Lajme nga vendi
Kapetanoviq: Diplomat pa aftësi nuk mjaftojnë, nevojiten universitete më fleksibile dhe të lidhura me tregun
Sekretari i përgjithshëm i Këshillit për Bashkëpunim Rajonal, Amer Kapetanoviq, deklaroi në Shkup se vetëm posedimi i një diplome universitare nuk garanton më sukses në karrierë, duke theksuar rëndësinë e aftësive, kompetencave dhe mësimit gjatë gjithë jetës.
Në hapjen e konferencës rajonale “Ura drejt së ardhmes”, ai vuri në dukje se universitetet duhet të bëhen më ndërkombëtare, më fleksibile dhe më të lidhura me ekonominë reale, në mënyrë që të përmbushin kërkesat e tregut të punës.
“Premtimi i vjetër që njohim ishte i thjeshtë: studio shumë, merr një diplomë, siguro një punë të mirë dhe ngjitu në karrierë. Sot, ky premtim i vjetër nuk vlen as në ekonomitë e përparuara. Kjo është shumë e rëndësishëm, por nuk garanton suksesin, përveç nëse përputhet me kërkesat e rrepta të tregut të punës. Me fjalë të tjera, teknologjia formëson qasjen tonë ndaj informacionit, ndërsa sistemi arsimor duhet të sigurojë që njohuritë të kenë ruajtur vlerën e tyre. Dhe unë besoj se ky duhet të jetë premtimi ynë i ri. Dhe në kuadër të këtij premtimi, sfida nuk është vetëm të zgjerohet arsimi i lartë, por edhe të ripozicionohet. Janë të nevojshme universitete që janë më ndërkombëtarë, më relevante, më fleksibile dhe më të lidhura me ekonomitë real”, tha Kapetanoviq.
Kapetanoviq theksoi se internacionalizimi nuk ka të bëjë vetëm me prestigjin apo dërgimin e studentëve jashtë, por me cilësinë, mobilitetin dhe zhvillimin e kapaciteteve kërkimore.
Ai nënvizoi gjithashtu nevojën për lidhje më të forta mes universiteteve, industrisë dhe rrjeteve ndërkombëtare, si dhe për krijimin e kushteve që talentet të qarkullojnë dhe jo të largohen nga rajoni.
Konferenca në Shkup, e mbështetur nga Ministria e Arsimit dhe e organizuar nga Këshilli për Bashkëpunim Rajonal dhe Banka Botërore, mbledh përfaqësues të institucioneve, akademisë dhe industrisë për të diskutuar të ardhmen e arsimit të lartë në rajon
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13