Sport

VOLEJBOLL: NESËR LUHET NDESHJA UNIVERSITETI I TETOVËS –LIRIA

Published

12 months ago

November 4, 2025

Nesër në program janë katër ndeshje të javës së tretë në ligën e parë të volejbollit për meshkuj ndërsa ndeshja Susheva – Shkëndija luhet të enjten

Java e tretë e kampionatit në Ligën e parë të volejbollit në kategorinë e meshkujve zhvillohet nesër me disa përballje interesante. Derbi lokal zhvillohet në sallën sportive te UT-së në Tetovë me fillim në ora 19:00, ku mejdanin do të ndajnë Universiteti i Tetovës dhe Liria e Zherovjanit. Dy ekipet kanë paralajmëruar se do të japin më të mirën e tyre që të kënaqin publikun dhe të mundohen edhe të arkëtojnë tre pikë.

Ekipi i Shkëndijës e cila në dy xhirot e para ka një disfatë dhe një fitore të enjten me fillim në ora 20:00 është mysafire e ekipit të Sushevës. Trajneri Luma tha se jemi të bindur se nga kjo përballje kthehemi me tre pikë të reja.

Në javën e tret të sezonit vjeshtor takohen: Universiteti i Tetovës – Liria, Strumica – Rabotniçki, Boreci – Skopje, UGD Shtipi – Makedonia Xhio dhe Susheva – Shkëndija.

Shaban Sinani – TV Koha

Sport

LIGA E KATERT: KF BESA RRUGËTON FUQISHËM – KATËR FITORE RADHAZI

Published

5 hours ago

October 27, 2026

TetovaExpres

Java e katërt në Ligën e katërt rajoni i gjashtë karakterizohet me tre fitore të vendasve, një barazim dhe një fitore e e mysafirëve dhe me 24 gola të shënuar. KF Besa vazhdon startin perfekt me katër fitore në po aq ndeshje.

Sezoni vjeshtor në Ligën e Katërt – Rajoni i Gjashtë, ka vazhduar me ndeshjet e xhiros së katërt.

Në pesë ndeshje e zhvilluara vendasit kanë regjistruar tre fitore një ndeshje ka përfunduar me barazim, ndërsa në një ndeshje ka fituara skuadra mysafire ku janë shënuar 24 gola.

Besa e Çellopekut vazhdon rrugëtimin e fitoreve, kësaj radhe në transfertë në stadiumin e Zhelinës mundi ekipin e Treboshit me rezultat të thellë 0-5.

Për Besën kjo ishte fitorja e katërt nga po aq ndeshje të zhvilluara në sezonin vjeshtor.

Ndeshja e vetme që ka përfunduar me barazim 1-1 është takimi Nerashti – Dardania.

Në tre ndeshjet tjera fitore kanë regjistruar ekipet vendase dhe atë Flamurtari – Rinia 6-3, Renova – Genç Kalemler Sport 4-2 dhe Pallatica – Piroku 2-0.

Tabelën e kryeson Besa me 12 pikë.

SHABAN SINANI – TV KOHA

Sport

FUTBOLL I FEMRAVE: LUBOTENI VAZHDON TË MBAN PRIMATIN NË RENDITJE

Published

5 hours ago

October 27, 2026

TetovaExpres

Një fitore e vendasve dhe katër tw atyre mysafire është epilogu i javës së 10-të në Ligën e Parë të futbollit për femra. Luboteni kryeson me 25 pikë.

Java e 10-të e sezonit vjeshtor në Ligën e Parë të futbollit për femra ka prodhuar një fitore për vendaset dhe katër fitore për mysafiret dhe 16 gola të shënuar.

Lideri në renditjen e tabelës Luboteni i Tetovës kthehet me fitore 2-1 dhe tre pikë nga transferua me Kamenica Kamenicë duke vazhduar të mbanë pozitën e parë.

Fitore të thellë 0-7 në transfertë ka regjistruar Skopje 2014 ndaj Koçanit .

