Lajme nga vendi
Qeveria do të “godasë” shtrenjtimin e vezëve! Po “shtyhet” me OKTA-n edhe për 1 denar zbritje te karburantet
Qeveria paralajmëron masa për uljen e çmimeve të frutave dhe perimeve. Duan të ulen çmimet e domateve, trangujve, vezëve. Kjo vjen pas analizës së Inspektoratit Shtetëror të Tregut në katër zinxhirë marketesh, ku është konstatuar se te ky lloj produktesh ka rritje dyshifrore të çmimeve, përkatësisht mbi 10%.
Ndërkohë, kontrolli i ISHT-së ka përfshirë 55 produkte më të shitura, ku te pjesa më e madhe e tyre, kur janë krahasuar çmimet e 1 shkurtit dhe 1 prillit, kanë treguar rritje mesatare prej rreth 0,4%. Sipas analizës, marzhi mesatar i fitimit të marketeve është ulur nga rreth 15% në 14,7%, që sipas Qeverisë do të thotë se rritja e çmimeve nuk vjen nga rritja e fitimeve të marketeve.
Kryeministri Hristijan Mickoski nuk paralajmëroi masa të targetuara për qytetarët, por është zgjatur gjendja e krizës, me çka TVSH-ja për karburantet mbetet e ulur nga 18% në 10% deri në fund të muajit. Mickoski nuk pret që për shkak të çmimeve të naftës në bursat botërore të ketë goditje më të madhe inflacioni në prill.
“Ne nuk duhet të presim goditje më të madhe, sepse pjesëmarrja me përqindje e asaj pjese për të cilën janë rritur shpenzimet e transportit, nuk na jep të drejtë të mendojmë se do të kemi rritje të madhe inflacioniste për muajin e ardhshëm, sepse hyrja në çmimin final të shpenzimeve të transportit krahasuar me rritjen e marzhës së çmimeve të naftës dhe benzinës nuk është aq e madhe, flasim për 1–2%”, theksoi Hristijan Mickoski, kryeministër.
Kryeministri Hristijan Mickoski thotë se javën e ardhshme, nëse mbeten çmimet aktuale të naftës në bursat botërore, është e mundur ulje shtesë e çmimeve të karburanteve në Maqedoni. Ai theksoi se deri në fund të prillit, është në fuqi vendimi i OKTA-s për të dhënë zbritje prej 3 denarësh për naftën dhe 2 denarësh për benzinën.
“Po negociojmë për karburantin dizel, sepse ai është 75% e portofolit total të konsumit, që të ketë të paktën edhe një zbritje shtesë, do të shohim, mendoj se po “shtyhemi” për edhe një denar për litër”, u shpreh theksoi Hristijan Mickoski, kryeministër.
Rezervat shtetërore deri tani nuk janë përdorur fare dhe janë të mjaftueshme për 62 ditë të konsumit mesatar ditor. Për më tepër ka rezerva edhe për dy muaj në përçuesin Selanik–Shkup. Nga Qeveria thonë se situata po ndiqet me kujdes dhe se do të merren masa nëse ka presione të reja çmimesh mbi ushqimin dhe energjinë.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
