Lajme nga vendi
Menduh Thaçi: A ju kam thënë se Ali Ahmeti nuk e bëri kurrë shtetësinë e shqiptarëve kushtetuese
A ju kam thënë?
Ali Ahmeti nuk e bëri kurrë shtetësinë e shqiptarëve kushtetuese – prandaj humbja e tij është vetëm kthimi në pikën zero i një mashtrimi politik.
Menduh Thaçi
A ju kujtohet ajo fjalia ime e shtatorit për Ali Ahmetin: “Kur nukfrikësohet më askush nga lufta dhe flamuri yt, ti je vetëm një kujtim politik që ende nuk është zëvendësuar.”
Tani më thoni: a nuk ndodhi pikërisht kjo?
A ju kam thënë?
Nuk është as hakmarrje, as krekosje, as krenari kur njeriu kujton se çfarë ka paralajmëruar dhe kur çdo gjë ndodh ashtusiç është thënë. Është vetëm dhembje për një rrugë të humbur.
Kjo është një letër publike që nuk synon të festojë humbjen e askujt.Është një dëshmi për atë që kam thënë,për atë që kam parë dhe për atë, së cilës kamrefuzuar t’i bashkohem.
Kur refuzova të hyj në zgjedhjet e fundit, më quajtën ‘i dorëzuar’. Më quajtën ‘plak politik’. Më quajtën ‘i parëndësishëm’. Por, unë nuk isha asnjë nga këto. Isha njeriu që e njihte shtratin e kësaj përmbytjeje. Dhe sot, mbi ujërat që lanë gurët e vjetër, unë po ju flas edhe një herë.
Kam thënë se Ali Ahmeti nuk ka ndërtuar një sistem kushtetues për shqiptarët. Ka ndërtuar një sistem premtimesh politike që varen nga vullneti i maqedonasve. Ka bërë marrëveshje që nuk shkruhen në ligj.Ka jetuar mbi një pushtet që nuk është i garantuar në Kushtetutë.
Dhe kështu, sa herë që maqedonasit ndryshojnë mendje, shqiptarët kthehen në pikën zero. Kjo është ajo që ndodhi.Dhe kjo është ajo që ndodh gjithmonë kur të drejtat nuk janë të normuara me Kushtetutë, por të deleguara si favore politike – grupore apo personale.
Është e thjeshtë: VMRO fitoi. Por nuk fitoi vetëm. Fitoi me ndihmën e shqiptarëve të ndarë. Fitoi me ndihmën e një Albin Kurti që nuk e kuptoi kurrë Maqedoninëe Veriut. Ose ndoshta e kuptoi, por kishte prioritet tjetër.
Mickoski e poshtëroi Ali Ahmetin në Kërçovë, në shtëpinë e tij. E rrëzoi Taravarin në Gostivar. E mundi Zijadinin në Dibër dhe në Strugë. E mundi gjithandej.
Por pastaj bëri diçka më të rëndë: e përçmoi Albin Kurtin dhe e përdori për të marrë votën shqiptare e për ta braktisur më pas. I tregoi se Kosova nuk i duhet. Shqipëria nuk i duhet. Atij i duhen vetëm shqiptarët që e ndihmojnë të bëhet zot i shtetit.
Pa organizim politik, nuk ka popull – ka vetëm mëhalla, katunde dhe shehre (qytete).
Dhe kjo nuk ndodh rastësisht. Ndodh sepse nuk ka më organizim politik shqiptar. Ka vetëm mëhalla e feude. Ka vetëm grupe nepotiste që kërkojnë hisen e tyre, jo të drejtën e përbashkët. Dhe aty ku ka feude, nuk ka më barazi. Ka thërrime, ka troshka.
Mickoski dhe maqedonasit nuk e duan një shtet multietnik. Ata duan një shoqëri multietnike, ku shqiptarët janë komunitet, jo shtetformues.
Dhe sa herë që shqiptarët i nënshtrohen këtij modeli, e bëjnë veten më pak se ç’kanë qenë.
Në vitin 2001 u keqpërdorën aspiratat historike të shqiptarëve.Atëherë politika shqiptare ishte Partia Demokratike Shqiptare (PDSH). Luftën e bënë shqiptarët dhe Kosova – politikën e bëri PDSH. Sot nuk ka as luftë, as politikë.Ka spektatorë që çojnë flamuj në protesta dhe presin që t’u vijë ftesa për koalicion.
