Lajme nga vendi
Mbi 45 milionë denarë të rikthyera në buxhetin e shtetit, Fetai: Konfiskimi i pasurisë së paligjshme po jep rezultate konkrete dhe të matshme
Sot u mbajt mbledhja e parë konstituive e Këshillit nacional për hetime financiare dhe konfiskim të pasurisë me ç’rast zyrtarisht filloi punën organi më i lartë koordinues përgjegjës për monitorimin dhe avancimin e institucioneve që zbatojnë hetimet financiare dhe konfiskimin e pasurisë.
Me Këshillin kryesoi zëvendëskryeministri i ngarkuar për politikat e qeverisjes së mirë, Arben Fetai, ndërsa në mbledhje morën pjesë kryetari i qeverisë, ministri i Punëve të Brendshme, përfaqësues të bashkësisë ndërkombëtare, të sektorit civil, si dhe anëtarët e Këshillit.
Formimi dhe konstituimi i Këshillit është pjesë e Strategjisë nacionale për forcimin e kapaciteteve për hetime financiare dhe konfiskim të pasurisë 2025–2028 dhe Planit të Veprimit 2025–2026, të iniciuara dhe të koordinuara nga zëvendëskryeministri Fetai, me qëllim të qartë për forcimin e koordinimit institucional dhe sigurimin e mbështetjes së fuqishme dhe të vazhdueshme politike për zbatimin e tyre.
Gjatë mbledhjes u shqyrtua Raporti i parë vjetor për vitin 2025, i cili evidenton rezultate konkrete dhe të matshme, veçanërisht në fushën e menaxhimit të pasurisë së sekuestruar dhe të konfiskuar. Vetëm gjatë vitit 2025 janë realizuar mbi 45 milionë denarë të ardhura direkte në buxhetin e shtetit, si dhe janë evidentuar raste konkrete të përdorimit shoqëror të pasurisë së konfiskuar, me përfitim të drejtpërdrejtë për qytetarët.
Njëkohësisht, raporti tregon rritje të ndjeshme të vlerës së pasurive të sekuestruara dhe të konfiskuara krahasuar me vitet e mëparshme, duke dëshmuar ndërtimin e një “track record”-i real dhe të qëndrueshëm, të bazuar në rezultate dhe jo vetëm në kornizë normative.
Zëvendëskryeministri Fetai theksoi se hetimi financiar përfaqëson gurthemelin e qeverisjes efektive dhe të sundimit të ligjit, duke nënvizuar se hetimi financiar efektiv nuk është shtesë opsionale, por shtyllë themelore e aftësisë së shtetit për të ruajtur rendin, për të mbrojtur qytetarët dhe për të garantuar integritetin e sistemit ekonomik.
Ndërtimi i kapaciteteve rezistente dhe funksionale për hetime financiare është maratonë, jo sprint, por proces që kërkon përkushtim politik afatgjatë dhe të vazhdueshëm, por që tashmë po jep rezultate të qarta dhe të matshme.
Në këtë kontekst, u theksua se rezultatet e arritura janë thelbësore edhe për rrugëtimin evropian të shtetit, duke pasur parasysh se ndërtimi i bilancit të qëndrueshëm në konfiskimin e pasurisë së paligjshme përbën një nga kushtet kyçe të Bashkimit Evropian në fushën e sundimit të ligjit.
Në përmbyllje u potencua se Këshilli nacional do të ketë rol të qartë në monitorimin dhe vlerësimin e zbatimit të Strategjisë dhe planit të veprimit, do të nxjerrë konkluzione dhe do të propozojë masa konkrete për Qeverinë, me fokus te rezultatet, përgjegjësia dhe koordinimi i detyrueshëm ndërinstitucional.
Qeveria e Mickoskit po përgatit terrenin për pranimin e Propozimit Francez, tha gjatë një press-konference para Qeverisë, Andrej Zhernovski nga LSDM-ja.
