Lajme nga vendi
Qeveria: Punëdhënësit do të marrin deri në 250.000 denarë për çdo person të ri të punësuar
Hapja e vendeve të reja të punës, ulja e papunësisë, përmirësimi i standardit të jetesës dhe krijimi i një klime më të favorshme për bizneset janë ndër prioritetet kryesore shtetërore, thekson VMRO‑DPMNE në një komunikatë.
Në këtë drejtim, Qeveria e udhëhequr nga VMRO‑DPMNE prej dy vitesh punon me përkushtim dhe politikat që po zbaton po japin rezultate. Me qëllim mbështetjen dhe ndihmën për kompanitë maqedonase që të zgjerojnë veprimtarinë dhe të hapin vende të reja pune, aktualisht është i hapur thirrja publike për “Mbështetje për krijimin e vendeve të reja të punës” nga Plani Operativ për Punësim 2026, thuhet në njoftim.
Masa “Punësim dhe rritje të subjekteve juridike” është masa e parë e këtij thirrje, përmes së cilës do të mbështeten financiarisht kompanitë për punësimin e gjithsej 1.385 personave, me 160.000 deri në 250.000 denarë për vend pune, me një buxhet total prej 332.650.000 denarësh, apo rreth 5,4 milionë euro.
Ndërsa thirrja e parë për Vetëpunësim nga Plani Operativ ishte e orientuar drejt personave që dëshironin të hapnin biznesin e tyre, kjo thirrje publike synon mikro, ndërmarrjet e vogla dhe të mesme që duan të zgjerojnë aktivitetin përmes hapjes së vendeve të reja të punës, dhe mund të përfitojnë mjete financiare të pakthyeshme për punësimin e maksimum 5 personave.
Shuma e mbështetjes ndryshon sipas kategorisë së të punësuarve:
250.000 denarë për punësimin e të rinjve deri në 29 vjeç;
220.000 denarë për përfitues të ndihmës minimale të garantuar, persona romë, persona me aftësi të kufizuara, gra, persona të papunë afatgjatë dhe gra rome me arsim të mesëm ose të lartë;
160.000 denarë për personat e papunë mbi 29 vjeç.
Me këtë masë targetohen edhe kthimetarët maqedonas, ku për çdo person të punësuar që kthehet nga jashtë, punëdhënësi përfiton 10% shtesë mbi shumën e miratuar, në varësi të kategorisë së të papunit.
Qeveria e udhëhequr nga VMRO‑DPMNE, përmes këtyre masave, krijon mundësi të barabarta për zhvillim profesional dhe karrierë për të gjithë qytetarët e Maqedonisë, pavarësisht moshës apo kategorisë, dhe siguron një klimë të favorshme biznesi për rritjen dhe zhvillimin e ekonomisë maqedonase, thuhet në komunikatë. përcjell Zhurnal.mk .
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13