Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.

Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.

Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.

NP “Parqe dhe gjelbërime” – Shkup u bën thirrje qytetarëve të kenë kujdes për shkak të paralajmërimeve për mot të paqëndrueshëm me reshje të dendura shiu, bubullima dhe erëra të fuqishme. Qytetarëve u rekomandohet të mos parkojnë automjetet nën pemë dhe të shmangin qëndrimin pranë vegjetacionit të lartë për të ulur rrezikun nga rënia e degëve apo pemëve.

“Për shkak të paralajmërimit nga Enti Hidrometeorologjik për mot të paqëndrueshëm, të shoqëruar me reshje të dendura shiu, bubullima dhe erë të fuqishme, apelojmë që qytetarët të mos i parkojnë automjetet e tyre nën pemë dhe të shmangin qëndrimin pranë vegjetacionit të lartë, me qëllim të zvogëlimit të rrezikut nga pasojat e mundshme. Nëse vëreni një pemë të rrëzuar, degë të thyera ose ndonjë rrezik tjetër të shkaktuar nga kushtet e pafavorshme atmosferike, ju lutemi ta raportoni menjëherë në numrin emergjent 112 ose në numrat kujdestarë të publikuar në faqen zyrtare të NP “Parqe dhe Gjelbërime”. Apelojmë te të gjithë qytetarët që t’i respektojnë rekomandimet dhe të tregojnë kujdes”, thonë nga NP “Parqe dhe gjelbërime”

Rajoni i Ohrit është shpëtuar edhe një herë nga përfshirja në Listën e Trashëgimisë Botërore. UNESCO i ka dhënë Maqedonisë së Veriut dhe Shqipërisë një tjetër mundësi për të ndërmarrë masat e nevojshme për mbrojtjen e vlerave natyrore dhe kulturore të rajonit. Sot në mëngjes, gjatë mbledhjes së Komitetit të Trashëgimisë Botërore në Korenë e Jugut, u vendos që Rajoni i Ohrit të mos përfshihet, për momentin, në Listën e Trashëgimisë Botërore në Rrezik. Vendimi u mbështet nga 16 nga 21 vendet anëtare të Komitetit të Trashëgimisë Botërore. Megjithatë, mbeten të njëjtat rekomandime dhe vërejtje, të cilat autoritetet do të duhet t’i përmbushin në 5 vitet e ardhshme, së bashku me Shqipërinë. Ndër ato për të cilat UNESCO ka këmbëngulur prej vitesh janë dhënia fund e urbanizimit masiv dhe të pakontrolluar dhe zgjidhja e çështjes së ndërtimeve të paligjshme./Alsat.mk.