Sport
RAFAEL DE FREITAS SILVA PËRFORCIM I PARË I KF SHKËNDIJA
Shkëndija pas kompletimit të stafit teknik me në krye Artim Polozhanin vazhdon përgatitjet e fazës kryesore në Slloveni, ndërkohë që drejtuesit e klubit kanë sjell përforcimin e parë, bëhet fjalë për mesfushorin Rafael de Freitas Silva, ish-futbollist i Tiranës, ndërkohë që nga Shkëndija janë larguar Latifi, Alhasan dhe Atdhe Mazari.
Rafael de Freitas Silva është një futbollist polivalent i repartit të mesfushës, me aftësi për të luajtur në pozitat defanzive, qendrore dhe ofanzive, duke i ofruar stafit teknik më shumë alternativa në organizimin e lojës.
Braziliani vjen nga skuadra e Tiranës, ku aktivizohej gjatë dy sezoneve të fundit, ndërsa më herët ka luajtur edhe në Portugali dhe në vendlindjen e tij, Brazil.
RAFAEL DE FREITAS SILVA- Futbollist
‘’Përshtypjet e para ishin shumë, shumë të mira. E njoh historinë e klubit, e di se sa i madh është si klub dhe jam shumë i lumtur që firmosa për këtë klub. Unë po luaja në Shqipëri dhe atje e dinim se çka po ndodh me Shkëndijën, ecurinë fantastike në Evropë. Ajo që ishte… motivimi i lartë që unë të vija këtu është se e di sa e madhe është Shkëndija. Dhe jam i emocionuar të filloj stërvitjen, të filloj të luaj dhe shpresoj të kem sukses këtu, të jem i lumtur këtu. Dhe ky klub luajti në fazën “play-off” të Konferencë Liga , një kompeticion vërtet i mirë, gjithkush e di. Dhe ne duam të shkojmë sa më gjatë të jetë e mundur në këtë kompeticion edhe këtë vit.”
Ndërkohë, deri tani, nga skuadra kuqezi janë larguar Liridon Latifi, Atdhe Mazari dhe Ibrahim Alhassan.
Ndërkohë Shkëndija ka njoftuar se gjatë përgatitjeve në Slloveni ka caktuar katër ndeshje kontrolluese. Kundërshtarë të tetovvarëve do të jenë skuadrat Koperi i Sllovenisë, Hajduku i Kroacisë, Celje – Slloveni dhe Zorja Luhansk – Ukrainë.
FC Europa nga Gjibraltari është kundërshtari i Shkëndijës në raundin e parë të UEFA Konferencë Liga. Sileksi përballet me Dinamo Minsk Ndeshjet e para zhvillohen më 9 korrik. Në garat kualifikuese për Ligën e Kampionëve, Vardari përballet me finlandezët e Kups.
Shorti i hedhur dje në Nyon të Zvicrës përcaktoi që Shkëndija në raundin e parë kualifikues të përballet me skuadrën Europa FC nga Gjibraltari.
Ndeshja e parë do të zhvillohet më 9 korrik në Gjibraltar, ndërsa revanshi është paraparë të luhet më 16 korrik në Shkup.
Europa FC është një klub me traditë mbi 100-vjeçare dhe një emër i njohur në futbollin e Gjibraltarit. Kjo do të jetë pjesëmarrja e tyre e 11-të në garat evropiane, ndërsa në të kaluarën janë përballur edhe me skuadra shqiptare si Prishtina dhe Dukagjini. Arritja e tyre më e madhe në Evropë mbetet kualifikimi në raundin e dytë eliminator të garave kontinentale.
Ndërkohë në mëngjes UEFA ka shkurtuar listën e ekipeve për rivalët e mundshëm të Shkëndisë në xhiron e dytë, nëse e eliminon skuadrën nga Gjibraltari. Në listë, ku Shkëndija është bartëse, janë DAC e Sllovakisë, fituesi i ndeshjes Deçiqi i Malit të Zi dhe Liepaja Letoni, Paksi i Hungarisë, Bravo e Sllovenisë dhe fituesi i ndeshjes CSKA Sofje dhe Deri Siti Irlandë.
Sileksi në xhiron e parë të Konferencë Liga do të përballet me skuadrën bjelloruse Dinamo Minsk, kurse Vardari në raundin e parë kualifikues të Ligës së Kampionëve do të përballet me skuadrën finlandeze të Kups.
Ndeshjen e parë Vardari do ta zhvillojë në Shkup më datë 7-8 korrik, ndërsa ajo kthyese është paraparë të zhvillohet në Finlandë me datë 14-15 korrik.
Ndeshjet e para të grupit I dhe J sollën futboll cilësor dhe spektakël në radhë të parë yjet e futbollit botëror si Messi , Mbappe dhe Haland. Franca mundi Senegalin, Argjentina 3-0 mundi Algjerinë, Norvegjia mposhti Irakun kurse Austria Jordanin.
Kampioni aktual I botës Argjentina nisi me fitore Botërorin 2026 duke mposht 3-0 Algjerinë, ku Lionel Messi ishte protagonisti absolut, duke realizuar një het trik spektakolar dhe duke shkruar një tjetër faqe historie me fanellën e “Albiceleste”.
