Lajme nga vendi
HAXHI 2026: NGA RAJONI I TETOVËS 440 NIJETLINJ!
Nga Tetova për në vendet e shenjta do të udhëtojnë 440 haxhinj. Myftiu i Tetovës gjatë një prononcimi për Tv Koha, bëri të ditur se të gjitha procedurat tashmë janë drejt përfundimit kurse nisja e tyre drejt Xhides do të bëhet nga 17, 18, dhe 19 Maj.
“Një udhëtim që fillon me fillon me kërkimfalje dhe dhënien e saj”, “Një udhëtim që nis me pendim të sinqertë dh përfundon me një zemër plot falje për të tjerët”.
Këto janë disa nga mesazhet senzibilizuese që i gjeni në faqen e Myftinisë së Tetovë në Facebook, ku njoftohet për mbarëvajtjen e Haxhit 2026.
Myftiu I Tetovës, Selver Xhemaili, thotë se procedurat kanë filluar që nga viti I kaluar për arsye se regjistrimi dhe evidentimi i nijetlinjve, kohën e fundit, bëhen një vit para.
Për të kryer Haxhin 2026, nga Tetova janë regjistruar 440 nijetlinj.
Tashmë janë siguruar vizat, në bashkëpunim me Qendrën për Shëndet Publik, është bërë vaksinimi i haxhilerëve tanë, kurse do të mbahet edhe një seminar me të gjithë haxhinjtë ku do t`u bëhen shpjegime profesionale se si kryhet haxhi.
SELVER XHEMAILI – Myfti i Tetovës
“Nga Tetova gjithsejt kemi 440 haxhinj-nijetli, prej tyre, plus 21 anëtarë janë si pjesë e personelit profesional fetar dhe mjekësor, do të thotë gjithesjt i kemi 464 nga Tetova që do të udhëtojnë për ta kryer Haxhin 2026. Normalisht në paketën që janë paraparë për një haxhi, përfshihen të gjitha gjërat që mund të ketë nevojë haxhiu gjatë udhëtimit, me fluturimin, akomodimin në hotel, me ushqimin me udhëheqësin profesional, me të gjitha gjërat deri në imtësi që duhen për një haxhi për ta kryer haxhin në formën më të mirë janë të paraparë që të realizohen”
Myftiu I Tetovës, bëri publike edhe itinerarin e fluturimeve për në vendet e shenjat. Në dispozicion të BFI-së janë 11 aeroplana.
“Pritet që sivjet të udhëtojmë nga data 15 deri 20 Maj, që do të thotë përafërsisht 11 aeroplana janë gjithsejt, por për haxhinjtë e Tetovës është e paraparë nga 17, 18, 19 Maj që të nisemi për vendet e shenjta dhe pas qëndrimit prej 25, 26 apo 27 ditë atje do të kthehemi inshallah në vendlindje”
Nisja do të bëhet nga Shkupi në Xhide dhe kthimi nga Medina në Shkup. Kompania ajrore tashmë është kontraktuar, për disa vite me radhë BFI udhëton me të njëjtën kompani.
Indikacionet janë që për shkak të situatës që mbizotëron në Lindjen e Mesme ekzistojnë disa shenja që kompania ka mundësi që të vendos një taksë sigurie. Taksa ende nuk është konfirmuar, por kjo ka të bëjë mes BFI-së dhe kompanisë ajrore.
Myftiu I Tetovës thotë se pavarësisht zhvillimeve në Lindjen e Mesme, nuk ka shenja rreziku për sigurinë e nijetlinjve dhe se procedurat vijojnë sipas planprogramit.
Procedurat e Haxhit veçmë kanë filluar në Arabinë Saudite, nuk ka ndonjë pengesë, nuk ka ndonjë paralajmërim se ka ndonjë rrezik për sigurinë, dmth është krejtësisht gjendje normale, për arsye se vija e udhëtimit tonë është krejtësisht larg asaj gjendjes luftarake në Lindjen e Mesme. Kështu që nuk ka ndonjë shenjë se ka ndonjë rrezik dhe nuk ka ndonjë paralajmërim se mund të ndalohet apo të anulohet”
Këtë vit në haxh dhe për vizitë në vendet e shenjta myslimane, nga Maqedonia e Veriut, do të shkojnë 2.020 besimtarë, që është numër identik me vitin e kaluar. Numri është identik si edhe vitin e kaluar. Besimtarët do të udhëtojnë prej 14 deri më 21 maj, me fluturime çarter me aeroplan.
Sa i përket moshës, sipas BFI-së, këtë vit ata që udhëtojnë në haxh i takojnë gjeneratës më të re, ndërsa më i moshuari është një 75-vjeçar. Çmimi për aranzhim për Haxh është 6.700 euro, që është më i lartë për 250 euro në krahasim me vitin e kaluar.
Festa e madhe e Bajramit të Kurbanit, këtë vit bie më 27 maj./Tv Koha/
Kryetari i Komunës së Tetovës, Bilall Kasami I shoqëruar nga Ministri I Transportit dhe Lidhjeve, Aleksandar Nikolovski dhe Zv/Ministrja Kaltrina Zekolli në Tetovë promovuan përfundimin e punimeve në Rrugën e Shtipit, një investim i Ministrisë së Transportit me ko-financim të Komunës së Tetovës.
Ministri I Transportit, Aleksandar Nikolovski, u shpreh se në Tetovë po vërrehet një bum investimesh, për të cilët përgëzoi Kryetarin Kasami duke u zotuar se Ministria që drejton ai do të jetë në shërbim të projekteve që lehtësojnë lëvizjen e qytetarëve.
