Lajme nga vendi
Në BE u regjistrua mbi 256 mijë raste të dhunës seksuale në vitin 2024, në Maqedoni 131
Dhuna seksuale dhe përdhunimi në BE kanë qenë në rritje të vazhdueshme gjatë dhjetë viteve të fundit, duke arritur në një total prej 256.302 krimesh të regjistruara të dhunës seksuale, nga të cilat 38 përqind ishin përdhunime në vitin 2024. Në Maqedoni, numri i rasteve të regjistruara të dhunës seksuale varioi nga 87 në vitin 2019 në një rekord prej 151 rastesh të regjistruara në vitin 2013, sipas të dhënave të publikuara nga Eurostat.
Në vitin 2024, numri i krimeve të regjistruara të dhunës seksuale në Maqedoni ishte 131, nga të cilat 24 përqind ishin përdhunime.
Në vitin 2024, policia regjistroi 256.302 krime të dhunës seksuale në BE, nga të cilat 98.190 ishin krime përdhunimi. Krahasuar me vitin 2023, krimet e dhunës seksuale u rritën me pesë përqind dhe përdhunimi me shtatë përqind.
Të dhënat tregojnë një trend në rritje në të dy llojet e krimit gjatë dekadës së fundit. Midis viteve 2014 dhe 2024, krimet e dhunës seksuale u rritën me 94 përqind, dhe krimet e përdhunimit me 150 përqind. Gjatë kësaj periudhe, krimet e dhunës seksuale janë rritur vazhdimisht me një mesatare prej gati 10 përqind në vit, dhe krimet e përdhunimit me shtatë përqind.
Numri në rritje i krimeve të dhunës seksuale të regjistruara nga policia mund të lidhet me rritjen e ndërgjegjësimit në shoqëri, gjë që ndikon në normat e raportimit.
Numri më i lartë i krimeve që lidhen me dhunën seksuale në vitin 2024 në Evropë, në shifra absolute, u regjistrua në Francë – 96.654, Gjermani – 54.361 dhe Suedi – 21.207.
Më pak krime të tilla u regjistruan në Lihtenshtajn – 28, Mal të Zi – 49 dhe Qipro – 58.
Në Maqedoni, 131 raste të dhunës seksuale u regjistruan në vitin 2024, nga të cilat 31 ishin krime përdhunimi. Krahasuar me vitin 2023, numri i rasteve të dhunës seksuale u rrit vetëm me një rast, nga 130, ndërsa numri i përdhunimeve u ul me dy nga 33 të regjistruara në vitin 2023.
Gjatë viteve, numri i rasteve të regjistruara të dhunës seksuale në Maqedoni ka variuar nga 89 në vitin 2022, 93 në vitin 2021, 113 në vitin 2020, 87 në vitin 2019, 102 në vitin 2017, 114 në vitin 2016, 120 në vitin 2015, 135 në vitin 2014, në rekordin prej 151 në vitin 2013.
Krahasuar me vendet e rajonit, Mali i Zi ka më pak raste të regjistruara – 49 dhe Shqipëria – 124, nga të cilat 43 janë përdhunime. Rastet më të regjistruara të dhunës seksuale janë në Greqi – 1.250, e ndjekur nga Kroacia – 942, Bullgaria – 606, Serbia – 489 dhe Bosnja dhe Hercegovina – 244.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13