Njëri nga liderët e VLEN, Izet Mexhiti thotë se VLEN vendosi standarde dhe vlera të reja në bllokun politik shqiptar dhe se nuk frikësohen nga zgjedhjet e parakohshme parlamentare.

“Dëshmuam dhe sollëm ndryshime në bllokun politik shqiptar pas 20 vitesh, jo individualisht, por si ekip, së pari bëmë bashkimin e opozitës duke kaluar suetat dhe ngjyrat partiake, sepse besoj në punë ekipore. Çdo javë shihemi si koalicion VLEN, bisedojmë për programin, atë që e kemi premtuar dhe bashkë i ecimpunët”, tha Mexhiti në “Samo intervju” në “Kanal5”.

Mexhiti gjithashtu tha se VLEN nuk frikësohet nga zgjedhjet e parakohshme parlamentare dhe nëse do të ndodhte kjo, për BDI-në do tëishte fundi i tyre.

“Kohën e fundit nuk i dëgjoj edhe po të ketë mundësi për zgjedhje të parakohshme të parët që i ikin kësaj janë ata, sepse do të thoshte fundi i tyre. Ky vit është i vetmi vit ku nuk do të ketë zgjedhje, është hapësirë e qeverisë që të realizojë programin që është premtuar dhe për momentin vlerësoj se nuk kanevojë të mbahen zgjedhje të parakohshme pasi kjo shumicë historikisht është më e madhja në Kuvend”, ka thënë Mexhiti.

Përderisa Ministria e Drejtësisë hesht lidhur me dokumentacionin e ekstradimit të azilantit Nikolla Gruevskit, Kryeministri Hristijan Mickoski thotë se institucionet e shtetit janë të gatshme që nesër të dërgojnë kërkesë për ekstradimin Gruevskit, por se në këtë pikë përgjigjja do të ishte negative, pasi akoma është në fuqi azili. Duke u përgjigjur ndaj opozitës, e cila thotë se Polonia tashmë ka dërguar kërkesë për ekstradimin e politikanëve të saj dhe se Mickoski me qëllim po e zvarrit procedurën, numri një i Qeverisë thotë se në rastin e Maqedonisë çështja është ndryshe, dhe se fillimisht nevojitet shfuqizimi i azilit.

“Në rastin tonë ish kryeministri ka azil, që të dërgohet kërkesa për ekstradim, duhet të plotësohet procedura, të hiqet azili. Nëse tani dërgojmë, do të marrim përgjigje negative, mundemi edhe nesër ta dërgojmë, nuk ka problem, por le t’i shohim pak punët në mënyrë më thelbësore, e ndërsa opozita le të kërkojë që Vasko Kovaçevski të vjen,” deklaroi Hristijan Mickoski, Kryeministër.

Socialdemokratët pyetën përsëri se ku ndodhet procedura dhe a janë përgatitur dokumentet për ekstradimin e Gruevskit. Ata akuzojnë për zvarritje të qëllimshme të procesit, me qëllim blerjen e kohës për Gruevskin.

“Derisa institucionet në Maqedoni mbledhin dokumente, shtetet tjera tashmë po veprojnë. Pas paralajmërimeve të Peter Magjar se nuk ka më mbrojtje për kriminelët në Hungari, Polonia nuk priti, por reagoi menjëherë dhe tashmë ka dërguar një kërkesë zyrtare për ekstradimin e politikanëve të saj. Vetëm Qeveria e udhëhequr nga Vanço Mihjallovit të ri në VMRO, Hristijan Mickoski, akoma nuk ka dërguar kërkesën për ekstradimin e Nikolla Gruevskit.“ – LSDM

*Derisa së Maqedoni mblidhen dokumente, shtetet tjera tashmë po veprojnë
*Polonia nuk priti, dërgoi menjëherë kërkesë për ekstradimin e politikanëve të saj

Advertisement

Ditë më parë kryeministri në ardhje i Hungarisë, Peter Magjar, paralajmëroi deportimin e ish-kryeministrit të Maqedonisë Nikolla Gruevski dhe dy ish ministra polakë të cilët kërkohen për korrupsion nga qeveria polake, por që ish kryeministri Orban u mundësoi strehim në Hungari.. /Alsat.mk