 1-1 është takimi Nerashti – Dardania.

Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.

Tabelën e kryeson Besa me 12 pikë.

SHABAN SINANI – TV KOHA