Angazhimi kuptimplotë i grave në politikë, vendimmarrje dhe jetën publike është një çështje që nuk i prek vetëm gratë, por të gjithë shoqërinë. Kjo ishte tema e diskutumit që u zhvillua sot në hapësirat e Komunës së Tetovë nën organizim të institutit për lidership dhe ambasadës gjermane në Maqedoni të Veriut.  Në këtë dialog të hapur u ndanë përvoja, ide dhe propozime për një shoqëri më gjithëpërfshirëse dhe më të barabartë.

Pranvera Kasami nga Instituti për Lidership tha se gratë në Maqedoni të Veriut ende nuk e kanë arritur nivelin e duhur në përfaqësim dhe vendimmarrje. Kasami madje shtoi se interesimi i tyre nuk është vetëm në kuanitet po numra por më shumë në cilësi dhe vendimmarje të vërtetë.

PRANVERA KASAMI – Instituti për lidership

“Demokracia nuk matet vetëm me praninë e qytetarëve në proces pubike por me fuqinë e tyre për të ndikur në vendimet që prekin jetën e përdritshme” kështu deklaroi kreu i Komunës së Tetovës Bilall Kasami gjatë këtij debati. Kasami tha se gratë nuk duhet të shihen vetëm si numër përfaqësues por që të njëjtat duhet të kenë mundësitë dhe të drejtat e barabarta në vendimmarrje. Kasami me plot mburje tha se gjysmat e drejtorëve në institucionet arsimore në Tetovë udhëhiqen nga gjinia femërore.

BILALL KASAMI – Kryetar Komune

Advertisement

Edhe pse gratë në Maqedoninë e Veriut kanë shënuar përparim në përfaqësimin politik, pjesëmarrja e tyre në vendimmarrje mbetet ende e pamjaftueshme. Aktualisht, gratë përbëjnë rreth 39% të deputetëve në Kuvend, ndërsa në Qeveri zënë vetëm 12.5% të posteve ministrore. Në nivel lokal, vetëm 2 nga 81 komuna drejtohen nga gra. Këto të dhëna tregojnë se sfida nuk është vetëm rritja e numrit të grave në institucione, por edhe fuqizimi i rolit të tyre në proceset vendimmarrëse. Një shoqëri më e barabartë dhe më demokratike kërkon pjesëmarrje të plotë dhe ndikim real të grave në të gjitha nivelet e pushtetit.

Ministri i Punëve të Brendshme, Pançe Toshkovski, tha se vetëm gjatë periudhës janar-maj, dhuna në familje është rritur për 67 për qind duke regjistruar 768 vepra penale në krahasim me vitin e kaluar që ishin regjistruar 460. Toshkovski tha se vetëm në dy javët e para të qershorit janë regjistruar edhe 89 vepra të reja penale të dhunës në familje.

Duke iu referuar gjendjes së dhunës mes bashkëmoshatarëve, ministri informoi se këtë vit janë regjistruar 93 incidente në 64 shkolla, që paraqet rritje krahasuar me vitin e kaluar

“Veçanërisht shqetësues është fakti se dhuna ndaj fëmijëve është dyfishuar më shumë, ndërsa vepra penale e përdhunimit të fëmijës nën moshën 15-vjeçare është regjistruar gjashtë herë, krahasuar me vetëm një rast në periudhën e vitit të kaluar. Këto janë të dhëna që nuk guxojnë të mbeten pa reagim”, theksoi Toshkovski.

Ministri tha se gjatë këtij viti janë paraqitur 601 kallëzime penale, ndërsa masa të ndjekjes penale janë ndërmarrë ndaj 609 personave.

Kryeministri dhe lideri i VMRO-DPMNE-së, Hristijan Mickoski, nga Strumica me rastin e ditëlindjes së partisë, porositi se po nis një “kapitull i ri” për Maqedoninë, me një vizion të qartë për një shtet të mundësive dhe jo të arsyetimeve. Në fjalimin e tij, ai theksoi se vendi duhet të përshpejtojë rrugën drejt Bashkimit Evropian, por me garanci të qarta dhe pa lëshime për identitetin kombëtar.

Në tubimin në Strumicë me rastin e 36-vjetorit të VMRO-DPMNE-së, të organizuar nën moton “Maqedonia përshpejton, detyrimi ynë”, Kryeministri dhe lideri i partisë në pushtet, Hristijan Mickoski, u dërgoi mesazh institucioneve evropiane se pret garanci të qarta se nuk do të ketë kushte të reja bilaterale.

HRISTIJAN MICKOSKI – Kryeministër

“Sillni një përfundim se nuk ka më çështje bilaterale, se identiteti shumë shekullor maqedonas, kultura, tradita, zakonet dhe gjuha janë fakte të pandryshueshme. Nuk ka pazar me identitetin tonë maqedonas”

Kryeministri paralajmëroi rikonstruktim të Qeverisë dhe tha se do të ketë ndryshime për shkak të dobësive të evidentuara në punë. Sipas tij, ndryshimet fillojnë me rikonstruimin e Qeverisë.

Advertisement

HRISTIJAN MICKOSKI – Kryeministër

“Nuk do të toleroj dehjen nga privilegjet që i ofron pushteti. Pragu im i tolerancës është i lartë, por kjo nuk do të thotë se do të toleroj papërgjegjshmërinë. Një pjesë e funksionarëve janë larguar nga qytetarët dhe janë bërë të paarritshëm kurse çdo devijim do të evidentohet dhe sanksionohet”

Mickoski dërgoi mesazhe të ashpra ndaj opozitës, duke e akuzuar për politika të dëmshme dhe kriminalitet, duke theksuar se nuk do të ketë kompromise me krimin.

U prononcua edhe për zgjedhjet e parakohshme, duke thënë se opozita ka frikë prej tyre. Sipas tij, pushteti është i gatshëm për çdo skenar./Tv Koha/

Advertisement