Sipas zyrtarëve të Ministrisë së Transportit në Tetovë po realizohen 29 projekte të përbashkëta.
KALTRINA ZEKOLLI – Bëhet fjalë për një rrugë me 680 metra, me gjerësi mesatarisht 5.5 metra kurse sipërfaqja totale e asfaltuar është rreth 4.000 metra katrorë.
Kuvendi ka miratuar ndryshime në Ligjin për Lizingun Financiar, të cilat prekin kushtet për themelimin dhe funksionimin e kompanive të lizingut, menaxhimin korporativ, mbikëqyrjen, transparencën dhe mbrojtjen e përdoruesve. Me ndryshimet përcaktohen elementet e detyrueshme që duhet të përmbajë çdo kontratë e lizingut financiar, përfshirë të gjitha tarifat dhe kompensimet që lidhen me kontratën. Gjithashtu, parashihet mundësia që kontratat të lidhen edhe në formë elektronike, në përputhje me legjislacionin për dokumentet elektronike, identifikimin elektronik, mbrojtjen e të dhënave personale dhe parandalimin e pastrimit të parave.
Rregullat e reja sjellin kontrata më të qarta, mundësi për shlyerjen e parakohshme pa kosto shtesë, kontroll më të madh mbi punën e kompanive të lizingut dhe standarde më të larta për mbrojtjen e shfrytëzuesve.
“Me qëllim të rritjes së transparencës dhe mbrojtjes së shfrytëzuesve, me ndryshimet specifikohen elementët e detyrueshëm që duhet të përmbajë çdo kontratë lizingu financiar, duke përfshirë të gjitha kompensimet që lidhen me lizingun. Përveç kësaj, mundësohet që kontratat e lizingut financiar të lidhen edhe në formë elektronike, nëse kushtet plotësohen në përputhje me dispozitat për dokumentet elektronike, identifikimin elektronik dhe shërbimet konfidenciale, si dhe dispozitat për parandalimin e pastrimit të parave, mbrojtjen e të dhënave personale dhe dispozitat e tjera përkatëse”, thonë nga Ministria e Financave.
Me këto ndryshime vendoset mundësia që shfrytëzuesi i lizingut financiar të shlyejë detyrimet e mbetura plotësisht ose pjesërisht në çdo kohë në përputhje me planin e amortizimit, pa kosto shtesë. Kjo gjithashtu siguron të drejtën për të ulur kostot e përgjithshme për periudhën e mbetur të kontratës.
“Përveç kësaj, përforcohet mbrojtja e shfrytëzuesve duke specifikuar se ofruesi i lizingut financiar nuk mund ta shfrytëzojë lëndën e lizingut financiar si kolateral pa pëlqimin paraprak me shkrim të shfrytëzuesit. Pëlqimi duhet të jepet te noteri, në dokument të veçantë – deklaratë, veçmas nga kontrata e lizingut financiar, me kushtet e përgjithshme, me përcaktimin e qartë të pasojave juridike të pëlqimit të tillë. Ofruesit e lizingut financiar do të jenë të detyruar të publikojnë raportet financiare vjetore, së bashku me raportin dhe mendimin e revizorit të autorizuar, në faqet e tyre të internetit. Në këtë mënyrë, individët dhe personat juridikë si shfrytëzues të lizingut do të kenë mundësinë të kenë pasqyrë më të qartë mbi punën e kompanive të lizingut para se të krijojnë marrëdhënie afariste”, thonë nga Ministria.
Me ndryshimet, thonë më tej nga kjo Ministri, përforcohet edhe mbikëqyrja përmes avancimit të dispozitave kundërvajtëse, si dhe stabiliteti financiar i ofruesve të lizingut financiar duke rritur vlerën minimale të principalit bazë nga 6.000.000 në 30.000.000 denarë.
“Me qëllim të përforcimit të integritetit të subjekteve që kryejnë lizing financiar, me ndryshimet zbatohen gjithashtu rekomandimet e Komitetit MONEYVAL pranë Këshillit të Evropës në fushën e parandalimit të pastrimit të parave dhe financimit të terrorizmit. Me to vendosen kritere për përshtatshmërinë dhe reputacionin që duhet t’i përmbushin themeluesit dhe anëtarët e organeve drejtuese të ofruesve të lizingut financiar”, thuhet në njoftimin e Ministrisë.
Ndryshimet e miratuara nga Kuvendi janë një nga tetë hapat që Ministria e Financave po zbaton në kuadër të Agjendës reformuese.
Lajme nga vendi
14-vjeçarja nga Kavadari ndërron jetë pasi ra nga një luhatëse në parkun e Gostivarit
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
SPB Tetovë njofton se ka humbur jetën një 14-vjeçare nga Kavadari, e cila ka rënë nga luahtësja në parkun e Gostivarit.
Nga atje thonë se trupi është dorëzuar për autopsi.
Sipas raportimit, e mitura ka rënë nga luhatësja në parkun e Gostivarit, pas së cilës është transportuar në Qendrën Mjekësore Gostivar, ku në ora 20:55 mjekukujdestar ka konstatuar vdekjen.
Është njoftuar prokurori publik, me urdhër të të cilit trupi është dorëzuar për autopsi“, thonë nga SPB Tetovë.
TETOVË: PËRUROHET RRUGA E “SHTIPIT”
Rregulla të reja në lizingun financiar në Maqedoninë e Veriut
14-vjeçarja nga Kavadari ndërron jetë pasi ra nga një luhatëse në parkun e Gostivarit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
