Sport
NDESHJA STRUGA TRIM LUM – SHKËNDIJA FINALE PARA FINALES
Në çerekfinale e Kupës së Maqedonisë do të takohen Vardari – Ohri, Struga Trim Lum – Shkëndija, Shkëndija e Hraqinës – Rabotniçki dhe Detonit Plaçkovica – Sileksi. Ndeshjet çerekfinale do të luhen më 25 shkurt
Sot në ambientet e Federatës së Futbollit të Maqedonisë më në fund u hodh shorti për çerekfinalen e Kupës ku në garë janë pesë ekipe të Ligës së parë dhe tri ekipe të ligës së dytë .
Shorti deshi që në çerekfinale të kupës së Maqedonisë të përballen aktualisht dy skuadrat më të mira në vendin tonë Struga Trim Lum dhe Shkëndija e Tetovës . Lideri në pjesën vjeshtor të kampionatit ekipi i Vardarit kishte fat pasi do të përballet me ekipin e Ohrin anëtare në Ligën e dytë, Shkëndija e Haraçinës do të përballet me Rabotniçkin, ndërsa Detonit Plaçkovica takohet me Sileksin
Sot janë caktuar e dhe dyshet e mundshme për gjysmëfinalen e kupës, kështu që fituesi i ndeshjes Vardari –Ohri do të përballen me fituesin Detonit Plaçkovica –Sileksi dhe fituesi i ndeshjes Struga trim Lum-Shkëndija në gjysmëfinale do të përballet me fituesin e ndeshjes Shkëndija Haraqinë-Rabotniçki. Ndeshjet çerekfinale do të luhen më 25 shkurt
Ish-presidenti i Federatës së Futbollit të Maqedonisë (FFM), Ilço Gjorgjioski, është arrestuar sot në kuadër të një hetimi që përfshin edhe 15 persona të tjerë, raporton “Portal X”, duke iu referuar burimeve të veta.
Sipas informacioneve, objekt hetimi janë edhe tri kompani të lidhura me rastin.
Gjatë kontrollit në banesën e Gjorgjioskit, siç mësohet, janë gjetur para të gatshme.
Detaje më të hollësishme për aksionin pritet të bëhen të ditura gjatë ditës nga Ministria e Punëve të Brendshme dhe Prokuroria Publike.
Në Grupin L, Anglia mposhti Kroacinë me rezultatin 4 me 2, në një duel që rezultoi tepër emocionues dhe i cilësisë së lartë. Pjesa e parë u mbyll me shifrat e barabarta 2 me 2, ku për anglezët autor i dy golave ishte Harri Kejn ndërsa për kroatët shënuan Baturina dhe Musa Ndërkohë që në pjesën e dytë të lojës, “Tre Luanët” e Tomas Tuhel, shënuan dy herë me Bellingham dhe Rashford, duke e nisur Botërorin me petkun e pretendentit.
Në ndeshjen tjetër të grupit L, përfaqësuesja e Ganës ka arritur të sigurojë një fitore dramatike me rezultatin minimal 1-0 përballë Panamasë. Gana mori tri pikë mjaft të rëndësishme falë një goli të shënuar në sekondat e fundit të shtesës. Në raundin e dytë Kroacia do të përballet me Panamanë, ndërsa Anglia me Ganën.
Në Grupin K, Portugalia e nisi Kupën e Botës me një barazim 1-1 ndaj Republikës Demokratike të Kongos. Paraqitja dhe rezultati i Portugalisë ka sjellë shumë kritika ndaj Ronaldos dhe skuadrës.Mbështetësit e Republikës Demokratike të Kongos e përjetuan me entuziazëm paraqitjen e parë të ekipit të tyre në Kupën e Botës, si edhe golin dhe pikën e parë të fituar. Cristiano Ronaldo u bë lojtari më i moshuar në një ndeshje të Kupës së Botës, duke vendosur një tjetër rekord në karrierën e tij të jashtëzakonshme.
Kolumbia e ka nisur me fitore pjesëmarrjen e saj në Kupën e Botës 2026, duke mposhtur me shifrat 3-1 ekipin e Uzbekistanit. Latino-amerikanët, ashtu siç pritej dominuan ndeshjen dhe fituan me golat e Munjoz, Luiz Diaz dhe Kampaz , ndërsa golin e nderit për Uzbekistanin e realizoi Fejzullaev .
Botërori vazdon nesër me ndeshjet: Kanada – Katari, Meksika – Koreja e Jugut dhe SHBA – Australia.
Skuadra e Struga Trim Lum përgatitjet për sezonin e ri në Ligën e parë të futbollit do t`i nis më 21 qershor, ndërsa të tre fazat do t`i zhvillojë në terrenet e Strugës ku janë paraparë edhe disa ndeshje kontrolluese.
Klubi i futbollit Struga Trim Lum me përgatitje për sezonin e ri 2026/2027 do të fillon më 21 qershor dhe të tre fazat përgatitore do ti zhvillon buzë liqenit në Strugë ku pritet të zhvillojnë edhe 4 deri në pesë ndeshje kontrolluese me ekipe nga rajoni.
Ndërkohë, skuadra që drejtohet nga Blendi Shkëmbi në kampionatin e ri pritet të ketë edhe disa prurje të reja.
Drejtori Sportiv i ekipit Besar Isaku në një prononcim për TV Koha tha se për momentin kanë angazhuar vetëm një futbollist
‘’Sa i përket përforcimeve , normal që kemi afruar për momentin një lojtar ai është Amir Nuhija. Është një lojtar i ri me potencial dhe shihet si një e ardhme e klubit. Normal që do të ofrojmë edhe futbollist tjerë por jemi në bisedime me disa futbollist të ri që duam ti afrojmë dhe ato besoj se brenda dy-tre ditëve do tl zyrtarizohen. Kontratën e kemi vazhduar me Bojkun, Normal që Bojku është Lojtari kyç i Strugës dhe jemi në bisedime me disa futbollist që ju ka skaduar kontrata me të cilët do të gjejmë gjuhë të përbashkët që të jenë pjesë e klubit për dy apo tre vite’’ deklaroi Besar Isaku
Sa i përket pretendimeve në kampionatin e ri, drejtori sportiv tha se do të luftojnë për tre vendet e para.
Ekipi i Struga Trim Lum ka ndërpre bashkëpunimin me Gledi Mici, Bojan Ilievskin dhe Bassirou Kompaore.
Shaban Sinani – TV KOha
Nikolloski: Me trenin e shpejtë do të udhëtohet për 1 orë e 25 minuta nga Shkupi në Selanik dhe për 2 orë e gjysmë deri në Beograd
Komuna e Tetovës ndan nga 100 euro vauçer për filloristët: Zbardhen datat dhe procedurat e aplikimit
ZËRI I GRAVE NË VENDIMMARRJE, ENDE LARG FUQISË SË PLOTË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