Riorganizimi politik është i vetmi shpëtim
Nuk ka më asnjë rrugë tjetër përveç riorganizimit politik shqiptar – një organizim që e vendos barazinë në Kushtetutë, që e shkruan të drejtën, jo vetëm e premton atë, që e ndan pushtetin jo si favor dhe nder, por si detyrim ligjor dhe kushtetues.
Shqiptarët nuk duhet të kërkojnë më vend në qeveri. Duhet të kërkojnë vend në Kushtetutë. Sepse kur të drejtat nuk janë të shkruara, ato mbeten vetëm nënshkrime që fshihen sa herë t’u teket maqedonasve.
Dhe bashkësia ndërkombëtare nuk ka më luksin të heshtë.Në këtë rrugë, nuk jemi vetëm ne që kemi faj. Edhe ajo nuk ka artikuluar kurrë një rrëfim të barabartë për Maqedoninëe Veriut. Ka toleruar një sistem ku një palë sundon dhe pala tjetër duhet të jetë e kënaqur që ekziston.
Është e qartë: VMRO dhe maqedonasit nuk e duan Evropën. Sepse e dinë se hyrja në BE do të kërkonte përfshirjen e pakicës bullgare në Kushtetutë. Dhe kjo e përmbys identitetin që ata pretendojnë. Prandaj zgjedhin Serbinë. Zgjedhin nacionalizmin. Zgjedhin izolimin. Zgjedhin që shqiptarët të mbeten dekor.
Kurse e vërteta është kjo: vetëm rruga drejt Brukselit e mban gjallë Maqedoninëe Veriut. Dhe vetëm shqiptarët janë garantuesit e kësaj rruge. Sepse vetëm shqiptarët besojnë në vlerat e civilizimit perëndimor dhe në shtetin multietnik. Sepse vetëm shqiptarët e kuptojnë se pa të drejta të shkruara nuk ka barazi reale.
Bashkësia ndërkombëtare e di shumë mirë se Maqedoniae Veriut është zonë tampon – për Shqipërinë, Serbinë, Bullgarinë, Greqinë dhe tani edhe Kosovën. Dhe çdo përçarje brenda saj ndodh përmes shqiptarëve.
Tani që gjithçka ndodhi siç ishte paralajmëruar, kjo letër nuk është më thirrje – është dokument. Nëse ende ka dikush që nuk e kupton çfarë ndodhi me Ali Ahmetin dhe me shqiptarët në Maqedoninë e Veriut, le ta lexojë edhe një herë këtë tekst – dhe le tëpyesë veten:
Kush është i radhës që do ta harrojë veten duke heshtur për të tjerët?
Toshkovski luan rolin e ekspertit të ujit, ndërsa qytetarët e gostivarit helmohen dhe VMRO bën biznes. Në këtë mënyrë LSDM-ja ka adresuar kritika ndaj partisë në pushtet lidhur me situatën e krizës me ujin në Gostivar.
Sipas LSDM-së, mbi 50 vendbanime në vend kanë ujë të ndotur, ndërsa, siç pretendojnë ata, “patriotët e tenderëve” Mickoski dhe Klekovski e kanë helmuar të gjithë Maqedoninë.
LSDM e cilëson situatën si “kaos total” dhe “shpërbërje totale”, duke pretenduar se gjithçka bëhet vetëm për të shpëtuar një deklaratë të rreme të Mickoskit.
“LSDM kërkon që Prokuroria Publike të hapë menjëherë procedurë dhe të përcaktojë përgjegjësi penale për rrezikimin e vetëdijshëm të shëndetit të qytetarëve.Duhet të ketë përgjegjësi për Hristijan Mickoskin, Sasho Klekovskin dhe Pançe Toshkovskin. Bëhet fjalë për një marrëveshje biznesi prej 100.000 eurosh për furnizimin me ujë në Gostivar, pa tender dhe pa shpallje publike.”
Qeveria përmes një komunikate për media ka përgënjeshtruar, sic thonë, pretendimet e pavërteta të bëra sot nga Lidhja Socialdemokrate,duke I quajtur përpjekje për manipulimin e opinionit me dezinformata të pasakta dhe tërësisht të sajuara.