Sipas informacioneve të LSDM-së nga Brukseli, Qeveria tashmë e ka arritur këtë marrëveshje. Këto janë sinjale të qarta që kanë ardhur nga Brukseli, Berlini dhe Parisi”, theksoi Andrej Zhernovski.
Zhernovski tha se mesazhet dhe deklaratat e fundit të Qeverisë tregojnë qartë se kanë dështuar të gjitha përpjekjet për ta fshehur të vërtetën para qytetarëve.
Sipas tij, Qeveria tani po përpiqet ta paraqesë si fitore pikërisht atë që për vite me radhë e ka dënuar.
“E vetmja gjë që po bën tani Mickoski dhe të gjithë rreth tij është të gjejnë mënyrën se si këtë gënjeshtër, që ua shitën votuesve, ta paraqesin si fitore. Po përpiqen të krijojnë një strategji për ta paraqitur si sukses atë që deri dje për ta ishte gënjeshtër dhe tradhti e madhe. Ndryshimi i papritur i qëndrimeve të Qeverisë dhe i ministrit të Punëve të Jashtme nuk është rastësi, por pjesë e përgatitjes së opinionit për pranimin e politikave që më parë i kishin sulmuar ashpër”
Kundërpërgjigja erdhi nga Ministria e Jashtme. Sipas tyre, Konferenca e sotme për shtyp e LSDM-së është edhe një përpjekje për të krijuar histeri dhe për të dezinformuar opinionin publik.
Në vend që të marrë përgjegjësi dhe të kërkojë falje për dëmin që i ka shkaktuar pozitave kombëtare dhe atyre të politikës së jashtme të shtetit, LSDM-ja edhe një herë po plasojnë të pavërteta dhe konstruksione të rënda – thuhet në reagimin e Ministrisë së Punëve të Jashtme (MPJ), pasi partia opozitare akuzoi se Qeveria po përgatit terrenin për pranimin e “propozimit francez”.
Sipas MPJ-së, pretendimet për ekzistimin e një marrëveshjeje të fshehtë ose negociatave sekrete janë “vetëm një tjetër trillim në vargun e dezinformatave që LSDM-ja ia servon opinionit publik”.
“Fakt është se institucionet komunikojnë rregullisht me vendet anëtare të Bashkimit Evropian, me institucionet evropiane, me Bullgarinë dhe me partnerët e tjerë ndërkombëtarë. Këto bisedime zhvillohen në mënyrë transparente, ndërsa qëndrimi i Qeverisë është i qartë dhe është konfirmuar publikisht në disa raste. Nuk ka asnjë lëshim nga interesat kombëtare, identiteti, gjuha dhe historia. Anëtarësimi i plotë në Bashkimin Evropian mbetet përcaktim strategjik dhe objektivi përfundimtar i kësaj Qeverie”, thuhet në reagimin e Ministrisë./Tv Koha/
Fitues i turneut të sivjetmë në Street Basket 3×3, që ishte edhe manifestimi i fundit në kuadër të verës tetovare v”Tetova n`festë”, doli ekipi “One Cable” , vendi i dytë i takoi ekipit “O1 Kosova” dhe vendi i tretë ekipit “Kino Vllae”.
Për dy netët me radhë në këtë turnir morën pjesë 12 ekipe nga Tetova, Shkupi, Struga dhe një ekip nga Kosova, ndërsa qytetarët e Tetovës dhe jo vetëm, në veçanti mërgimtarët, shijuan momente atraktive në Sheshin e Tetovës, me emocione nga lojat spektakolare , ngulitjet atraktive dhe gara në gjuajtjet për tre pikë.
Organizatori, Komuna e Tetovës për më të mirët ndau shpërblime, kupa dhe mirënjohje adekuate.
Me këtë aktivitet sportiv, pas 25 ditëve, u përmbyll vera tetovare “Tetova n`festë që dhuroi muzikë, argëtim, kulturë, sport dhe shoqërim të ndërsjellë në Sheshin e Tetovës por edhe në Bulevardin “Boris Kidriç”.
