Lajme nga vendi
MPB e Maqedonisë së Veriut: Tre kosovarët e zhdukur u gjetën të vdekur
Tre personat me prejardhje nga Kosova, të cilët ishin raportuar të zhdukur pasi ishin nisur nga Aeroporti i Shkupit drejt Kosovës, janë gjetur pa shenja jete në një automjet të përmbysur në rrugën nga pikëkalimi kufitar Bllacë drejt Shkupit.
Sipas njoftimit të Ministrisë së Punëve të Brendshme të Maqedonisë së Veriut, më 19 korrik 2026, rreth orës 22:35, policia është njoftuar për një automjet të markës “Mercedes” me targa gjermane, i cili ishte përmbysur në këtë aks rrugor.
Menjëherë në vendin e ngjarjes kanë dalë zyrtarë policorë, të cilët kanë konstatuar se në automjet ndodheshin tre persona pa shenja jete – një mashkull dhe dy femra. Vdekjen e tyre e ka konfirmuar edhe një ekip i Ndihmës së Shpejtë Mjekësore.
MPB bën të ditur se më herët gjatë së njëjtës ditë, në ora 13:40, në Stacionin Policor Bit Pazar ishte paraqitur një shtetas i Kosovës, i cili kishte raportuar zhdukjen e tre personave.
Sipas raportimit, kontakti i fundit me ta kishte qenë më 18 korrik, rreth orës 22:15, kur ndodheshin në Aeroportin e Shkupit.
Ky zhvillim konfirmon tragjikisht rastin e tre personave të zhdukur, për të cilin familjarët kishin kërkuar ndihmë publike për lokalizimin e tyre.
Autoritetet nuk kanë bërë ende publik identitetin e viktimave, ndërsa pritet të zbardhen rrethanat e aksidentit dhe të përfundojnë procedurat hetimore.
Moti sot në Maqedoninë e Veriut do të jetë me diell me vranësira të lehta deri në mesatare. Në orët e pasdites do të ketë shira lokalë dhe erëra të forta. Në disa vende do të ketë kushte për jostabilitet në formën e një stuhie me shira të rrëmbyeshëm, bubullima dhe breshër. Do të fryjë erë e dobët deri në mesatare nga veriu.
Temperatura minimale do të jetë në intervalin 8 deri në 16, ndërsa maksimale do të arrijë 21 deri në 29 gradë.
Në Shkup, moti do të jetë me diell me vranësira të lehta deri në mesatare. Në pjesë të luginës do të ketë kushte për jostabilitet të shoqëruar me shira të rrëmbyeshëm dhe bubullima. Do të fryjë erë e dobët deri në mesatare nga veriu. Temperatura minimale do të bjerë në 14, ndërsa maksimale do të arrijë 24 gradë.
Çmimet e karburanteve në Maqedoni shënojnë pësojnë ndryshime. Eurosuper BS-95 do të shitet për 100,50 denarë për litër, ndërsa BS-98 për 102,50 denarë, të dyja me rritje prej 3,50 denarësh.
Dizeli lirohet për 2 denarë dhe çmimi i ri do të jetë 99 denarë për litër. Ulja vjen si rezultat i vendimit për uljen e përkohshme të TVSH-së për dizelin nga 18 në 10 për qind dhe vazhdimin e akcizës së reduktuar.
Vaji ekstra i lehtë për amvisëri rritet në 109,50 denarë për litër.
Kur ditët kanë filluar të numërohen mbrapsht dhe kur të gjithë presin vendimin e gjykatës Ndërkombëtare të Hagës për ish krerët e UÇK-së, ministri i Drejtësisë, Jeton Shasivari ka deklaruar se duhet të respektohet standardi evropian i prezumimit të pafajsisë.
Ai thotë se ky ka qenë edhe mesazhi i tij i publikuar ditë më parë në rrjetet sociale, të cilin, sipas tij, u përpoqën ta shtrembërojnë me dashje për përfitime politike.
“Nuk ka aboslutisht diçka që thuhet se kam prejudikuar ose kam marrë anë. Mesazhi im ka qenë thjeshtë për shtetin e Kosovës për popullin e Kosovës për sakrificën dhe atë qëndrim e kam, prandaj më vjen keq që për manipulime politike shtrembërohen disa pjesë nga qëndrimi im”
Shasivari ka folur edhe për sistemin e drejtësisë në RMV.
“Jo absolutisht, unë e përmenda pikërisht të kundërtën e kësaj. Sundimi i të drejtës është një nga parimet themelore kushtetuese dhe qytetarët duhet të jenë të bindur në respektimin e këtij parimi”.
Ndryshe, ditë më parë ministri i Drejtësisë Jeton Shasivari përmes një postimi në rrjetet sociale ka publikuar një mesazh në prag të vendimit të Gjykatës Ndërkombëtare të Hagës, e cila u votua vite më parë në Kuvendin e Kosovës.
Moti sot me diell dhe me vranësira të lehta
Ulet çmimi i dizelit, shtrenjtohet çmimi i benzinës
MINISTRI SHASIVARI: DEKLARATA IME U SHTREMBËRUA PËR PËRFITIME POLITIKE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi2 months agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori