Ministria e Punëve të Jashtme dhe Tregtisë së Jashtme u bën apel qytetarëve tanë që ndodhen në zonat e prekura nga zjarret në Greqi dhe kanë nevojë për ndihmë, të kontaktojnë numrin kujdestar të Ministrisë +389 75 268 736, adresën elektronike globalsos@mfa.gov.mk, si dhe në numrat kujdestarë të Konsullatës së Republikës së Maqedonisë së Veriut në Selanik: +30 694 526 8068 dhe +389 71 323 001.

Njëkohësisht, shtetasit e Maqedonisë së Veriut që ndodhen në zonat e prekura këshillohen të ndjekin me kujdes situatën dhe të respektojnë udhëzimet dhe rekomandimet e autoriteteve lokale.

MPJTJ njofton se po e ndjek me vëmendje situatën aktuale me zjarret në Greqi, përmes përfaqësisë diplomatiko-konsullore në Selanik dhe në komunikim me institucionet kompetente greke.

Dje, zyrtarët policorë nga Stacioni Policor i Grupçinit e kanë privuar nga liria një 61-vjeçar nga fshati Zhelinë. Ai është kapur duke ndezur zjarr në sipërfaqe të thatë në pronën e tij në afërsi të rrugës rajonale Tetovë – fsh. Grupçin. Zjarri është fikur nga vetë pronari. Personi është ndaluar në stacionin policor dhe pas dokumentimit të rastit, ndaj tij do të vijojë parashtresa përkatëse.

……Dje në ora 11:56 në SPB Tetovë, një grua 44-vjeçare nga një fshat i Tetovës ka denoncuar se bashkëshorti i saj 46-vjeçar me të cilin është në procedurë divorci, për një kohë të gjatë e ka përgjuar persekutuar në vendin e saj të punës, gjatë vizitave te prindërit e saj dhe i ka kufizuar lëvizjen. Sipas denoncimit, pas ngritjes së padisë për divorc, ajo ka filluar të marrë edhe mesazhe kërcënuese nga profile të rreme në rrjetet sociale. Po merren masa për zbardhjen e rastit.

          …….Dje në ora 15:40, zyrtarët policorë nga SPB Tetovë e kanë privuar nga liria një 25-vjeçar nga Tetova për shkak të ekzistimit të dyshimit për veprat penale „rrezikim i sigurisë“ dhe „përndjekje“. Ai është denoncuar nga ish-bashkëshortja e tij jashtëmartesore 20-vjeçare nga Tetova se për një kohë të gjatë ka ushtruar dhunë fizike dhe i ka drejtuar kërcënime për jetën. Ai është ndaluar në stacionin policor dhe pas dokumentimit të rastit do të vijojë parashtresa përkatëse.

……Dje në ora 23:20 në rr. „Ivo Ribar Lola“ në Tetovë, zyrtarët policorë nga SPB Tetovë kanë privuar nga liria dy persona të moshës 43 dhe 42 vjeçare të dy nga Tetova. Gjatë kontrollit në automjetin „Mercedes“ me targa gjermane, është gjetur dhe konfiskuar një lëndë pluhur me ngjyrë të bardhë. Pas dokumentimit të rastit do të vijojë parashtresa përkatëse.

…….Dje në ora 16:00 në DPB Gostivar, një 18-vjeçar nga Gostivari ka denoncuar se në periudhën prej orës 13:00 deri në 14:00 para shtëpisë së tij në rr. „Ivo Lola Ribar“ i është vjedhur një motocikletë „Hamachi“ me targa të Gostivarit. Po merren masa për gjetjen e motocikletës dhe kryerësit.

Advertisement

……Dje në ora 23:30 në Stacionin Policor të Çegranit, një 27-vjeçar nga rrethina e Gostivarit ka denoncuar se rreth orës 15:20 në oborrin e shtëpisë familjare, për shkak të marrëdhënieve të pazbardhura pronësore-juridike, është sulmuar fizikisht nga xhaxhallarët e tij, të cilët kanë përdorur edhe mjete të mprehta, e më pas kanë hyrë edhe në shtëpi ku kanë sulmuar fizikisht edhe babanë e tij. Po merren masa për zbardhjen e rastit.

