Lajme nga vendi
VMRO-DPMNE drejtuar Filipçes: Nuk e ke luksin të humbësh kohë me zgjedhjet në shtetet e tjera – fillimisht rregullo partinë tënde
Venko Filipçe dhe udhëheqësia aktuale e SDSM-së, të cilën ai e vendosi sipas masës së tij, duhet përfundimisht të distancohen nga Zoran Zaevi dhe të gjithë bashkëpunëtorët e tij të dyshimtë pro-rusë, të përfshirë në pazare të errëta dhe kriminale – thuhet në reagimin e VMRO-DPMNE-së.
Zaevi ka disa partnerë të tillë të dyshimtë kriminalë. Ndër ta janë emra biznesmenësh si Miodrag Daka Davidoviq, Aleksandar Onishçenko dhe Borçe Markovski.
Një nga rastet e fundit për të cilat Filipçe detyrohet të japë përgjigje është pazari Zaev-Daka. Në vitin 2020, me pëlqimin e qeverisë së atëhershme të udhëhequr nga Zaevi, u ndryshua plani urbanistik në Tetovë, duke i mundësuar biznesmenit kontravers Daka një fitim prej rreth 200 milionë eurosh.
Filipçe, tani si “roje e karriges” së Zaevit në SDSM, është i detyruar të përgjigjet:
A ishte rënë dakord për një përqindje nga shitja e banesave, vlera e të cilave asokohe llogaritej në 200 milionë euro?
Duhet kujtuar se Davidoviq (Daka) ndodhet në listën e zezë të SHBA-së.
Përsëritja është nëna e dijes, ndaj po e përsërisim që Filipçe ta ketë të qartë: Prioriteti numër një, dhe i vetmi i tij, duhet të jetë distancimi nga Zaevi nëse dëshiron që LSDM-ja të ngrihet në këmbë. Ishte pikërisht ai që e zhyti LSDM-në në “baltë të gjallë”, dhe tani partia vetëm po fundoset. Kjo u vërtetua edhe nga rezultatet e zgjedhjeve të fundit vitin e kaluar, ku partia mezi doli e treta në disa komuna, e në disa të tjera madje e pesta.
“Filipçe, prandaj shqetësohu më pak për zgjedhjet dhe rezultatet zgjedhore në shtetet e tjera. Përvesh mëngët dhe vëre partinë tënde në këmbë të shëndosha – nëse mund të thuhet se është e jotja, pasi ti je aty vetëm si roje karrigeje.”
Kjo është e rëndësishme sepse për zhvillimin e një shteti nevojitet një parti opozitare e shëndoshë që qëndron mbi këmbët e veta. Vetëm kështu do të ndihmoni shtetin dhe qytetarët.
Nëse vazhdon të ndjekësh rrugën e Zaevit, LSDM-ja mund të përballet me zhdukjen nga skena politike. Natyrisht, krimet e mikut tënd Zaev duhet të hulumtohen nga organet kompetente të drejtësisë në Maqedoni – përfundon reagimi i VMRO-DPMNE-së.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13