Lajme nga vendi
Temperaturat e larta, rritet numri i pacientëve që kërkojnë ndihmë mjekësore
Temperaturat e larta kanë rritur numrin e pacientëve që kërkojnë ndihmë mjekësore. Përveç rrezikut nga dehidrimi, mjekët theksojnë se gjatë kësaj periudhe organizmi dobësohet dhe bëhet më i ndjeshëm ndaj viruseve të ndryshme. Mjekja Safjane Bellçishta shpjegon se, përveç vapës, edhe ahengjet dhe grumbullimet e shumta të njerëzve kontribuojnë në përhapjen e sëmundjeve. Sipas saj, pothuajse çdo javë shfaqen viruse të reja që prekin qytetarët.
“Javën e kaluar ishin me bark qitje ose vjellje, kurse këtë javë u paraqitën më tepër me dhimbje të fytit, dhimbje të veshëve, kokë dhembje, marramendje, që na detyroi të bëjmë analiza për të parë se cili është shkaku. Shkaku më tepër është si pasojë e temperaturave të larta, që te disa persona rrezet UV të japin një temperaturë në trupin e njeriut”, deklaroi Safjane Bellçishta, Mjeke amë.
Këtë javë, një numër i konsiderueshëm pacientësh që kanë kërkuar ndihmë mjekësore në këtë klinikë janë diagnostikuar me një mutacion të virusit COVID-19.
“Këtë javë më tepër u konstatua se është paraqit virusi me analizat që kemi bërë, mund të jetë një lloj i virusit Covid 19, mirëpo me mutacione që jep dhimbje në kokë, marramendje, temperaturë të lartë dhe temperatura është vetëm 1 ditë, nga 37,5 që është një temperaturë shumë e keqe, që në atë kohë organizmi ynë mundet më lehtë të merr ndonjë virus tjetër apo ndonjë bakterie”, tha Safjane Bellçishta, Mjeke amë.
Mjekët rekomandojnë kujdes të shtuar gjatë kësaj periudhe, duke këshilluar konsumimin e ushqimeve të lehta dhe të freskëta, marrjen e sa më shumë lëngjeve dhe shmangien e daljes në orët më të nxehta të ditës. /Alsat.mk
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
