Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë, me seli në Strasburg të Francës.

Është themeluar më 5 maj 1949 për të arritur një bashkim më të madh midis vendeve anëtare mbi bazën e traditave të tyre të përbashkëta të lirisë politike.

Ideologët më të mëdhenj të Këshillit të Evropës ishin Winston Churchill, Robert Shuman dhe Konrad Adenauer.

Këshilli mbron lirinë e shprehjes dhe të mediave, barazinë dhe minoritetet në vendet anëtare.

Kjo organizatë ka realizuar edhe fushata për mbrojtje të fëmijëve, kundër gjuhës së urrejtjes si dhe për të drejtat e romëve, të cilët përbëjnë komunitetin më të madh në Evropë.

Advertisement

Këshilli i Evropës u ndihmon vendeve anëtare që të luftojnë korrupsionin dhe terrorizmin si dhe që të kryejnë reformat e duhura gjyqësore.
Grupi i saj i ekspertëve për Kushtetutë, i njohur si Komisioni i Venecias, ofron këshilla ligjore për shtete të ndryshme në botë.

Duke qenë organizatë ndërkombëtare, Këshilli i Evropës nuk mund të bëjë ligje, mirëpo ka aftësi të nxisë zbatimin e marrëveshjeve ndërkombëtare, të arritura nga vendet anëtare për tema të ndryshme.

Dy trupat kyçë të Këshillit janë: Komiteti i Ministrave dhe Asambleja Parlamentare.

Ndryshe nga BE, Këshilli i Evropës nuk mund të bëjë ligje detyruese, por ka fuqinë për të zbatuar marrëveshjet ndërkombëtare të përzgjedhura e të arritura nga shtetet evropiane për tema të ndryshme.

Trupi më i njohur i Këshillit të Evropës është Gjykata Evropiane për të Drejtat e Njeriut, e cila zbaton Konventën Evropiane për të Drejtat e Njeriut.

Advertisement

Anglishtja dhe frëngjishtja janë dy gjuhët zyrtare të saj.

Komiteti i Ministrave, Asambleja Parlamentare dhe Kongresi gjithashtu përdorin gjuhën gjermane, italiane, ruse dhe turke për disa nga puna e tyre.

Sekretari i përgjithshëm i Hezbollahut, Naim Qassem, deklaroi sot se grupi i mbështetur nga Irani nuk do të përfshihet në negociata të drejtpërdrejta me Izraelin dhe do të vazhdojë atë që e quajti “rezistencë mbrojtëse” ndaj sulmeve në vijim.

Në një deklaratë të gjatë me shkrim, Qassem tha se Izraeli, i mbështetur nga Shtetet  States, ka dështuar të mposhtë Hezbollahun.

Sipas tij, forcat izraelite janë përballur me rezistencë të fortë dhe kanë arritur në një “rrugë pa krye”.

Një armëpushim në konflikt u shpall në mes të prillit nga presidenti amerikan Donald Trump, pas bisedimeve me kryeministrin izraelit Benjamin Netanyahu dhe presidentin libanez Joseph Aoun.

Marrëveshja pritet të mbetet në fuqi edhe për dy javë të tjera, megjithëse të dyja palët kanë vazhduar shkëmbimin e zjarrit.

Advertisement

Qassem paraqiti kushtet për çdo marrëveshje të mundshme, duke përfshirë ndalimin e plotë të armiqësive në tokë, det dhe ajër, tërheqjen e Izraelit nga territoret e pushtuara, lirimin e të burgosurve, kthimin e banorëve të zhvendosur dhe rindërtimin.

Ai theksoi se Hezbollahu nuk do të çarmatoset, duke i cilësuar armët e tij si të domosdoshme për mbrojtje ndaj asaj që e quajti agresion izraelit, dhe paralajmëroi se grupi do të vazhdojë t’u përgjigjet sulmeve.

Në përfundim, ai deklaroi se Hezbollahu do të vijojë luftën derisa të rikthehet çdo territor libanez i pushtuar.

Ndërkohë, grupi nuk ka qenë drejtpërdrejt i përfshirë në bisedimet për armëpushimin Izrael-Liban, por ka sinjalizuar se do ta respektojë atë, për sa kohë që edhe Izraeli ndalon sulmet.

Qeveria libaneze nuk ka kontroll të drejtpërdrejtë mbi Hezbollahun, megjithatë një rol kyç në negociata po luan kryetari i parlamentit dhe aleati i grupit, Nabih Berri.

