Lajme nga vendi
Përfshirja e të gjithë vaksinimeve në RMV është nën pragun prej 95 përqind, rritje e vogël tek HPV vaksinimi
Përfshirja me vaksinimin e obligueshëm në Maqedoni edhe në vitin 2025 mbetet nën normat e rekomanduara prej 95 përqind, thuhet në Raportin për realizimin e Programit për imunizim të obligueshëm të popullatës të Institutit për Shëndet Publik (ISHP, njofton Portalb.mk.
Sipas të dhënave, te pranuesit e vaksinave me tre doza shënohet rënie e konsiderueshme në krahasim me vitin 2024, me përfshirje e cila në disa vaksina është nën 80 përqind. Rënia u dedikohet vaksinave kundër Hepatit B, influenca Hemofilus dhe DiTePer/IPV, me ç’rast trendin e ndërpret rimëkëmbja graduale paraprake pas pandemisë me kovid-19.
Për dallim nga kjo, tek rivaksinimi i popullatës shkollore shënohet rritje në krahasim me vitin paraprak, posaçërisht për vaksinat në moshat 7, 14 dhe 18 vjeç. Gjithashtu, rivaksinimi me vaksinën MRP ka arritur 84,7 përqind, që paraqet rritje në krahasim me vitin 2024.
Përfshirja me vaksinën MRP (doza e parë) në vitin 2025 është 62,7 përqind, ndjeshëm nën normat e rekomanduara prej 95 përqind. Për herë të fundit përfshirje prej mbi 90 përqind është regjistruar në vitin 2019, me ç’rast shënohet rënie e vazhdueshme, me përjashtim të përmirësimit të përkohshëm në vitin 2024 për shkak të masave të përforcuara kundërepidemike.
Në raport thuhet se në vitin 2024, pas epidemive të kollës së mirë, janë realizuar masa të përforcuara, duke përfshirë edhe vaksinimin e fëmijëve të lënë jashtë kontrollit dhe kufizimet në pranimet në parashkollor për fëmijët e pavaksinuar. Këto ndërhyrje çuan në rritjen e mbulimit atë vit, veçanërisht për vaksinat DiTePer/IPV dhe HiB.
Në vitin 2025, pas përfundimit të epidemisë dhe ulje të intensitetit të masave, u regjistrua një rënie e përsëritur e përfshirjes, e cila u shoqërua edhe me një perceptim të reduktuar të rrezikut tek prindërit.
Vaksinimi HPV shënon rritje të ndjeshme – prej 50,2 përqind në vitin 2024 në 51,5 përqind në vitin 2025, pas zgjerimit të vaksinimit edhe tek djemtë. Megjithatë, përfshirja mbetet e ulët dhe me dallime të konsiderueshme rajonale.
Më pak vajza të vaksinuara dhe djelmosha ka në Ohër (9,9 përqind), ndërsa vaksinimi është 100 përqind i realizuar në Berovë, Vinicë, Pehçevë, Makedonski Brod dhe në Vallandovë.
“Përfshirje më të ulët nga përfshirja e përgjithshme në republikë është regjistruar në Tetovë/Gostivar, Manastir, Shkup, Prilep dhe Kërçovë. Nga personat e kualifikuar në territorin e të gjithë republikës për këtë vaksinë, gjithsej 8.224 persona nuk janë mbuluar, nga të cilët 4.638 janë banorë të Shkupit”, thuhet në raport.
Vitin e kaluar, përfshirja me vaksinim kundër HPV u realizua për herë të parë në të gjithë popullatën e synuar, pas futjes së vaksinimit për djemtë në vitin 2024. Përfshirja e djemve në program kontribuoi në një rritje të numrit të fëmijëve të vaksinuar dhe të mbulimit të përgjithshëm. Zgjerimi i vaksinimit kundër HPV tek djemtë ka pasur një ndikim pozitiv në rritjen e mbulimit, por ai mbetet relativisht i ulët.
Përfshirja me vaksinën kundër rotavirusit është 64,3 përqind, që paraqet rënie nga viti i kaluar. Gjithashtu, ka një rënie në përfshirjen me vaksinën pneumokoksike, me përfshirje totale prej 80,2 përqind për vaksinimin parësor dhe 59,7 përqind për rivaksinim.
“Posaçërisht shqetësues është fakti që në vitin 2025 nuk ka asnjë territor me përfshirje mbi 90 përqind për të gjithë vaksinat, ndërsa numri më i madh i rasteve të lëshuara janë regjistruar në Shkup. Në disa rajone, si Manastiri, Strumica dhe Kumanova, përfshirja me disa vaksina mbetet vazhdimisht nën nivelet e rekomanduara”, thuhet në raport.
Raporti paralajmëron se përfshirja e ulët dhe afatgjate e reduktuar i vaksinës MRP mund të çojë në një grumbullim të popullatës së ndjeshme dhe rrezik të rritur të paraqitjeve të sëmundjeve të tilla si fruthi.
Pavarësisht trendit negativ në vitin 2025, analiza arrin në përfundimin se masat e synuara dhe intervenimet e intensifikuara në vitin 2024 kanë treguar se përfshirja mund të përmirësohet ndjeshëm në afat të shkurtër, nëse zbatohen politika dhe aktivitete të përshtatshme.
Autoritetet shëndetësore rekomandojnë përforcimin e aktiviteteve për të përmirësuar përfshirjen me vaksinim, me fokus në gjetjen sistematike të individëve të pavaksinuar dhe pjesërisht të vaksinuar, veçanërisht në rajonet me përfshirje më të ulët si Shkupi, Kumanova, Manastiri dhe Strumica.
Sipas rekomandimeve, shërbimet për vaksinim duhet të kontrollojnë vazhdimisht statusin e vaksinimit të popullatës dhe t’i inkurajojnë në mënyrë aktive qytetarët që të përfundojnë imunizimin sipas Kalendarit për vaksinim.
Në mënyrë plotësuese, theksohet nevoja për të krijuar aktivitete të vazhdueshme „catch-up“ , e jo vetëm gjatë epidemive, me qëllim ruajtjen e përfshirjes së arritur dhe parandalimin e rënies së mëtejshme të tij.
Për shkak të përfshirjes së dukshme të ulët të vaksinës MRP, rekomandohen ndërhyrje urgjente dhe e targetuar. Ato përfshijnë apele masive, aktivitete në terren dhe komunikim i përforcuar me prindërit, me qëllim arritjen e pragut të rekomanduar prej të paktën 95 përqind përfshirje.
Njëkohësisht, propozohet të futet monitorim i rregullt i afateve kohore të vaksinimit, dhe jo vetëm i përfshirjes së përgjithshëme, gjë që do të mundësojë zbulimin e hershëm të vonesave dhe lëshimeve në imunizim dhe reagimin në kohë nga institucionet shëndetësore.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
