Pardje në ora 13:20 në rrugën “Ilinden” në Tetovë, zyrtarë policorë nga SPB Tetovë kanë privuar nga liria një 16-vjeçar nga Tetova, për shkak të dyshimit për kryerjen e veprave penale “vjedhje” dhe “vjedhje e rëndë” gjatë muajit të kaluar në kishën e fshatit Bërvenicë dhe në dy xhami në Tetovë. Pas dokumentimit të plotë të rastit, do të dorëzohet parashtresë përkatëse.

……Pardje në ora 09:45 në Tetovë, në rrugën “Ilinden”, zyrtarë policorë nga SPB Tetovë gjatë kryerjes së kontrollit në komunikacion kanë ndaluar automjetin e udhëtarëve “Audi” me targa të Tetovës, i drejtuar nga një 26-vjeçar nga fshati Bërvenicë. Pas kryerjes së alkotestit, te personi është konstatuar prani prej 1.68 promilë alkool në gjak. J.S. është privuar nga liria për shkak të veprës penale të kryer sipas nenit 297-a të Kodit Penal, ndërsa automjeti i është sekuestruar dhe pas dokumentimit të rastit do të vijojë parashtresë përkatëse.

……Pardje në ora 13:50, në udhëkryqin e rrugëve “Kiro Ristovski Drnc” dhe “Shtipit” në Tetovë, zyrtarë policorë kanë ndaluar një moped me targa të Tetovës, i drejtuar nga një 22-vjeçar nga fshati Reçicë e Vogël. Gjatë kontrollit është vërtetuar se personi e ka drejtuar mopedin pa leje drejtimi. Personi është privuar nga liria sipas nenit 297-a të Kodit Penal, ndërsa mopedi është sekuestruar. Pas dokumentimit të rastit do të vijojë parashtresë përkatëse.

……Pardje në ora 14:50 në fshatin Bogovinë, pas një aksidenti paraprak komunikacioni, zyrtarë policorë nga Stacioni Policor për Sigurinë në Qarkullimin Rrugor Tetovë kanë kryer kontroll ndaj një katërçikletës me targa të Tetovës, i drejtuar nga një 30-vjeçar nga fshati Bogovinë, me ç’rast është konstatuar se personi e ka drejtuar automjetin pa leje drejtimi, pas së cilës është privuar nga liria sipas nenit 297-a të Kodit Penal, ndërsa katërçikleta është sekuestruar dhe pas dokumentimit të rastit do të vijojë parashtresë përkatëse.

……Pardje në ora 21:24 në SPB Tetovë, nga Spitali Klinik i Tetovës është denoncuar se për t’u ofruar ndihmë mjekësore janë sjellë dy persona, të lënduar në një aksident komunikacioni. Zyrtarë policorë nga Stacioni Policor për Sigurinë në Qarkullimin Rrugor Tetovë kanë kryer verifikime dhe kanë konstatuar se në rrugën pranë fshatit Lisec, një katërçikletë e drejtuar nga një 20-vjeçar në të cilin pasagjer ishte një 19-vjeçar, të dy nga fshati Pirok, ka dalë nga rruga. Me këtë rast, lëndime të rënda trupore ka pësuar shoferi., ndërsa pasagjeri ka pësuar lëndime trupore. Këqyrjen e vendit të ngjarjes e ka kryer ekipi nga SPB Tetovë.

Advertisement

…….Dje në ora 02:40, në rrugën “101” në Gostivar, në afërsi të një pike karburanti, zyrtarë policorë kanë privuar nga liria një 18-vjeçar nga Gostivari, tek i cili gjatë kontrollit është gjetur dhe sekuestruar marihuanë. Ai është ndaluar në stacionin policor për procedurë të mëtejshme dhe ndaj tij do të vijojë parashtresë përkatëse.

……Dje në ora 00:20 në Gostivar, zyrtarë policorë kanë privuar nga liria një 33-vjeçar nga Gostivari, duke vepruar sipas denoncimit të babait të tij 56-vjeçar se e ka sulmuar fizikisht në shtëpinë e tyre familjare në Gostivar. Ai është ndaluar në stacionin policor dhe ndaj tij do të vijojë parashtresë përkatëse.