Presidenti Donald Trump tha të hënën se Shtetet e Bashkuara janë në bisedime me një “regjim më të arsyeshëm” për t’i dhënë fund luftës në Iran, por përsëriti paralajmërimin ndaj Teheranit që të hapë Ngushticën e Hormuzit ose të rrezikojë sulme amerikane ndaj puseve të naftës dhe termocentraleve.

“Është bërë përparim i madh, por nëse për ndonjë arsye nuk arrihet një marrëveshje së shpejti, gjë që me shumë gjasë do të ndodhë, dhe nëse Ngushtica e Hormuzit nuk hapet menjëherë për ‘biznes’, ne do ta përfundojmë ‘qëndrimin’ tonë të këndshëm në Iran duke shkatërruar dhe zhdukur plotësisht të gjitha centralet elektrike, puset e naftës dhe ishullin Kharg,” shkroi Trump në një postim në rrjetet sociale.

Trump gjithashtu kërcënoi se do të sulmojë impiantet e desalinizimit që furnizojnë me ujë të pijshëm Iranin.

Presidenti amerikan tha javën e kaluar se do të ndalte sulmet ndaj impianteve energjetike të Iranit për 10 ditë, që do të ishte deri më 6 prill, sipas kohës së SHBA-së.

Ndërsa Trump ka thënë se SHBA dhe Irani po bëjnë përparim në bisedime, ai gjithashtu ka dërguar më shumë trupa amerikane në rajon, duke bërë që kryetari i parlamentit të Iranit të akuzojë Uashingtonin se po dërgon mesazhe për negociata të mundshme ndërkohë që po planifikon një pushtim tokësor, gjë që ka nxitur më shumë sfidë nga Teherani.

Advertisement

Udhëheqësit iranianë kanë mohuar se janë në bisedime të drejtpërdrejta me Shtetet e Bashkuara./A2cnn

Venezuela Fury (16)vjeçarja, vajza e boksierit të famshëm Tyson Fury, po tërheq sërish vëmendjen pasi organizoi një festë luksoze para dasmës së saj me të fejuarin 17-vjeçar Noah Price.

Festimi u zhvillua në klubin e futbollit në Morecambe, ku nusja e ardhshme u shfaq me një fustan të artë tërheqës me një diademë dhe vello, ndërsa nëna e saj Paris e shoqëroi gjatë gjithë kohës.
Festimi mblodhi rreth 300 të ftuar, dhe një surprizë shtesë u organizua nga Noah, i cili theu traditën dhe u shfaq në festën e grave.

Edhe pse data e dasmës nuk është shpallur ende, gjithçka tregon se ajo po afrohet. Është interesante se Tyson Fury nuk u shfaq në fotot nga eventi. Kujtojmë që venezuelianja u fejua në ditëlindjen e saj të 16-të në shtator të vitit të kaluar dhe që atëherë nuk e ka fshehur entuziazmin e saj për dasmën, duke treguar shpesh unazën e fejesës.

Advertisement

Lajmi i fejesës dhe martesës së afërt ka shkaktuar reagime të përziera. Ndërsa disa e mbështesin çiftin e ri, të tjerë besojnë se është shumë herët për një hap të tillë.

Pavarësisht kritikave, familja Fury i mbështet ata, nëna Paris  thekson se vendimi është në përputhje me vlerat dhe traditat e tyre.

Advertisement

Komisioni Evropian ka nisur një hetim formal ndaj Snapchat-it për të vlerësuar nëse platforma respekton rregullat për sigurinë, privatësinë dhe mbrojtjen e fëmijëve në internet.

Komisioni tha se ka hapur procedura për të përcaktuar nëse Snapchat-i vepron në përputhje me Aktin e Shërbimeve Digjitale (DSA).

Ekzistojnë dyshime se platforma mund t’i ketë ekspozuar fëmijët ndaj përmbajtjeve të dëmshme, aktiviteteve kriminale dhe shitjes së produkteve të paligjshme.

Komisioni tha se hetimi u nis për disa arsye, përfshirë verifikimin e moshës, rreziqet e shfrytëzimit të fëmijëve dhe mundësinë që të miturit të orientohen drejt aktiviteteve kriminale, duke shtuar se cilësimet standarde të Snapchat-it mund të mos ofrojnë privatësi, siguri dhe mbrojtje të mjaftueshme.

Sipas rregullave të BE-së për teknologjinë, platformat e mëdha digjitale që operojnë në Evropë duhet të respektojnë rregulloret e bllokut.

Advertisement