Lajme nga vendi
Edhe veturat e parkuara “keq”, do të gjobiten nga sistemi “Qytet i Sigurt”
Shpejtësia më e lartë e regjistruar nga sistemi “Qytet i Sigurt” është 231 kilometra në orë, me të cilën një makinë po “fluturonte” në unazën e Shkupit, zbuloi në Top Tema në TV Telma Maja Arsovska-Manov, drejtoreshë e Sektorit të Çështjeve të Trafikut në Ministrinë e Brendshme, dhe Vladimir Velkovski, këshilltar shtetëror në kabinetin e ministrit Toshkovski. Shkelja u regjistrua më 1 dhjetor, ditën e parë pas fillimit të periudhës së provës së sistemit, transmeton Portalb.mk.
Arsovska-Manov dha disa detaje në lidhje me njoftimet se automjetet e parkuara në mënyrë të paligjshme do të identifikohen dhe sanksionohen në kuadër të sistemit “Qytet i Sigurt”.
Kjo, tha ajo, do të bëhet nga automjetet e policisë që do të jenë të pajisura me pajisje për të zbuluar këtë lloj shkeljeje. Pajisjet, tha ajo, janë instaluar aktualisht në një automjet.
“Do të funksionojë në një mënyrë që një polic do të drejtojë automjetin dhe tjetri do të përdorë pajisjet”, tha ajo.
Atë ditë, siç raportoi Ministria e Brendshme, u regjistruan mbi 65,000 shkelje në 12 orë, dhe një total prej 110,000 shkeljesh në 24 orë. Të nesërmen, numri u përgjysmua në 50,652 shkelje. Megjithatë, siç raportoi Ministria e Brendshme, tendenca e shumicës së shkeljeve të rregullave të trafikut që lidhen me shpejtësinë ka mbetur, 48,861, ndërsa 1,366 ishin për kalim të semaforit të kuq dhe 425 për automjete të paregjistruara. Në ditën e dytë, u mat një tjetër shpejtësi rekord prej 209 kilometrash në orë.
Sipas Ministrisë së Brendshme, më shumë shkelje të shpejtësisë u regjistruan në dalje nga Shkupi për në Tetovë, 4,300, dhe në Bulevardin Nikolla Karev, i njohur më mirë si Rruga e Plastikave, 3,000 shkelje.
Nga ana tjetër, në tre ditët e para të fillimit të Qytetit të Sigurt, një numër i madh paralajmërimesh u lëshuan edhe për qytetarët që po drejtonin me 51 ose 52 kilometra në orë, gjë që shkaktoi debate të shumta në mediat sociale. Qytetarët ndajnë përvoja dhe praktika nga vende të tjera që kanë një prag tolerance në të cilin drejtimi i disa kilometrave mbi shpejtësinë maksimale të lejuar nuk ndëshkohet. Vërejtjet i referohen gjithashtu shpërqendrimit të shoferëve që shikojnë më shumë shpejtësimatësin sesa trafikun, por edhe mungesës së sinjaleve të trafikut në shumë vende ku ka kamera.
Ministri Pançe Toshkovski pranoi dobësitë e sistemit dhe tha se disa nga paralajmërimet nuk arritën te shoferët e duhur dhe njoftoi se periudha e testimit mund të zgjatet. Megjithatë, ai theksoi se nuk do të ketë përjashtime për askënd, përfshirë automjetet zyrtare dhe qytetarët e huaj të cilët nuk do të pengohen të largohen, por nuk do të lejohen të hyjnë nëse nuk paguajnë gjobën e tyre.
“Një autoambulancë nuk do të sanksionohet nëse lëviz më shpejt se shpejtësia e përcaktuar sipas kushteve që janë parashikuar. E njëjta gjë vlen edhe për automjetet e tjera të shërbimit, siç janë automjetet e Ministrisë së Punëve të Brendshme dhe Ushtrisë, por të gjitha të tjerat i nënshtrohen sanksioneve, pavarësisht nëse kanë targë të kuqe. Zyrtarët që drejtojnë automjete zyrtare me shoqërim policor kanë të drejtë të ngasin ndonjëherë më shpejt se shpejtësia e lejuar, por nëse një ministër drejton dhe kryen një shkelje, ai do të ndëshkohet. Deri më tani, të paktën tre shoferë që aktualisht drejtonin ministra dhe nuk i përmbaheshin rregullave të përcaktuara janë ndëshkuar”, tha Toshkovski.
