Lajme nga vendi
DAP, gjatë 2025-ës mbi 70 mijë qytetarë kanë marrë 577 milionë euro nga jashtë
Mbi 70,000 qytetarë kanë marrë 577 milionë euro nga jashtë vendit, vetëm në vitin 2025. Në periudhën nga viti 2020 deri në vitin 2026, Drejtoria e të Ardhurave Publike ka regjistruar dhjetëra mijëra raste të hyrjeve nga jashtë vendit tek qytetarët.
Siç informoi drejtoresha e Drejtorisë së të Ardhurave Publike, Elena Petrova, në brifingun e sotme me gazetarët, në vitin 2020 janë dërguar 11.527 njoftime për të ardhura të mundshme të tatimeve. Pas analizave të bëra, 2.276 persona kanë dorëzuar vullnetarisht llogaritjet elektronike, ndërsa për 3.637 persona detyrimi është përcaktuar sipas detyrës zyrtare. Në total, 5.913 persona janë detyruar, ndërsa për 5.614 është përcaktuar se janë transferta private. Gjithashtu ajo tha se taksa e përcaktuar ka arritur në 171,6 milionë denarë, nga të cilat deri më tani janë mbledhur 30,4 milionë denarë.
Në periudhën deri në vitin 2024, raportimi i të ardhurave nga jashtë vazhdoi, dhe një pjesë e detyrimeve u përcaktua në bazë të njoftimeve nga DAP.
Në gjysmën e dytë të vitit 2024, ajo njoftoi se filloi një analizë sistematike dhe verifikim i të dhënave të paraqitura nga bankat në Administratë, të cilat nuk ishin përpunuar më parë në këtë mënyrë.
Elena Petrova, drejtoresh e DAP
“Sipas të dhënave bankare, në vitin 2025, 70,869 qytetarë morën hyrje nga jashtë në shumën prej 577 milionë eurosh. Jo të gjitha këto hyrje janë me tatim. Deri më tani, janë dërguar 9,522 njoftime, dhe 4,459 persona kanë paraqitur vullnetarisht llogaritjet”.
Ajo sqaroi se tatimi të ardhurave të fituara jashtë vendit nuk është një detyrim i ri, por pjesë e sistemit. Ndërsa, porositi qytetarët që kanë detyrimin të deklarojnë në mënyrë të pavarur të ardhurat e tyre, veçanërisht kur paguesi nuk është vendas.Emine Ismaili Luzha /SHENJA/
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