Lamtumirë këtij edicioni I ka dhënë edhe Kryetari i Komunës së Tetovës, Bilall Kasami.
‘’Me energjinë, emocionet dhe atmosferën fantastike të turneut të Streetball-it, e përmbyllëm me sukses edicionin e sivjetshëm të “Tetova n’Festë”! Gjatë këtyre javëve, Tetova u shndërrua në një skenë të hapur me muzikë, sport, art, kulturë dhe aktivitete për të gjitha moshat. Faleminderit të gjithë artistëve, sportistëve, organizatorëve, vullnetarëve dhe mijëra qytetarëve e mërgimtarëve që u bënë pjesë e kësaj vere të paharrueshme! Ju faleminderit” – ka shkruar Kasami në Facebook.
Vendimi i shtetit shqiptar për ta shpallur “non grata” ishte i papritur për hoxhën dhe ish-ushtarin e UÇK-së, Bekir Halimi.
Në një prononcim për TV Koha, Halimi tha se një vendim i tillë ende nuk i është kumtuar zyrtarisht. Ai u shpreh se është në komunikim të vazhdueshëm me Ambasadën e Maqedonisë së Veriut në Shqipëri dhe pret që njoftimin ta marrë përmes rrugëve zyrtare.
Ishte e papritshme një vendim i tillë i shteti amë, të shqiptarëve për ne si personalitet edhe, ne zyrtarisht Akoma nuk e kemi marrë atë vendim. E kemi kontaktu sot ambasadën e RMV-së në Shqipëri që përmes ambasadës sonë të marrim vendimin zyrtar, të shohim për çka bëhet fjalë, por thjeshtë, ai publikim i atij vendimi nga MPB-ja shqiptare ishte një befasi, ishte e papritshme sepse dmth, nuk përputhet me kontributin dhe sakrificën tonë që e kemi bërë gjatë gjithë këtyre dekadave të jetës sonë në shërbim të interest tonë kombëtar.
Arsyen se pse shteti shqiptar mori një vendim të tillë, Bekir Halimi thotë se nuk e di as vetë ai. Megjithatë, deklaron se do ta ankimojë të njëjtin.
Të gjithë janë të shqetësuar se vendimi është i pakuptimtë, pa bazë ligjore as bazë logjike, për atë shkak ishte edhe ajo përkrahja masive që shihet nëpër rrjetet sociale edhe në qëndrimet e shumë personaliteteve publike, pasiqë aktiviteti im është publik qoftë ai fetar, po edhe ai kombëtar. Për atë arsye të gjithë njerëzit u befasuan me këtë vendim, sepse nuk ka sens, nuk ka logjikë të jetë ai vendim që është marrë. Patjetër, ne nuk mund të pranojmë kësi lloj vendimesh që gjykojmë thellësisht që janë të padrejta dhe jonormale. Ne do të kërkojmë të drejtën tonë edhe Shqipëria është një vend që ne e ndjejmë që është tokë e jona. Liria e qarkullimit në të e llogarisim se është liri bazike dhe sikurse e thamë dje, ne duke pritur Shqipëria për kontributin që kemi dhënë të na mbështet, të na jep nënshtetësi nderi, ata neve na e kufizojnë lëvizjen.
Ndryshe, një ditë më parë, në media u raportua se Ministria e Punëve të Brendshme e Shqipërisë, përmes një vendimi, i ka shpallur “non grata” imamin Bekir Halimi dhe analistin politik, Valon Bela. Një vendim të ngjashëm, disa muaj më parë, shteti shqiptar e mori edhe ndaj shtetases së Kosovës, Igballe Huduti./Tv Koha – Shkup/
LSDM: QEVERIA PËRGATIT TERRENIN PËR PRANIMIN E “PROPOZIMIT FRANCEZ”!
“TETOVA N’FESTË”: ONE CABLE FITUES I TURNEUT NË STREET BASKET 3X3
HOXHA HALIMI PËR TV KOHA: VENDIM SHQETËSUES DHE I PAKUPTIMTË!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