Falë tre golave të kësaj ndeshjeje, ylli argjentinas arriti rekordin historik të Miroslav Klose si golashënuesi më i mirë në historinë e Kupës së Botës. Tashmë, të dy kanë nga 16 gola në kompeticionin më të rëndësishëm të futbollit.
Megjithatë, paraqitja e tij nuk ishte pa debat. Pak çaste pasi kishte shënuar për 1-0 në minutën e 17-të, 38-vjeçari u bë pjesë e një episodi të diskutueshëm me mbrojtësin e Algjerisë, Aissa Mandi. Ka patur polemika nwse Messi duhej tw ndwshkohej me karton tw kuq.
Në ndeshjen tjetër të këtij grupi Austria regjistroi një fitore 3-1 ndaj Jordanisë.
Në Grupin I, Norvegjia, triumfoi me “poker” golash përballë Irak. “Bomberi” Haland realizoi dy gola.
Franca mundi 3-1 Senegalin. Pjesa e parë përfundoi pa gola, me rastet që nuk munguan. Në pjesën e dytë Mbappe dëshmoi cilësitw e tij duke realizuar dy gola.
Botërori vazhdon nesër me ndeshjet e para të Grupit K dhe L : Gana – Panama dhe Uzbekistani – Kolumbia dhe me ndeshjet e raundit të dytë në grupet A dhe B ku takohen Çekia – Afrika e Jugut dhe Zvicra – Bosnja e Hercegovina. /TV Koha/
Kërkesë zyrtare për informacion mbi shpërndarjen e fondeve të UEFA Hat Trick dhe FIFA Forward, zhvillimin e talenteve, projektet sociale dhe investimet infrastrukturore (2024–2026)
Drejtuar: Presidentit të Federatës së Futbollit të Maqedonisë së Veriut, z. Masar Omeragiq
Bordit Drejtues të Federatës së Futbollit të Maqedonisë së Veriut (FFM)
I nderuar President,
Të nderuar anëtarë të Bordit Drejtues,
Po ju drejtohem si ish-kryetar i klubeve të futbollit KF Rrufeja dhe KF Shkëndija, si dhe si person i angazhuar prej shumë vitesh në zhvillimin e futbollit, me kërkesë për transparencë të plotë lidhur me fondet e marra dhe të shpërndara nga FFM gjatë periudhës nga viti 2024 deri më sot.
Kjo kërkesë nuk ka karakter politik dhe nuk drejtohet kundër kryesisë aktuale apo ndonjë kryesie të mëparshme të FFM-së. Qëllimi i saj është transparenca institucionale, llogaridhënia dhe sigurimi që fondet e dedikuara për zhvillimin e futbollit të përdoren në përputhje me qëllimet për të cilat janë ndarë.
Me këtë kërkoj që të më vihen në dispozicion ose të publikohen këto informacione:
Shuma totale e fondeve të marra nga UEFA HatTrick dhe FIFA Forward nga 1 janari 2024 deri më sot.
Ndarja e detajuar e fondeve sipas kategorive:
zhvillimi i talenteve të rinj;
grassroots dhe futbolli amator;
projektet sociale;
infrastruktura sportive;
edukimi i trajnerëve dhe arbitrave;
kategori të tjera.
Lista e plotë e përfituesve dhe shumat e ndara për secilin përfitues.
Lista e klubeve amatore, akademive të futbollit, shkollave sportive dhe organizatave të tjera që kanë përfituar mbështetje financiare.
Lista e klubeve profesionale që kanë përfituar fonde zhvillimore dhe baza mbi të cilën është marrë vendimi për këto ndarje.
Vendimet e Bordit Drejtues, Komisionit Financiar dhe organeve të tjera kompetente të FFM-së lidhur me shpërndarjen e këtyre fondeve.
Raportet e auditimit të brendshëm dhe të jashtëm për fondet e UEFA-s dhe FIFA-s.
Kriteret e përdorura për përzgjedhjen e përfituesve dhe shpërndarjen e mjeteve.
Gjithashtu kërkoj sqarim publik mbi investimet infrastrukturore të realizuara në komunat dhe rajonet më pak të zhvilluara të Republikës së Maqedonisë së Veriut, veçanërisht në lidhje me:
fushat sportive;
qendrat stërvitore;
programet për të rinjtë;
projektet sociale dhe komunitare;
investimet në zonat rurale dhe rajonet me mungesë infrastrukture sportive.
Duke pasur parasysh se fondet e UEFA-s dhe FIFA-s janë të dedikuara për zhvillimin afatgjatë të futbollit, konsideroj se ekziston interes i ligjshëm publik për të ditur se si janë shpërndarë këto mjete dhe cilat klube, akademi, komunitete dhe të rinj kanë përfituar prej tyre.
Ju lutem që përgjigjja të më dorëzohet brenda afatit të arsyeshëm sipas procedurave dhe parimeve të transparencës dhe llogaridhënies.
Me respekt,
Samet Rasimi
Ish-kryetar i KF Rrufeja (2009–2014)
Ish-kryetar i KF Shkëndija
Republika e Maqedonisë së Veriut
Digjitalizohen procedurat për lejet e armëve
Lëvizja Vetëvendosje ka arritur në 53 ulëse të siguruara në Kuvendin e Kosovës
Tensione në kufi! Paralajmërohen bllokada në pikat kufitare mes Maqedonisë së Veriut dhe Bullgarisë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
