Lajme nga vendi
MUZIKA KLASIKE NË ZEMËR TË SHKUPIT, MEXHITI: INVESTIM NË IDENTITET DHE TRASHËGIMI
Në prag të edicionit të parë të Festivalit Ndërkombëtar të Muzikës “Çarshia”, kryetari i Komunës së Çairit, Izet Mexhiti ka folur për rëndësinë e investimit në kulturë duke e cilësuar këtë si një investim në identitet, trashëgimi dhe zhvillimin e jetës artistike të Shkupit.
Krah ministrit të ri të kulturës, Sedat Sulejmani, kreu i Çairit, Izet Mexhiti tha se shoqëritë nuk mbahen të bashkuara vetëm nga institucionet, por edhe nga kultura dhe vlerat që kultivojnë, duke nënvizuar se festivali “Çarshia” është një nismë që synon të krijojë një traditë të re artistike.
“Nga 23 deri më 26 korrik, Suli Ani dhe Kurshumli Ani do të shndërrohen në skena ku muzika klasike do të takohet me historinë e Çarshisë së Vjetër. Nën drejtimin artistik të Inva Mulës dhe Dëshira Ahmetit, festivali do të mbledhë artistë të shquar vendorë dhe ndërkombëtarë, duke sjellë një program që pasuron jetën kulturore të qytetit dhe i jep atij dimensionin që meriton”.
Ai theksoi se Shkupi ka një histori të pasur kulturore, të ndërtuar mbi bashkëjetesën e qytetërimeve dhe traditave, ndërsa kjo trashëgimi vazhdon të jetojë vetëm përmes krijimit të hapësirave të reja për artin dhe artistët. Ai shtoi se synimi i Komunës së Çairit është që festivali të mos mbetet vetëm një aktivitet katërditor, por të zhvillohet në një institucion kulturor që do të rritet me çdo edicion dhe do ta bëjë Shkupin një qendër të rëndësishme të muzikës klasike në rajon.
“Pikërisht për këtë arsye, festivale si “Çarshia” kanë një mision që shkon përtej skenës artistike. Ato krijojnë hapësira ku trashëgimia takohet me krijimtarinë bashkëkohore, ndërsa identiteti ynë kulturor e kombëtar jo vetëm ruhet, por pasurohet dhe përcillet te brezat që vijnë.Ky është vizioni ynë për Çairin dhe për Shkupin: të ndërtojmë jo vetëm infrastrukturë moderne, por edhe institucione kulturore që do të mbeten pika referimi në jetën kulturore të qytetit dhe të rajonit”.
Nga Komuna e Çairit ftojnë qytetarët të marrin pjesë në edicionin e parë të Festivalit Ndërkombëtar të Muzikës, “Çarshia” dhe të bëhen pjesë e fillimit të një tradite të re kulturore në Shkup.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13