Tiverija Brera ka shënuar fitore minimale 0-2, por shumë të rëndësishme ndaj Pelisterit Pro 2026, ndërsa Vardari 2023 ka mposhtur 0-1 ekipin Istatov 2015 Skopje .

Pas kompletimit të ndeshjeve të xhiros së 10-të, tabelën e kryeson Luboteni me 26 pikë para Skopjes 2014 me 23 dhe Tiverija Brera me 22 pikë.

SHABAN SINANI – TV KOHA

Sport

HARI KEJN FITUES I TOPIT TË ARTË – URON EDHE KF SHKËNDIJA!

Published

5 hours ago

October 27, 2026

TetovaExpres

Hari Kejn është fitues i Topit të Artë të revistës „France Football“ për vitin 2026! Sulmuesi i Bajernit të Mynihut mori më së shumti vota në konkurrencë me Lamin Jamalin, Kilijan Mbapenë, Majkëll Olisen, Hviça Kvaratshelian dhe yjet e tjerë të futbollit botëror, duke fituar çmimin më prestigjioz individual në futbollin botëror.

Heri Kejn anglezi 33-vjeçar shkroi histori, duke u bërë futbollisti i parë anglez pas Majkëll Ouenit, në vitin 2001, që fiton këtë çmim. Ceremonia solemne e edicionit të 70-të të ndarjes së Topit të Artë u mbajt në sallën „Palladium“ në Londër, ku u mblodhën emrat më të mëdhenj të futbollit botëror.

Pas këtij vlerësimi historik qëndron një nga sezonet më të mira të karrierës së sulmuesit anglez. Kejn shënoi gjithsej 73 gola në 65 ndeshje gjatë sezonit 2025/26, për Bajernin e Mynihut dhe përfaqësuesen e Anglisë.

Në konkurrencën e femrave, Topi i Artë për vitin 2026 i takoi futbollistes spanjolle Aleksia Puteljas.

Lamin Jamal fitoi çmimin „Kopa“ për futbollistin më të mirë të ri, në konkurrencë me Pau Kubarsin, Uoren Zair-Emery, Lenart Karl dhe Jan Diomande.

Çmimin ia dorëzoi fituesi i mëparshëm i Topit të Artë, Andrij Shevçenko. Pas pranimit të trofeut, Jamali u shpreh me modestinë se bashkëlojtari i tij te Barcelona dhe përfaqësuesja e Spanjës, Pau Kubarsi, e meritonte më shumë këtë vlerësim.

Në konkurrencën e femrave, çmimi i takoi Viktoria Lopezit nga Barcelona.

Për herë të parë u ndanë edhe çmimet për trajnerët më të mirë në konkurrencën e meshkujve dhe femrave, të emërtuara në nder të legjendës Johan Cruyff.

Në konkurrencën e femrave, çmimin e fitoi trajneri i Barcelonës, Pere Romeu.

Te meshkujt, çmimi i takoi përzgjedhësit të Spanjës, Luis de la Fuente, i cili e udhëhoqi përfaqësuesen drejt titullit botëror.

Çmimi „Lev Yashin“, që i ndahet portierit më të mirë të sezonit, në konkurrencën e femrave i takoi Kata Kolit nga Barcelona.

Në konkurrencën e meshkujve, fitues ishte Unai Simon, portieri i Atletik Bilbaos dhe i përfaqësueses së Spanjës.

Bukajo Saka nga Arsenali fitoi çmimin „Sokrates“, i cili ndahet për kontribut të veçantë humanitar dhe aktivitete jashtë fushave të futbollit.

Barcelona u shpall klubi më i mirë i vitit në konkurrencën e femrave, kurse PSG në atë të meshkujve.

Heri Kejn përjetoi atë që ëndërron çdo fëmijë. Teksa po merr urime nga të gjitha anët, vlen të veçohet edhe mesazhi i Shkëndijës së Tetovës, e cila në të kaluarën e kishte Harrin si kundërshtar.

„Krenarë që rrugët tona u kryqëzuan me fituesin e Topit të Artë! Urime, Hari Kejn!“, thuhet në urimin e Shkëndijës.