Kamerat “Qytet i Sigurt” të instaluara në udhëkryqet e Shkupit do të regjistrojnë automatikisht shkeljet e trafikut duke filluar nga sot, 1 dhjetor. Ministria e Brendshme po lançon sistemin “Qytet i Sigurt, Shtet i Sigurt”. Periudha provuese do të zgjasë deri në Vitin e Ri, ndërsa gjobat e para duhet të mbërrijnë më 1 janar.
Nëse kamerat do t’i sjellin shoferët në vete, do të shihet në javët e para të sistemit, i cili do të fillojë të regjistrojë dhe paralajmërojë nga nesër, dhe duke filluar nga viti i ri, do të ndëshkojë edhe ata.
Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.
Dje në ora 10:35, zyrtarë policorë nga SPB Tetovë kanë privuar nga liria një 51-vjeçar nga fshati Poroj i Tetovës. Ai kërkohej me urdhëresë gjyqësore për vuajtje të dënimit me burg për vepër penale të kryer sipas nenit 284-a të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtje të dënimit.
……Dje në ora 11:30 në SPB Tetovë është denoncuar se më 15 Qershor rreth orës 16:30, para hyrjes së kishës “Shën Atanasie” në fshatin Bërvenicë të Tetovës, është vjedhur një arkë me para. Po merren masa për gjetjen e autorit dhe për zbardhjen e plotë të rastit.
……Dje në ora 17:00 në DPB Gostivar, një 43-vjeçar nga Gostivari ka denoncuar se një person nga fshati Negotinë i Gostivarit, i ka drejtuar kërcënime përmes telefonit. Sipas denoncimit, ai edhe më parë ka shkuar në vendin e tij të punës, në zyrën e tij në Komunën e Gostivarit, dhe i ka drejtuar kërcënime për shkak të masave të ndërmarra më parë lidhur me detyrat e tij zyrtare në komunë, përkatësisht për shkak të një procedure të iniciuar më parë për mbindërtim pa leje të një objekti, e cila ishte denoncuar nga fqinjtë. Po merren masa për zbardhjen e rastit.
……Dje në ora 14:20 në DPB gostivar, një 53-vjeçar nga fshati Çegran i Gostivarit, ka denoncuar se në një rrjet social janë publikuar fotografi të djalit të tij të mitur me tekste me kërcënime për jetën dhe sigurinë e familjes së tij. Është njoftuar prokurori publik dhe po merren masa për zbardhjen e rastit
Tetë ditë paraburgim i janë caktuar shkupjanit që dogji dy automjete diplomatike para Ambasadës së Bullgarisë. Shkupjani 44-vjeçar, siç raportuan disa media, e ka pranuar veprën në polici. I gjithë akti është regjistruar nga kamerat e sigurisë, ndërsa autori është identifikuar dhe arrestuar po atë ditë kur e kreu veprën. Incidenti u dënua si nga autoritetet maqedonase, ashtu edhe nga ato bullgare.
Gjykata Themelore Penale në Shkup, me kërkesë të prokurorit kompetent, i caktoi masën e paraburgimit prej 8 ditësh 44-vjeçarit nga Shkupi, i cili pardje bleu benzinë, spërkati dhe dogji dy automjete diplomatike në pronësi të Ambasadës së Bullgarisë në Shkup.
Autori i zjarrvënies, i cili është filmuar nga kamerat e sigurisë, në kuadër të hetimit dyshohet për veprën penale “Shkaktim i rrezikut të përgjithshëm”, sipas nenit 288 të Kodit Penal.
Incidenti në fjalë tensionoi raportet Shkup – Sofje.
Qeveria e Maqedonisë së Veriut që në të njëjtën ditë e dënoi ashpër “aktin vandal dhe të papranueshëm të djegies së automjeteve me status diplomatik” në afërsi të Ambasadës së Republikës së Bullgarisë në Shkup.
Incidentin e dënoi edhe Ministria e Punëve të Jashtme e Bullgarisë, duke e cilësuar si “rezultat të gjuhës agresive politike dhe nxitjes së urrejtjes”, ndërsa kritikoi reagimin e pamjaftueshëm institucional në raste të mëparshme.