Qeveria, sic thuhet në komunikatë, mbetet konsekuente ndaj obligimit të marrë që qytetarët e Gostivarit do të furnizohen me ujë të sigurt për pije derisa ekspertët dhe institucionet kompetente të konfirmojnë zyrtarisht se uji nga sistemi i ujësjellësit është i rregullt për përdorim. Ky premtim përmbushet plotësisht dhe nuk do të vihet në pikëpyetje.
Sa i përket furnizimit me ujë të ambalazhuar, është e saktë se procedura me negocim është zhvilluar nga Shërbimi për Punë të Përgjithshme dhe të Përbashkëta, i cili siguron ujë falas për qytetarët, ndërsa kontratën përmes tenderit e ka fituar kompania „Kozhuvçanka“. Megjithatë, po ashtu është fakt se një shishe uji prej 1,5 litrash, e cila në shitjen me pakicë kushton të paktën 25 denarë, Qeveria e furnizon me çmim prej 12,5 denarësh. Kjo është e mundur sepse kompania „Kozhuvçanka“ merr pjesë në këtë furnizim me kontributin e saj, me qëllim që t’u ndihmojë qytetarëve dhe institucioneve në kushtet e gjendjes së krizës”
Sipas Qeverisë, faktet janë të qarta dhe lehtësisht të verifikueshme, kurse I bëjnë thirrje LSDM-së që edhe kur nuk ndihmojnë në asnjë mënyrë, të paktën të ndalojë së gënjyeri në mënyrë të paskrupullt./Tv Koha/
Dje në ora 09:00 në Tetovë, zyrtarë policorë nga SPB Tetovë kanë privuar nga liria një 21-vjeçar nga Tetova për shkak të dyshimit të bazuar se ka kryer veprën penale „grabitje“ sipas nenit 237 të Kodit Penal. Sipas denoncimit, po këtë ditë në ora 04:00, duke e kërcënuar me thikë, i ka marrë para një 19-vjeçari nga Tetova. Ai është ndaluar në Stacionin Policor të Tetovës dhe pas dokumentimit të plotë të rastit do të pasojë parashtresë përkatëse.
…….Dje në ora 01:10 në SPB Tetovë është denoncuar se ka shpërthyer zjarr në rrugën „Vëllezërit Milladinovi“ në Tetovë, në një objekt ndihmës në pronësi të një 38-vjeçari nga Tetova. Nuk ka persona të lënduar, ndërsa zjarri është fikur nga vetë pronari. Këqyrje në vendin e ngjarjes ka kryer ekipi i SPB Tetovë.
…….Dje në ora 12:20 në DPB Gostivar, një grua 34-vjeçare nga Gostivari ka denoncuar se gjatë muajit qershor 2026 është mashtruar dhe vënë në lajthitje nga një avokat nga Gostivari për një shumë prej 800 eurosh. Sipas denoncimit, pas konsultimeve të mëparshme lidhur me një procedim zyrtar, avokati i ka kërkuar të paguajë për pretendim përfaqësimi në një lëndë, për të cilën pas verifikimeve të kryera ka konstatuar se nuk ekzistonte fare. Po ndërmerren masa për zbardhjen dhe dokumentimin e rastit.
……Dje në ora 15:45 në DPB Gostivar është denoncuar se në lagjen „Pitarnica“ në Gostivar ka ndodhur një aksident trafiku mes një automjeti të udhëtarëve „BMV“ me targa austriake, i drejtuar nga një 32-vjeçar nga fshati Forinë e Gostivarit, dhe një biçiklete të drejtuar nga një 43-vjeçar nga Gostivari. Në aksident, lëndime të rënda trupore ka pësuar biçiklisti, të konfirmuara në Qendrën Urgjente në Gostivar. Këqyrje në vendin e ngjarjes ka kryer ekipi hetimor i DPB Gostivar.
…….Dje në ora 21:40 në Stacionin Policor Tearcë, një 77-vjeçar nga fshati Përshevcë e Tetovës, ka denoncuar se rreth orës 18:45 përballë oborrit të tij, pas një mosmarrëveshjeje të mëparshme për një automjet të parkuar, është sulmuar fizikisht nga dy persona nga po i njëjti fshat. Po ndërmerren masa për zbardhjen e rastit.
…….Dje në ora 21:15 në rrugën „Jane Sandanski“ në Tetovë, zyrtarë policorë nga SPB Tetovë kanë arrestuar një 32-vjeçar nga Tetova pasi u soll në mënyrë agresive dhe nuk veproi sipas urdhrave të dhëna nga zyrtarët policorë që po kryenin detyrën zyrtare. Ai është ndaluar në stacionin policor dhe pas dokumentimit të plotë të rastit, ndaj tij do të pasojë parashtresë përkatëse.
