Lajme nga vendi
Qeveria siguron 50 mijë litra ujë të pijshëm falas në ditë për qytetarët e Gostivarit
Lidhur me situatën me furnizimin me ujë në Gostivar, Qeveria që nga fillimi ka qenë në koordinim të vazhdueshëm me të gjitha institucionet kompetente dhe po e ndjek nga afër zhvillimin e ngjarjeve. Përveç përgjigjes institucionale, veprimeve të autoriteteve kompetente dhe zbatimit të të gjitha kontrolleve dhe analizave të nevojshme, Qeveria ka vendosur që nga sot dhe në ditët në vijim t’u sigurojë 50.000 litra ujë të pijshëm falas në ditë qytetarëve të Gostivarit, me qëllim që të sigurohen nevojat themelore të popullsisë, ndërsa masat dhe rekomandimet e institucioneve kompetente janë në fuqi, informuan nga Qeveria për MIA-n.
Shpërndarja e ujit do të realizohet përmes Shërbimit për Punë të Përgjithshme dhe të Përbashkëta të Qeverisë nëpërmjet pikave të mëposhtme:
– Menaxhimi i Ujërave – Gostivar, rr. JNA nr. 139
– Çerdhja e Fëmijëve “Prolet”, rr. Beliçica nr. 47
– SHMEK – Gostivar (Shkolla e Mesme Ekonomike), rr. Zhivko Brajkovski nr. 39
– NP Pyjet Kombëtare – Filiali “Shar” Gostivar, rr. Braqa Xhinoski nr. 165
– SHA EMV – Filiali te garazhet (furra buke), rr. Ilindenska
– Spitali i Përgjithshëm “Ferid Murad” – parking, rr. Çede Filipovski nr. 29
– Njësiti Territorial i Zjarrfikësve – Gostivar, rr. Beliçica nr. 35
Në të njëjtën kohë, siç theksojnë nga Qeveria, të gjitha institucionet kompetente po vazhdojnë me kontrolle, analiza dhe veprime hetimore intensive për të përcaktuar shkaqet e gjendjes.
“Presim ndriçim të plotë të rastit dhe kushdo që gjendet përgjegjës do të mbajë përgjegjësi në përputhje me ligjin. U bëjmë thirrje qytetarëve që t’i respektojnë rekomandimet e institucioneve kompetente dhe të ndjekin informacionin ekskluzivisht përmes kanaleve zyrtare, me qëllim që të marrin informacion në kohë dhe të saktë”, thonë nga Qeveria për MIA-n.
Prioritet i Qeverisë, theksojnë nga atje, mbetet mbrojtja e shëndetit të qytetarëve, një reagim i shpejtë institucional dhe kapërcimi i plotë i gjendjes, ndërsa Qeveria do të vazhdojë të ndërmarrë gjithçka që është e nevojshme për të ofruar mbështetje për qytetarët deri në normalizimin e gjendjes.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13