Ndërkaq, Fondacioni bullgar “Maqedonia” ka paralajmëruar se të dielën do t’i bllokojë tre pikat kufitare ndërmjet Bullgarisë dhe Maqedonisë së Veriut. Bllokada, siç njoftuan nga Fondacioni, është koordinuar me Ministrinë e Punëve të Brendshme të Bullgarisë dhe do të zgjasë dy orë, nga ora 11:00 deri në 13:00.
Kjo vjen pasi para dy ditësh u dogjën dy automjete diplomatike të Ambasadës së Bullgarisë në Shkup – një veprim që nga fondacioni u vlerësua si një formë terrorizmi.
Qëllimi i bllokadës, siç shtojnë nga Fondacioni bullgar “Maqedonia”, nuk është pengimi i qytetarëve për të kaluar kufirin, por t’i dërgohet një mesazh kryeministrit Hristijan Mickoski se pushteti në Shkup nuk mund të vazhdojë me, siç thonë ata, represionin./Tv Koha/
Në Pallatin e Kulturës në Tetovë u mbajt Kuvendi Themelues i VLEN-it, ku udhëheqësia e partisë vlerësoi se ky Kuvend paraqet një hap të rëndësishëm në procesin e bashkimit dhe konsolidimit të subjektit politik. Nga Kuvendi Themelues në Tetovë u dërgua mesazhi se VLEN-i po hyn në fazë të re të funksionimit me organizim më të fuqishëm dhe angazhim në rritje për t`u përgjigjur nevojave të qytetarëve në nivelin qendror e lokal.
VLEN po hyn në një fazë të re të organizimit politik.
Në Tetovë, sipas VLEN-it, në kohë rekord u mblodhën 1.300 nënshkrime për themelimin e VLEN-it me çka ka përfunduar procedura juridike dhe të gjithë kuvendarët e pranishëm nënshkruan që VLEN-i të themelohet si subjekt i vetëm politik.
Ky organizim formalo-juridik vjen pas Kongresit të bashkimit të pesë partive në një subjekt të vetëm më 9 maj.
Sipas VLEN, Kuvendi themelues konfirmoi unitetin e strukturave, energjinë e anëtarësisë dhe përkushtimin për të vazhduar veprimin politik në shërbim të qytetarëve.
Bashkëkryetari i VLEN-it, Bilall Kasami, në fjalimin e tij theksoi rëndësinë e Kuvendit themelues në rrugëtimin e konsolidimit të VLEN-it.
BILALL KASAMI – Bashkëkryetar i VLEN
Bashkëkryetari i VLEN-it, Izet Mexhiti, vlerësoi se Kuvendi themelues paraqet etapë të rëndësishme drejt fuqizimit politik dhe organizativ të subjektit.
IZET MEXHITI – Bashkëkryetar i VLEN
Ndërkaq, nënkryetarja e VLEN-it, Mimoza Musa, theksoi se VLEN ka zgjedhur rrugën e bashkimit dhe të interesit qytetar.
MIMOZA MUSA – Nënkryetare e VLEN
Ndryshe, lidhur me themelimin e një partie politike, neni 11 i Ligjit për Parti Politike, parashikon se një parti politike mund të themelohet nga së paku 1.000 qytetarë të Republikës së Maqedonisë që kanë të drejtë vote dhe që kanë dhënë nënshkrimin e tyre për themelimin vetëm të një partie politike.
Anëtar i një partie politike mund të jetë çdo qytetar madhor dhe me aftësi të plotë juridike i Republikës së Maqedonisë, i cili jep nënshkrimin për anëtarësim vullnetar në partinë politike.
Partia politike është e detyruar që, para skadimit të çdo periudhe katërvjeçare nga dita e regjistrimit, t’i dorëzojë gjykatës themelore të përcaktuar në nenin 17, paragrafi 2 i këtij ligji, nënshkrime individuale të vërtetuara te noteri, në numrin e nevojshëm për themelimin e partisë politike./Tv Koha/
KONFERENCË LIGA: FC EUROPA KUNDËRSHTARI I PARË I SHKËNDIJËS
RAFAEL DE FREITAS SILVA PËRFORCIM I PARË I KF SHKËNDIJA
Kronika e zezë – Tetovë dhe Gostivar, 16 Qershor
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
