Lajme nga vendi
TETOVË: NISIN PUNËTORITË PËR MENAXHIMIN ME QENTË ENDACAK!
Në buletinin e policisë së Tetovës, sot u njoftua se nga Qendra Mjekësore Gostivar është denoncuar se tek ata me lëndime të rënda trupore është pranuar një 19-vjeçare nga Gostivari, e cila është sulmuar nga qentë endacakë dhe gjatë përpjekjes për të ikur, ka rënë dhe ka pësuar lëndimet.
Ngjarja në fjalë për të disatën herë ngre shqetësimet mbi menaxhimin me këtë problematikë.
Pikërisht në këtë temë, sot në Tetovë është mbajtur një punëtori me temën “Angazhimi i komunitetit lokal në menaxhimin e popullatës së qenve”
Me këtë Agjenicia për Ushqim dhe Veterinari nis me realizimin e një sërë punëtorish ku marrin pjesë përfaqësues Ministrive të pushtetit lokal dhe të mjedisit, Komunat e Rajonit planor të Pollogut, përfaqësues të Bashkësive të Njësive të Vetëqeverisjes Lokale, Oda Veterinarike, Fakulteti për Mjekësi Veterinarike nga Shkupi e të ngjashme, për të përpiluar një strategji për të menaxhuar këtë problem.
TANJA RISTEVSKA – AUV
“Strategjia do të bazohet në indikatorët që do t`i tubojmë pas vizitave nëpër rajone respektivisht në bazë të të dhënave që do t`i marrim nga cdo vetadministratë lokale. Pikërisht për këtë I kyçim të gjithë institucionet relevante, sot në takim morën pjesë të gjithë shoqatat veterinarike, aktivistët, shoqatat e mbrojtjes së kafshëve të rajonit, me qëllim që të përgatitet një strategji që mund të zbaatohet vetëm për këtë rajon. E dijmë se problemi me qentë endacak është I madh, por ky problem nuk është I pazgjidhur dhe do të shkomë drejt zgjidhjes sipas parimeve të vendeve evropiane, në mënyrë të civilizuar, pa helmime të kafshëve ”
Ndryshe, Agjenicia për Ushqim dhe Veterinari, ka përgatitur ndryshime serioze ligjore për mbrojtjen e kafshëve. Sipas ndryshimeve të propozuara, mosrespektimi i rregullave për ruajtjen dhe lëvizjen e qenve do të sanksionohet me dënime deri 400 euro, derisa dënimet për maltretimin, lëndimin apo vrasjen e kafshëve do të shkojnë deri në 5.000 euro.
Nga Shoqatat e Tetovës për mbrojtjen e kafshëve bëjnë thirrje për më tepër empati ndaj kafshëve.
ANETA KLIKOVSKA –Shoqata për mbrojtjen e kafshëve
“Angazhimet tona si qytetarë por edhe si shoqatë nënkupton ushqimin e kafshëve, mjekimin, mbulimin e harxhimeve veterinarike dhe ushqim për çdo ditë, akomodimin në pansione. Mesazhi ynë për qytetarët është që të kenë më tepër empati. Për sulmet që ndodhin ndonjëherë, besoni se inicohen nga qytetarët. Do të ishte në rregull kur qytetarët në rajone të ndryshme të qytetit do të organizoheshin për të tubuar donacione për t`i trajtuar kafshët me vaksina por edhe t`i strehojnë”
Ndryshe, qëllimi kryesor I takimit është që të paraqitet menaxhimi i qenve endacakë dhe të braktisur si një mjet për ruajtjen e numrit, përmes një qasje të përbashkët, angazhimit dhe përfshirjes së të gjithë aktorëve relevant.
Synohet krijimi I një platform të përbashkët për koordinim ndërmjet sektorit civil, institucioneve shtetërore dhe shkencore, vetëqeverisjes lokale, shërbimeve veterinare dhe shoqatave për mbrojtjen e kafshëve./Tv Koha/
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