……Dje në ora 16:30 në Stacionin Policor Tearcë, një person ka denoncuar se e dashura e tij 20-vjeçare dhe shoqja e saj 16-vjeçare, të dyja nga fshati Përshevcë e Tetovës, derisa ishin në një automjet taksi, shoferi ka filluar të sillet në mënyrë të papërshtatshme, nuk e ka ndalur automjetin dhe nuk i ka dërguar në lokacionin e kërkuar. Sipas denoncimit, ato kanë arritur të kërcejnë nga automjeti në lëvizje dhe kanë kërkuar ndihmë. Për rastin është njoftuar prokurori publik dhe Qendra për Punë Sociale në Tetovë. Po ndërmerren masa për zbardhjen e ngjarjes.
Qeveria e Mickoskit po përgatit terrenin për pranimin e Propozimit Francez, tha gjatë një press-konference para Qeverisë, Andrej Zhernovski nga LSDM-ja.
Sipas informacioneve të LSDM-së nga Brukseli, Qeveria tashmë e ka arritur këtë marrëveshje. Këto janë sinjale të qarta që kanë ardhur nga Brukseli, Berlini dhe Parisi”, theksoi Andrej Zhernovski.
Zhernovski tha se mesazhet dhe deklaratat e fundit të Qeverisë tregojnë qartë se kanë dështuar të gjitha përpjekjet për ta fshehur të vërtetën para qytetarëve.
Sipas tij, Qeveria tani po përpiqet ta paraqesë si fitore pikërisht atë që për vite me radhë e ka dënuar.
“E vetmja gjë që po bën tani Mickoski dhe të gjithë rreth tij është të gjejnë mënyrën se si këtë gënjeshtër, që ua shitën votuesve, ta paraqesin si fitore. Po përpiqen të krijojnë një strategji për ta paraqitur si sukses atë që deri dje për ta ishte gënjeshtër dhe tradhti e madhe. Ndryshimi i papritur i qëndrimeve të Qeverisë dhe i ministrit të Punëve të Jashtme nuk është rastësi, por pjesë e përgatitjes së opinionit për pranimin e politikave që më parë i kishin sulmuar ashpër”
Kundërpërgjigja erdhi nga Ministria e Jashtme. Sipas tyre, Konferenca e sotme për shtyp e LSDM-së është edhe një përpjekje për të krijuar histeri dhe për të dezinformuar opinionin publik.
Në vend që të marrë përgjegjësi dhe të kërkojë falje për dëmin që i ka shkaktuar pozitave kombëtare dhe atyre të politikës së jashtme të shtetit, LSDM-ja edhe një herë po plasojnë të pavërteta dhe konstruksione të rënda – thuhet në reagimin e Ministrisë së Punëve të Jashtme (MPJ), pasi partia opozitare akuzoi se Qeveria po përgatit terrenin për pranimin e “propozimit francez”.
Sipas MPJ-së, pretendimet për ekzistimin e një marrëveshjeje të fshehtë ose negociatave sekrete janë “vetëm një tjetër trillim në vargun e dezinformatave që LSDM-ja ia servon opinionit publik”.
“Fakt është se institucionet komunikojnë rregullisht me vendet anëtare të Bashkimit Evropian, me institucionet evropiane, me Bullgarinë dhe me partnerët e tjerë ndërkombëtarë. Këto bisedime zhvillohen në mënyrë transparente, ndërsa qëndrimi i Qeverisë është i qartë dhe është konfirmuar publikisht në disa raste. Nuk ka asnjë lëshim nga interesat kombëtare, identiteti, gjuha dhe historia. Anëtarësimi i plotë në Bashkimin Evropian mbetet përcaktim strategjik dhe objektivi përfundimtar i kësaj Qeverie”, thuhet në reagimin e Ministrisë./Tv Koha/
KRIZA E UJIT NË GOSTIVAR: PËRPLASJE LSDM – QEVERIA!
Kronika e zezë – Tetovë dhe Gostivar, 04 Gusht
LSDM: QEVERIA PËRGATIT TERRENIN PËR PRANIMIN E “PROPOZIMIT FRANCEZ”!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
