Lajme nga vendi
Tetova me aktorë të mrekullueshëm këtë javë bëhet qendër e aktiviteteve kulturore
Me një kast aktorësh të mrekullueshëm, Teatri i Tetovës nesër sjell premierën e shfaqjes “Në përballje me vdekjen”, e cila mbështetet në krijimtarinë e Uilliam Shekspirit dhe August Strindbergut. Regjia mban firmën e regjisores së njohur Afërdita Nuhiji, ndërsa për kostumet është kujdesur kostumografja Medina Hoxha.
Shfaqja trajton marrëdhëniet ndërfamiljare, duke e bërë temën jashtëzakonisht aktuale dhe afër publikut, pasi secili mund ta gjejë veten në ndonjë prej situatave që shpalosen në skenë.
“Procesi ka qenë shumë i mirë, shumë i këndshëm dhe jo shumë i gjatë. Një muaj e gjysme kemi bë prova por uroj që kjo shfaqje të ketë shumë jetëgjatësi, sepse sjell fenomeni aktual që e kemi dhe uroj që shfaqja të shëtis gjithandej. Është më tematikë mes fëmijëve dhe prindërve por kapen edhe linjat e marrëdhënieve mes familjes, mes motrave e miqve”, tha Afërdita Nuhiji, regjisore.
“Shfaqja është dramë socio-ekonomike ku nxjerr raportet mes prindërve dhe fëmijëve dhe ajo se deri ku mund të arrijë një prind, për mirëqenien e fëmijës së vetë”, theksoi Blerim Ismani aktor.
Vetëm një ditë pas premierës së përmendur, Tetova do të vazhdojë me një tjetër aktivitet kulturor të rëndësishëm, Festivalin Ndërkombëtar të Poezisë “Ditët e Naimit”, i cili këtë vit do të mbahet për herë të 29-të me radhë.
Festivali do të nisë me një manifestim para Shtëpisë së Kulturës në orën 19:30, ndërsa më pas do të vazhdojë në sallën e madhe të pallatit të kulturës, ku do të hapet zyrtarisht edicioni i ri dhe poetët pjesëmarrës do të lexojnë krijimet e tyre.
“Më pas në sallën e madhe të pallatit, ku do të çelet edicioni i 29 dhe do lexojnë poetët krijimet e tyre. Aty do ndahet edhe çmimi “Naim Frashëri” poetit të madh Manfred Çobot. Sivjet do kemi 22 poetë nga vendetë ndryshme të Botës, si SHBA, Polonia ,Kolumbia, Austria, Sllovenia, Bosnja e Mali i Zi e kështu me radhë”, u shpreh Shaip Emërllahu, drejtor i FNP “Ditët e Naimit”.
Manifestimi letrar “Ditët e Naimit” do të përmbyllet me Orën e Madhe Letrare, e cila tradicionalisht mbahet në ambientet e Teqesë Arabati Baba në Tetovë. Aty, poetë nga vende të ndryshme të botës do të prezantojnë krijimtarinë e tyre poetike, duke e shndërruar Tetovën për disa ditë në një qendër të poezisë ndërkombëtare.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13