Lajme nga vendi
QAMILI: KONGRESI – VLEN PO HYN NË NJË ETAPË TË RE POLITIKE!
Nesër më 9 Maj, në Shkup, VLEN mban Kongresin e bashkimit. Në një prononcim për Tv Koha, zëdhënësi, Albi Qamili, thotë se parapërgatitjet për kongresin kanë shkuar në mënyrë të duhur dhe nesër 850 delegatë do të vulosin etapën e re politike. Qamili ka ndarë edhe detaje tjera lidhur me Kongresin.
Më 9 Maj, në Ditën e Evropës, në Kongresin e Bashkimit, pesë subjekte politike do të marrin njërin nga vendimet më të rëndësishme brenda bllokut politik shqiptar në vend. Nga partnerë dhe aleatë politikë, VLEN bëhet një trup i vetëm.
Kështu thuhet në komunikatën e koalicionit VLEN, një ditë para mbajtjes së Kongresit të bashkimit.
Nga koalicioni VLEN për Tv Koha zbulojnë detajet dhe mbarëvajtjen e organizimit të Kongresit, ku 850 delegatë, sic thonë nga VLEN, do të vërshojnë drejt Kongresit të Bashkimit për ta vulosur premtimin që VLEN të bëhet NJË.
ALBI QAMILI – Zëdhënës i VLEN-it
“Nesër më 9 Maj në Shkup në ora 17.30, do të mbahet Kongresi i Bashkimit. Në këtë Kongres do të marrin pjesë mbi 850 delegatë, ku do të zgjidhen dy bashkëkryetarët, Kuvendi I subjektit të ri VLEN, do të zgjidhet edhe Presidenca e cila do të përbëhet nga liderët e deritashëm të partive që e kanë përbërë VLEN-in. Kuvendi do të ketë 101 anëtarë, Presidenca do të ketë 5 anëtarë dhe të gjitha vendimet do të merren në Presidencë dhe do të ketë një Kryesi e cila do të përbëhet nga funksionarët e eshalonit të parë, por ajo më shumë do të jetë organ konsultativ, vendimet më të rëndësishme do të merren në Presidencë dhe në Kuvendin Qendror të VLEN-it”
Në Kongres pritet të jenë të pranishëm edhe mysafirë nga vendi dhe jashtë. Qamili thotë se ftesat u janë dërguar gjithë faktorit politik në vend por edhe në rajon.
“Do të ketë një pjesë të madhe të korit diplomatik këtu në RMV që do të marrin pjesë në Kongres, do të ketë eksponentë të partive politike shqiptare dhe të bllokut politik maqedonas nga vendi, gjithashtu do të ketë edhe figura politike jashtë vendit sic janë nënkryetari dhe sekretari i PD-së Shqipërisë, Nënkryetari I partisë “Shqipëria bëhet”, do të ketë edhe nga Kosova si nga partia më e madhe LVV-ja edhe nga partitë tjera, gjithashtu do të ketë mysafirë edhe nga Lugina e Preshevës, sic është Kryetarja e Preshevës, Ardita Sinani dhe shumë mysafirë të tjerë që nesër do t`i sheh opinion”
Nga VLEN përmes komunikatës potencojnë se kur u krijua VLEN, jo të gjithë besuan se ky rrugëtim do të arrinte deri në këtë fazë, duke shtuar se ka patur njerëz që kanë punuar hapur që ky bashkim të mos ndodhte.
VLEN insiston se ky bashkim nuk është i imponuar. Sipas tyre, është rezultat i bindjes se shqiptarët nuk fitojnë kur politika fragmentohet, por kur energjia dhe përfaqësimi bashkohen dhe organizohen.
Pikërisht për këtë arsye, VLEN thotë se ky bashkim ka peshë historike./Tv Koha/
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
