Lajme nga vendi
Garë interesante në Gostivar a do të fitojnë kandidatët apo qytetarët?
Gostivari po përballet sërish me një proces zgjedhor që nuk do të duhej të ishte i zakonshëm. Përsëritja e zgjedhjeve për kryetar komune më 11 janar, këtë të diele, pas dështimit për të arritur cenzusin më 19 tetor, është një sinjal i qartë se diçka nuk funksionon si duhet në raportin mes politikës dhe qytetarëve. Edhe pse Valbon Limani arriti të marrë afro 17 mijë vota, mungesa e diku rreth 20 votave e bëri të pamundur legjitimimin e Limanit kryetar komune. Kjo sjelli deri në zgjedhje të reja që sjelli edhe një kandidat të ri me përvojë të vjetër përballë Limanit, Nevzat Bejtën, që nëse e përshkruajmë me fjalorin e tij është figurë që e njeh e gjithë Maqedonia, shkruan Zhurnal.
Çfarë do të ndodhë të dielën në Gostivar?
Në mes të dimrit ngjanë që e diela në Gostivar do të jetë ditë e nxehtë përshkak se qytetarët do të zgjedhin të parin e tyre që do t’i përfaqësojë në krye të Komunës. Valbon Limani kandidat i AKI-së dhe Nevzat Bejta kandidat i VLEN-it. Për ta kuptuar se si do të jetë e diela të analizojmë si ka qenë fushata nga këto dy kandidatë.
Rihapja e garës dhe rikthimi në skenë i ish kryetarit të komunës për dy mandate, Nevzat Bejta, e ka bërë këtë përballje edhe më interesante, por njëkohësisht edhe më të tensionuar. Fushata zgjedhore ka qenë e mbushur me akuza, kundërakuza dhe retorikë të ashpër politike. Bejta ka sulmuar drejtpërdrejt Arben Taravarin dhe Valbon Limanin, duke i etiketuar si “mësuesi i keq dhe nxënësi i keq” që, sipas tij, kanë keqpërdorur resurset publike. Nga ana tjetër, Limani dhe Taravari janë mbrojtur duke paralajmëruar padi për shpifje, duke e zhvendosur debatin nga programet zhvillimore te betejat juridike.
Kjo lloj fushate ngre një dilemë serioze a po garojnë kandidatët për të fituar qytetarët, apo thjesht për të mposhtur njëri-tjetrin?
Në vend që fokusi të jetë te vizioni për Gostivarin, te projektet konkrete, zhvillimi ekonomik, infrastruktura, punësimi dhe përmirësimi i shërbimeve publike, vëmendja është përqendruar kryesisht te e kaluara, te llogaritë politike dhe te lufta e narrativave personale. Edhe pse për të qenë korrekt të dy kandidatët në paraqitjet e tyre kanë folur edhe për programin por fokusi nuk ka qenë këtu.
Gostivari, sikurse çdo komunë tjetër shqiptare, ka nevojë urgjente për zhvillim real dhe progres të qëndrueshëm. Qytetarët janë lodhur nga premtimet e përgjithshme dhe nga akuzat boshe. Ata presin zgjidhje konkrete për problemet e përditshme rrugë funksionale, urbanizim të kontrolluar, mbrojtje të ambientit, mbështetje për bizneset lokale dhe transparencë në menaxhimin e buxhetit komunal. Këto janë çështjet që duhet të ndajnë fituesin nga humbësi, jo etiketimet politike.
Në këtë garë, fituesi i vërtetë nuk duhet të jetë thjesht kandidati që merr më shumë vota, por qytetari i Gostivarit, i cili meriton një udhëheqje të përgjegjshme, të hapur dhe të fokusuar në interesin publik.
Kujtojmë që, zgjedhjet e 11 janarit nuk janë thjesht një test për kandidatët, por edhe për vetë demokracinë lokale në Gostivar. Në fund, dilema mbetet e hapur a do të fitojë një emër politik, apo do të fitojë më në fund interesi i qytetarëve? Përgjigjja do të jepet në kutitë e votimit, por përgjegjësia për ta bërë këtë proces kuptimplotë bie mbi të gjithë kandidatët, partitë dhe vetë votuesit. Prandaj, pa paragjykuar në rezultatin final mbetet të shihet të dielën se kujt do t’ia besojnë udhëheqjen gostivarasit por e rëndësishme është që cili do qoftë të ketë në parim interesin kolektiv në rendë të parë. /Zhurnal.mk
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
