Temperatura më e ulët e mëngjesit, prej minus 3 gradë Celsius, është matur në Kodrën e Diellit, ndërsa zero gradë janë matur në Lazaropolë, Krushevë dhe Mavrovë Hanet.

Sipas Drejtorisë për Punë Hidrometeorologjike, 3 gradë janë regjistruar në Pretor dhe Ohër, 4 në Berovë dhe Prilep, ndërsa 5 gradë në Kriva Pallankë, Vinicë, Tetovë, Manastir dhe Demir Kapi.

Në Shtip dhe Strumicë janë matur 6 gradë, në Kavadar 7, ndërsa më ngrohtë ka qenë në Veles, Shkup – Zajçev Rid dhe Gjevgjeli, me 8 gradë Celsius.

Gjatë 24 orëve të fundit, deri në orën 7:00, më së shumti reshje shiu janë regjistruar në Demir Kapi, me 3 litra për metër katror. Nga 1 litër për metër katror janë matur në Strumicë, Pretor, Kavadar, Gjevgjeli, Tetovë, Kriva Pallankë, Manastir, Lazaropolë dhe në Kodrën e Diellit.

Sot moti do të jetë pjesërisht i vranët, me periudha me diell. Do të fryjë erë mesatare deri e përforcuar nga drejtimi veriperëndimor, e cila në disa vende përgjatë luginës së Vardarit do të arrijë shpejtësi mbi 60 kilometra në orë.

Advertisement

Temperatura maksimale ditore do të lëvizë nga 11 deri në 18 gradë Celsius.

Në Shkup pritet mot pjesërisht i vranët, me periudha me diell dhe erë të dobët deri mesatare nga drejtimi verior, e cila në disa pjesë të luginës herë pas here do të jetë e përforcuar. Temperatura maksimale do të arrijë deri në 14 gradë Celsius.

Dje, në ora 12:30, në Stacionin Policor Tetovë, një 32-vjeçare nga Kërçova, e cila kishte qenë për vizitë në Tetovë, ka denoncuar se nga shtëpia është larguar vajza e saj 14-vjeçare. Po ndërmerren masa për gjetjen e personit.

……    Dje , në ora 13:00, në Departamentin e Policisë Rostushë, një 42-vjeçar nga fshati Skudrinjë ka denoncuar se rreth orës 12:30, në vendin e quajtur “Vinigraishtat” mbi rrugën lokale për në fshatin Skudrinjë, është sulmuar fizikisht nga një 38 vjeçar nga po i njëjti fshat për shkak të një mosmarrëveshjeje të mëparshme. Pas dokumentimit të plotë të rastit, do të pasojë parashtresë përkatëse.

……Dje, në ora 17:20, në SPB Tetovë, një 60-vjeçar nga një fshat i Tetovës ka denoncuar se ka vënë re se përmes aplikacionit të bankës në celular nga llogaria e tij e transaksioneve mungojnë 139.474 denarë. Pas kontrollit të kryer në raportin e detajuar nga banka, është konstatuar se në periudhën nga 01.10.2026 deri më 20.10.2026 janë realizuar disa transaksione të paautorizuara në platforma të huaja interneti. Po ndërmerren masa për zbulimin e kryerësit dhe zbardhjen e rastit.

……Dje, në ora 01:40, në bulevardin “Vëllezërit Gjinoski” në Gostivar, punonjës policie nga DPB Gostivar kanë privuar nga liria një 22 vjeçar nga fshati Vrapçisht, rajoni i Gostivarit. Gjatë një kontrolli trafiku është ndaluar një automjet pasagjerësh “Audi” me targa të Kërçovës, të cilin ai e drejtonte, me ç’rast është konstatuar se e drejtonte pa patentë shoferi të vlefshme, ndërsa automjeti kishte regjistrim të skaduar. Automjeti është konfiskuar dhe pas dokumentimit të plotë të rastit ndaj tij do të pasojë kallëzim përkatës.

…….Dje, në ora 17:10, në SPB Tetovë, një 25 vjeçare nga fshati Reçicë e Vogël ka denoncuar se rreth orës 15:30, një 20-vjeçar ka ardhur në oborrin e saj dhe e ka sulmuar fizikisht. Po ndërmerren masa për zbardhjen dhe dokumentimin e rastit.

Advertisement

Për herë të parë në Maqedoninë e Veriut është kryer transplantimi i veshkës nga nëna te fëmija me sindromën Alport, një sëmundje e rrallë trashëguese që dëmton veshkat dhe, në rastet më të rënda, mund të çojë në insuficiencë renale.

Pas ekzaminimeve mjekësore, është konstatuar përputhshmëri mes nënës dhe fëmijës, ndërsa ajo është vlerësuar si dhuruese e përshtatshme e gjallë.

“Ky është një shembull i më të mirës që ofron shëndetësia jonë – profesionalizëm, punë ekipore dhe humanizëm. Çdo veshkë e transplantuar nënkupton një mundësi të re për jetë”, deklaroi ministri i Shëndetësisë, Sasho Klekovski.

Transplantimi është një nga tri ndërhyrjet e kryera së fundmi në Klinikën Universitare të Urologjisë. Te dy pacientë është transplantuar veshkë nga dhurues të ndjerë, ndërsa te pacienti i tretë është përdorur organ nga dhurues i gjallë.

Me këto ndërhyrje, numri i transplantimeve të veshkave në Klinikë këtë vit ka arritur në 15. Për krahasim, gjatë gjithë vitit 2025 ishin kryer 11 transplantime.

Advertisement

Sindroma Alport është një sëmundje gjenetike e trashëguar që prek indet e veshkave, por mund të shkaktojë edhe dëmtim të dëgjimit dhe shikimit. Në rastet më të rënda, ajo çon në insuficiencë renale, duke bërë që pacientët të kenë nevojë për dializë ose transplantim.

“Shprehim mirënjohje për familjen për besimin dhe për pëlqimin që ky rast të ndahet publikisht, si dhe për të gjithë ekipin mjekësor të përfshirë pandërprerë në këtë procedurë komplekse”, deklaroi prof. dr. Biljana Kuzmanovska, koordinatore kombëtare për transplantim.