Advertisement

Hetuesit po shqyrtojnë ndjenjat anti-Trump si një motiv për të dyshuarin që sulmoi të shtunën me armë zjarri në Darkën e Korrespondentëve të Shtëpisë së Bardhë në Uashington DC, ku ishin të pranishëm presidenti amerikan dhe anëtarët e lartë të administratës së tij.

Zyrtarët kanë thënë se autori i sulmit ka të ngjarë të ketë pasur në shënjestër Donald Trumpin dhe zyrtarë të tjerë të lartë të administratës.

I dyshuari, i cili është në paraburgim pasi u kap nga anëtarët e zbatimit të ligjit ndërsa nxitonte nëpër hotel, do të paraqitet në gjykatën federale të hënën. Ai përballet me akuza për sulm ndaj një oficeri federal, qitje me armë zjarri dhe përpjekje për të vrarë një oficer federal, por Blanche ka thënë se në varësi të mënyrës se si shkon hetimi, ai mund të akuzohet edhe për tentativën e vrasjes së Trumpit.

Hetuesit po vlerësojnë një shënim që thuhet se është shkruar nga i dyshuari, i cili është identifikuar si Cole Tomas Allen, 31 vjeç, nga Torrance, Kaliforni. Në shënimin e dyshuar, i cili është botuar i plotë nga New York Post, Allen kishte krijuar një listë objektivash për të shtënat, të renditura nga prioriteti më i lartë në atë më të ulët, me zyrtarët e administratës Trump në krye.

Një zyrtar i njohur me çështjen i ka thënë The Guardian se shënimi i botuar nga Post ishte autentik.

Advertisement

I dyshuari për sulmin u kishte dërguar anëtarëve të familjes së tij shkrime në të cilat renditeshin ankesat e tij kundër administratës, rreth 10 minuta para se të ndodhnin të shtënat, sipas zyrtarëve të Shtëpisë së Bardhë që kanë folur me Associated Press.

Zyrtarët kanë thënë se i dyshuari qëlloi me armë gjahu një agjent të Shërbimit Sekret në një pikë kontrolli sigurie në hotelin Washington Hilton përpara se të ndalohej dhe arrestohej.

Trump, Zonja e Parë Melania Trump, zëvendëspresidenti JD Vance dhe zyrtarët e kabinetit u larguan me nxitim ndërsa incidenti zhvillohej. Agjenti i Shërbimit Sekret që u qëllua i shpëtoi lëndimeve të rënda sepse plumbi goditi jelekun e tij mbrojtës, ka thënë Trumpi.

Presidenti amerikan, Donald Trump, është frustruar me gazeten e “60 Minutes” Norah O’Donnell, gjatë një interviste të dielën, pasi ajo e pyeti për përmbajtjen e raportuar të shkrimeve të të dyshuarit për sulmin në darkën e Shtëpisë së Bardhë.

O’Donnell e pyeti presidentin lidhur me një referencë për “pedofil, përdhunues dhe tradhtar” në shkrimet e të dyshuarit.

Mirëpo Trumpin duket se e zemëroi kjo dhe e quajti O’Donnell një “turp” që e pyeti për fragmentet, duke shtuar se “duhet të turpërohesh që e lexon atë, sepse unë nuk jam asnjë nga këto gjëra”.

Advertisement

VIDEO:

Të shtënat në Darkën e Korrespondentëve të Shtëpisë së Bardhë, duket se janë përpjekja e tretë për vrasjen e Donald Trumpit, pas incidenteve në Butler, Pensilvani në korrik 2024, dhe në klubin e tij të golfit në Florida në shtator të atij viti.

Mirëpo, presidentin amerikan nuk e ka shqetësuar sulmi i së shtunës.

“Nuk isha i shqetësuar. E kuptoj jetën. Jetojmë në një botë të çmendur”, ka thënë Trumpi në një intervistë për “60 Minutes” të dielën.

I pyetur për rendin e ngjarjeve, në të cilat JD Vance u nxor me nxitim nga dhoma i pari, Trumpi ka thënë se “nuk po ua bënte të lehtë” agjentëve të Shërbimit Sekret ta evakuonin atë nga dhoma.

Advertisement

“Doja të sihja se çfarë po ndodhte… Doja të shihja se çfarë po ndodhte. Dhe në atë kohë filluam të kuptonim, ndoshta ishte një problem i madh”, është shprehur ai.

CBS News, ka parë një dokument të shkruar që besohet të jetë i lidhur me të dyshuarin, Cole Allen, ku thuhet se ai donte të shënjestronte anëtarët e administratës Trump “nga rangu më i lartë tek më i ulëti”.