Më datë 27.04.2026, në ora 10:00, zyrtarë policorë nga SPB Tetovë kanë arrestuar personin N.Z.(59) nga fshati Reçicë e Vogël e Tetovës. Arrestimi u krye pas një denoncimi paraprak nga Komuna e Tetovës, sipas të cilit ai kishte penguar hyrjen në një parcelë të paraparë për aktivitete pune të komunës, duke i vendosur drynin derës hyrëse. Personi është shoqëruar në stacionin policor dhe pas dokumentimit të rastit do të vijojë parashtresa përkatëse.

……Më datë 27.04.2026, në ora 13:45, në bulevardin “Bllagoja Toska” në Tetovë, zyrtarë policorë nga SPB Tetovë kanë privuar nga liria personin A.S.(20) nga fshati Dëbërcë e Tetovës. Gjatë një kontrolli në trafik, policia ka ndaluar një motoçikletë me targa të Tetovës që drejtohej nga ai, ku pas verifikimit është konstatuar se e drejtonte mjetin pa pasur leje drejtimi. Motoçikleta është konfiskuar, ndërsa pas dokumentimit të plotë të rastit do të ngrihet padi përkatëse.

……Më datë 27.04.2026, në ora 14:10, në Stacionin Policor të Mavrovës është raportuar se në një shtëpi vikendi në fshatin Hanet e Mavrovës është gjetur e vdekur D.Gj. (58) nga fshati Leunovë, komuna e Mavrovës dhe Rostushës. Mjeku i Ndihmës së Shpejtë ka konstatuar vdekjen pa shenja dhune, ndërsa me urdhër të prokurorit publik trupi i pajetë është dërguar për obduksion.

……Më datë 27.04.2026, në ora 17:10, në Stadiumin e Qytetit në Tetovë, zyrtarë policorë nga SPB Tetovë kanë privuar nga liria personat B.Sh.(23) nga fshati Leshkë dhe G.M.(19) nga Kumanova. Gjatë kontrollit tek ata është gjetur dhe konfiskuar marihuanë dhe një lëndë e murrme në formë kokrrizash. Pas dokumentimit të plotë të rastit, ndaj tyre do të paraqitet parashtresë përkatëse.

……Më datë 27.04.2026, rreth orës 20:30, në bulevardin “Iliria” në Tetovë, pjestërt e policisë kanë arrestuar personat Sh.H.(31) nga Reçica e Vogël dhe S.H.(27) nga Tetova. Gjatë një kontrolli rrugor, policia ka ndaluar automjetin e tipit “Audi” me targa të Tetovës, të drejtuar nga Sh.H.(31), ku janë konstatuar disa shkelje të rregullave të trafikun. Gjatë procesit, shoferi ka filluar të sillet në mënyrë agresive dhe të ofendojë policët, ndërsa pasagjeri S.H.(27) ka refuzuar të identifikohet. Pas dokumentimit të rastit do të vijojë parashtresa përkatëse.

Advertisement

Kryetari i Kuvendit të Maqedonisë së Veriut, Afrim Gashi, dje në Lujanë të Sllovenisë foli në një forum për rëndësinë e anëtarësimit të vendeve të Ballkanit Perëndimor në Bashkimin Evropian.

“Në adresimin tim theksova se integrimi europian i rajonit tonë është një domosdoshmëri strategjike për sigurinë dhe stabilitetin e Europës,” tha Gashi përmes Facebook të tij lidhur me paraqitjen e tij në forumin e organizuar nga OJQ Nizami Ganjavi International Center e Azerbaijanit.

“Nënvizova rrugëtimin e vendit tonë drejt BE-së, përfshirë kompromiset e vështira dhe angazhimin e vazhdueshëm për reforma, si dëshmi e qartë e orientimit tonë euroatlantik. U shpreha I bindur se zgjerimi, është një kontratë besimi që kërkon përgjegjësi dhe guxim nga të dyja palët dhe se Ballkani Perëndimor nuk është një periferi që duhet lënë në pritje, por është një pjesë e Europës që kërkon të plotësojë vetveten,” shkruajti kryetari i kuvendit.

Deputeti i LSDM-së dhe koordinatori i grupit parlamentar, Oliver Spasovski, në intervistën për “Tema e Ditës” në Sitel TV, deklaroi se ndryshimet ligjore për shtetësitë e dyfishta duhet të vlejnë menjëherë për të gjithë funksionarët e zgjedhur dhe të emëruar.

“Ne e mbështetëm atë zgjidhje ligjore, por thamë se duhet të vlejë edhe për këtë përbërje parlamentare, nga njëra anë, dhe nga ana tjetër, kemi dorëzuar një ligj të ri sipas të cilit, përveç deputetëve dhe ministrave të Qeverisë, do të duhet të dëshmojnë se kanë vetëm një shtetësi, ose ai që ka më shumë shtetësi të mos mund të jetë pjesë e pushtetit ekzekutiv”, theksoi Spasovski.

Ai theksoi se sot në Kuvend, deputetët e VMRO-së kanë gabuar edhe komisionin përkatës.

“Sot u gabua se cila komision do të jetë, nëse do të jetë ajo apo ndonjë tjetër dhe kështu me radhë. Të shohim nëse më në fund do të mësojnë se cila komision është kompetente dhe të kalojë lirshëm në procedurë parlamentare”, shtoi Spasovski.

Sipas tij, pushteti po demonstron mungesë të plotë konsistence dhe ndryshim qëndrimesh nga dita në ditë, gjë që tregon se po manipulon opinionin publik.

Advertisement

“Grupi parlamentar i OBRM-PDUKM-së dorëzon një ligj të tillë, kryeministri po atë ditë thotë: ‘U nxitua, duhet konsultim me ekspertë juridikë’. Presidentja thotë se është e nevojshme, pastaj edhe kryeministri thotë ‘po, ashtu është’. Kjo tregon se kjo qeveri shpesh i ndryshon qëndrimet. Sot një gjë, për dy orë diçka tjetër. Mendoj se, duke nisur nga populizmi i lirë dhe patriotizmi i rremë, po vijmë në këto situata”, theksoi Spasovski.

Ai përsëriti qëndrimin e LSDM-së se është kundër shfuqizimit të qeverisë teknike.