Lajme nga vendi
SPB : Kronika e zezë për ditën e djeshme 28 Prill Tetovë dhe Gostivar
Dje, në ora 23:30 në rrugën rajonale Tetovë – fsh. Pirok, në fshatin Pallçisht i Poshtëm, punonjës policie nga Departamenti i Policisë së Kamjanit, kanë privuar nga liria një 18-vjeçar nga fshati Pallçisht i Poshtëm i Tetovës. Gjatë kontrollit të trafikut është ndaluar automjeti i pasagjerëve “Porsche” me targa të Shqipërisë, e drejtuar nga një 20-vjeçar nga Kosova, me ç`rast tek ai është gjetur lëndë ngjyrë kafe. Ai është ndaluar në stacionin policor dhe pas dokumentimit të rastit do të përgatitet parashtresa përkatëse.
…….Dje, në ora 20:10, punonjës policie nga SPB Tetovë kanë privuar nga liria një 26-vjeçar nga fshati Reçicë e Vogël e Tetovës. Gjatë bastisjes në shtëpinë e tij në Tetovë, ku ai qëndronte, e kryer me urdhër gjyqësor, është gjetur dhe sekuestruar marihuanë. Ai është ndaluar në stacionin policor dhe pas dokumentimit të rastit kundër tij do të vijojë kallëzimi përkatës.
……Dje, në ora 09:15 në rrugën e “Ohrit” në Tetovë, punonjës policie nga SPB Tetovë, kanë privuar nga liria një 22-vjeçar nga Tetova. Paraprakisht, ai me automjetin “BMV”, të cilin e drejtonte, ka marrë pjesë në një aksident komunikacioni me automjetin e pasagjerëve “Toyota” me targa të Tetovës, i drejtuar nga një 44-vjeçar nga Tetova dhe një automjet të parkuar “Audi” me targa të Tetovës, ndërsa pas marrjes së masave dhe kryerjes së kontrolleve, është konstatuar se ai e drejtonte automjetin “BMV” pa poseduar patentë shofer. Automjeti është sekuestruar dhe pas dokumentimit të plotë të rastit kundër tij do të vijojë kallëzimi përkatës.
……Dje, në ora 08:55 në SPB Tetovë është raportuar se në bulevardin “Ilinden” në Tetovë, automjeti I pasagjerëve “Volksvagen Passat” me targa të Tetovës, i drejtuar nga një 54-vjeçar nga Tetova, ka goditur një këmbësor 29-vjeçar nga Tetova. Në aksident këmbësori ka pësuar lëndime të rënda trupore, të konstatuara në Spitalin Klinik të Tetovës. Me urdhër të prokurorit publik, kqyrja e vendit të ngjarjes është kryer nga ekipi I SPB Tetovë.
……Dje, në ora 09:20 në Gostivar, inspektorët policorë nga DPB Gostivar, në prani të punonjësit social, kanë privuar nga liria një të mitur 15-vjeçar, duke vepruar sipas një denoncimi paraprak se ai kishte ngacmuar seksualisht dhe kishte kryer veprime seksuale ndaj motrës së tij të mitur. Në një bisedë zyrtare në prani të përfaqësuesve të Qendrës Ndërkomunale për Punë Sociale Gostivar, e mitura ka sqaruar se ngacmimi kishte filluar rreth një vit më parë përmes mesazheve me përmbajtje të pahijshme, ndërsa më vonë kishte vazhduar me prekje fizike dhe tentativa për detyrim në marrëdhënie seksuale. Sipas dëshmisë, para tre muajsh, i mituri duke përdorur forcë fizike kishte kryer veprim seksual mbi të. E mitura i është dorëzuar në kujdes Qendrës për Punë Sociale Gostivar për mbrojtje dhe veprim të mëtejshëm. Në koordinim me prokurorin publik janë ndërmarrë masa për zbardhjen dhe dokumentimin e plotë të rastit, i mituri është dërguar para gjyqtarit të procedurës paraprake i cili i ka caktuar masën e paraburgimit prej 30 ditësh, pas së cilës është dërguar në Institucionin Penal-Përmirësues Burgu i Shkupit për vuajtjen e masës.
…..Dje, në ora 16:20 në Tetovë, punonjës policie nga SPB Tetovë kanë privuar nga liria një 33-vjeçar nga Tetova, i cili është denoncuar nga bashkëshortja e tij 33-vjeçare se pas një zënke në shtëpinë e tyre familjare, i njëjti e ka sulmuar fizikisht. Ai është ndaluar në stacionin policor dhe pas dokumentimit të rastit kundër tij do të vijojë kallëzimi përkatës.
…..Dje, në ora 15:30 në SPB Tetovë, një 55-vjeçar nga fshati Shipkovicë e Tetovës, ka denoncuar se më 27 Prill rreth orës 22:00 në rr.”Kiro Ristovski Drnc” është sulmuar fizikisht nga një person gjatë kryerjes së detyrave të punës në Ndërmarrjen Publike Komunale Tetovë. Po ndërmerren masa për zbardhjen dhe dokumentimin e rastit.
…….Dje, në ora 16:10 në DPB Gostivar, një 42-vjeçar ka denoncuar se pas një debati verbal në një klasë në një shkollë fillore të Gostivarit, djali i tij i mitur është sulmuar fizikisht nga një nxënës tjetër. Po ndërmerren masa për zbardhjen e ngjarjes.
……Dje, në ora 16:10 në SPB Tetovë është raportuar se në rrugën lokale Shipkovicë-Bozovcë të Tetovës, një 20-vjeçar nga Tetova, duke drejtuar një katërçikletë me targa të Tetovës, ka humbur kontrollin dhe ka dalë nga rruga. Në aksident lëndime të rënda trupore ka pësuar drejtuesi i mjetit, ndërsa lëndime trupore pasagjeri i tij 18-vjeçar nga fshati Larcë e Tetovës, të konstatuara në Qendrën Urgjente në Tetovë. Kqyrja e vendit të ngjarjes është kryer nga ekipi i SPB Tetovë.
……Dje, në ora 21:00 në DPB Gostivar, një 17- vjeçar, në prani të prindit, ka denoncuar se rreth orës 13:00 në afërsi të spitalit të qytetit është ndjekur nga dy persona, ku njëri prej tyre e ka kërcënuar me thikë, pas së cilës ai ka arritur të ikë. Po punohet për zbardhjen e rastit.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
