Lajme nga vendi
Kronika e zezë – Tetovë dhe Gostivar, 12 Korrik
Dje në ora 10:45, zyrtarë policorë nga Njësia e Policisë në Mavrovë kanë privuar nga liria një 56-vjeçar nga Gostivari, i cili ka prishur rendin dhe qetësinë publike me sjellje agresive në fshatin Galiçnik, gjatë mbajtjes së manifestimit „Dasma e Galiçnikut“. Po dje, në ora 20:40, në rrugën „Vëllezërit Gjinovski“ në Gostivar, zyrtarë policorë nga Stacioni Policor i Gostivarit kanë privuar sërish nga liria personin pasi ka prishur rendin dhe qetësinë publike. Pas kryerjes së alkotestit, tek ai janë konstatuar 1,75 promil alkool në gjak. Pas dokumentimit të rasteve, do të vijojnë parashtresat përkatëse.
Dje në ora 17:35 në SPB Tetovë, një 63-vjeçar nga Tetova ka denoncuar se në rrugën rajonale Tetovë-Jazhincë, në afërsi të fshatit Poroj, nga një projektil qorr (plumb i pa destinuar) është dëmtuar automjeti i tij i udhëtarëve i parkuar „Fiat Punto“ me targa të Tetovës. Nuk ka persona të lënduar. Po merren masa për zbardhjen e rastit.
Dje në ora 19:35, në rrugën magjistrale Gostivar–Tetovë, zyrtarë policorë nga Njësiti Mobil për Siguri në Trafikun Rrugor kanë ndaluar një automjet udhëtarësh „Mercedes“ me targa të Tetovës, i drejtuar nga një 27-vjeçar nga fshati Tearcë. Gjatë kontrollit është konstatuar se personi e drejtonte automjetin pa patentë shoferi. Ai është privuar nga liria në bazë të nenit 297-a të Kodit Penal, ndërsa automjeti i është sekuestruar dhe pas dokumentimit të rastit ndaj tij do të vijojë parashtresa përkatëse.
Sot në ora 00:30, në Stacionin Policor të Tetovës, një burrë 45-vjeçar nga Tetova, së bashku me vajzën e tij 17-vjeçare, kanë denoncuar se më 07.07.2026 dhe dje, në një objekt hotelier ku ajo punonte, ka qenë e shqetësuar seksualisht nga një person mashkull i moshës rreth 35 vjeç, pas së cilës ajo ka njoftuar pronarin e objektit dhe babanë e saj, me çka personi është larguar në drejtim të panjohur. Po merren masa për zbardhjen e rastit.
Sot në ora 02:45, zyrtarë policorë nga Njësia e Policisë në Kamjan, në fshatin Bogovinë, kanë privuar nga liria një 24-vjeçar me banim në fshatin Trebosh. Gjatë kontrollit të një automjeti udhëtarësh „Golf“ me targa të Shkupit, tek ai janë gjetur dhe sekuestruar marihuanë dhe një lëng me ngjyrë të kaftë. Pas dokumentimit të rastit, do të dorëzohet parashtresë përkatëse.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13