Pjesëtarët e Sektorit për Punë të Brendshme në Kumanovë kanë privuan nga liria 43 vjeçaren me A.A. nga Tetova, për shkak të dyshimit të bazuar se ajo ishte e lidhur me tentativën e vrasjes së bashkëshortit të saj Z.Sh. (43) nga fshati Sllupçan, rajoni i Likovës. Gjithashtu, gjashtë persona janë thirrur në SPB Kumanovë për bisedë zyrtare në lidhje me incidentin, dhe me urdhër gjykate është kryer kontroll në shtëpinë e B.S. (50) nga Kumanova. Pas dokumentimit të plotë të rastit, kundër A.A. do të ngrihen padi përkatëse, ndërsa padi penale do të ngrihet edhe kundër L.F. (36) nga Gostivari, i cili dyshohet për tentativë vrasjeje dhe është ende në arrati, pas konsultimit me Prokurorinë Themelore Publike.

Rektori i Universitetit të Tetovës Prof. Dr. Jusuf Zejneli sot e mirëpriti në vizitë Ambasadoren e Mbretërisë së Holandës në vendin tonë, Shkëlqesinë e Saj Ozlem Canel e shoqëruar nga stafi dhe znj. Pranvera Kasamin nga Instituti për Lidership dhe Politika Publike.

Gjatë takimit u diskutua për mundësitë që ofrojnë universitetet e Holandës për studentët dhe stafin akademik të Universitetit të Tetovës, si dhe për thellimin e bashkëpunimit akademik dhe kulturor ndërmjet dy vendeve. Rektori Prof. Dr. Jusuf Zejneli u shpreh se universiteti ynë është gjithmonë i hapur për bashkëpunime ndërkombëtare të cilat u ofrojnë studentëve tanë mundësi zhvillimi profesional dhe akademik, ndërsa Holanda është një shembull i shkëlqyer i arsimit cilësor dhe inovativ.

Ndërsa Ambasadorja e Holandës, Shkëlqesia e Saj Ozlem Canel u shpreh e lumtur për prezencën e saj në Universitetin e Tetovës dhe theksoi se universitetet e Holandës ofrojnë një gamë të gjerë mundësish për studime dhe kërkime dhe se pa dyshim nuk mungon gatishmëria për të mbështetur projekte të cilat i ndihmojnë studentët të ndërtojnë një të ardhme të suksesshme.

Pas takimit me Rektorin, Ambasadorja Canel mori pjesë në ngjarjen me temë” NextGen Career Talk “aktivitet ky që u zhvillua në kuadër të një projekti të mbështetur nga Ambasada e Mbretërisë së Holandës. Në këtë bashkëbisedim morën pjesë studentë, profesorë dhe përfaqësues të organizatave të ndryshme, të cilët ndanë përvoja dhe ide mbi zhvillimin profesional dhe mundësitë e punësimit për të rinjtë.

Advertisement

Kandidati për kryetar komune të Çairit nga koalicioni VLEN, Izet Mexhiti, është takuar me berberët e kësaj komune, duke vlerësuar punën e tyre si shembull të suksesit, përkushtimit dhe traditës familjare.

Në takimin e mbajtur me përfaqësues të këtij profesioni, Mexhiti theksoi se berberët dhe zejtarët e Çairit janë pjesë e rëndësishme e jetës sociale dhe ekonomike të komunitetit.

“Në çdo berberi fshihet një histori e vogël suksesi, një biznes familjar që qëndron mbi punë, përkushtim dhe traditë. Berberët e Çairit janë ata që çdo ditë takojnë dhjetëra qytetarë, dëgjojnë historitë e tyre, ndajnë hallet dhe gëzimet e përditshme,” tha Mexhiti.

Ai shtoi se përmes politikave të qarta për zhvillim dhe lehtësime për bizneset e vogla, do të mbështesë çdo profesion të ndershëm dhe çdo familje që krijon vlerë në Çair.

“Berberët, frizerët, zejtarët dhe tregtarët janë forca e vërtetë e ekonomisë lokale. Janë ata që me duart e tyre krijojnë bukuri, stabilitet dhe jetë në lagjet tona. Prandaj, ne do të jemi përkrah tyre me politika të qarta për zhvillim, me lehtësime për bizneset e vogla, me mbështetje për iniciativat familjare dhe me kushte më të mira pune që nxisin dinjitetin e punëtorit dhe fuqinë e vetëqëndrueshme të ekonomisë lokale.” theksoi ai.

Advertisement

Në fund, kandidati i VLEN-it u shpreh se vizioni i tij për Çairin është një komunë që ruan traditën, nxit modernizimin dhe forcon ekonominë lokale.

“Çairi do të mbetet shtëpia e mjeshtrave, vendi ku puna vlerësohet, ku tradita takohet me modernitetin dhe ku çdo njeri ka vendin e vet në historinë e qytetit tonë. Sepse Çairi është një familje e madhe që rritet mbi solidaritetin, punën dhe respektin për njëri-tjetrin.”përfundoi Mexhiti.