……Dje në SPB Tetovë është denoncuar se në ora 12:45 në bul. „Bllagoja Toska“ në Tetovë ka ndodhur një aksident komunikacioni mes një automjeti pasagjerësh „Daihatsu“ me targa të Tetovës, i drejtuar nga një qytetar nga Tetova dhe një biçiklete e drejtuar nga një 60-vjeçar nga Tetova. Në aksident, biçiklisti ka pësuar lëndime të rënda trupore, të konstatuara në Spitalin Klinik të Tetovës. Ekspertizë në vendin e ngjarjes ka kryer ekipi i SPB Tetovë.

……Dje në ora 16:00 në Njësinë Policore për Sigurinë e Trafikut Rrugor Gostivar, një 41-vjeçare nga fshati Debresh ka denoncuar se më 12.08.2026 fëmija e saj i mitur, duke drejtuar një katërrotor (katërçikletë) pa leje drejtimi, ka qenë i përfshirë në një aksident komunikacioni me një automjet në rrugën Gostivar – fsh. Gradec dhe është larguar nga vendi i ngjarjes, pas së cilës ajo e ka sjellë katërrotorin në stacionin policor. Me udhëzim të Prokurorit Publik, katërrotori është konfiskuar dhe pas dokumentimit të rastit do të vijojë parashtresa përkatëse.

…….Dje në ora 09:50 në DPB Gostivar, nga Qendra Mjekësore Gostivar është denoncuar se te ata me lëndime të rënda trupore është sjellë një 19-vjeçar nga fshati Debresh. Sipas denoncimit, ai i ka marrë lëndimet pasi mbi të ka rënë një derë metalike në oborr derisa po hynte te një i afërm i tij. Këqyrjen e vendit të ngjarjes e ka kryer ekipi i DPB Gostivar.

…….Pas mesnate në DPB Gostivar është denoncuar se rreth orës 01:00 në rr. „Ilinden“ në Gostivar ka ndodhur një përleshje fizike mes një 44-vjeçari nga fshati Zdunjë dhe një 49-vjeçari nga fshati Raven. Të dy janë shoqëruar dhe ndaluar në stacionin policor dhe pas dokumentimit të rastit ndaj tyre do të vijojë parashtresa përkatëse.

Advertisement

……Dje në ora 23:30 në SPB Tetovë, një 23-vjeçare nga fshati Nerasht, rrethina e Tetovës, ka denoncuar se rreth orës 21:40 në rr. „Iliria“ në Tetovë është sulmuar fizikisht nga një mashkull dhe një femër. Po merren masa për gjetjen e personave dhe zbardhjen e rastit.

…….Dje në ora 21:15 në Kalimin Kufitar – Aeroporti Ndërkombëtar i Shkupit, zyrtarët policorë kanë ndaluar një 26-vjeçar nga fshati Gurgurnicë, rrethina e Tetovës, i cili kërkohej me urdhërarrest gjyqësor për vuajtjen e dënimit me burg. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.

Komunikata e plotë e VLEN-it

Aktakuza ndaj Artan Grubit i ka ndezur gjakrat në BDI. Frika nga kujtesa e tij po e bën të vetën.

Ali Ahmeti paralajmëron tërheqjen nga politika aktive. Gjoja, ai dashka të tërhiqet, por bashkëpartiakët nuk e lënkan. “Përralla me mbret”, siç thotë populli.

Prej kohësh themi se Artan Grubi është “kutia e zezë” e BDI-së dhe se nga prania ose mungesa e tij varen shumë hesape dhe zhvillime brenda kësaj partie.

Nuk është rastësi që Bujar Osmani, i cili po pret në pozicion startues, hedh në opinion pyetje dhe tema që, drejtpërdrejt ose tërthorazi, çojnë te Grubi.

Advertisement

Roli i Islam Abazit është shumë i rëndësishëm për zhvillimet e ardhshme në BDI. Atje po përpiqen dëshpërimisht të krijojnë përshtypjen se e kanë situatën nën kontroll, ndonëse ajo prej kohësh u ka dalë nga duart.

Me pak fjalë, nga ajo që Artani mund të ketë kënduar si bilbil do të varet se kush do të bëhet kurban.

Për Ali Ahmetin, kohët e vështira sapo kanë filluar. Përpara s’i dilet, prapa s’ka ku shkon!