Më 29.07.2026 në orën 01:30, zyrtarët policorë nga DPB Gostivar kanë privuar nga liria personat G.J.(44) nga fshati Toplicë dhe A.A.(46) nga fshati Çegran, për shkak të dyshimit të bazuar se kanë kryer veprën penale “muandim i kafshëve”. Ditën e mëparshme, rreth orës 23:45, në hyrje të fshatit Toplicë, zyrtarët policorë nga Stacioni Policor Galatë kanë ndeshur një grup qytetarësh dhe qen me lëndime të dukshme dhe gjakderdhje nga organizimi ilegal i garave luftarake me qen. Sipas denoncimit, personat paraprakisht ishin merrë vesh për të organizuar ndeshjet e qenve. Është kryer këqyrje në vendin e ngjarjes, me ç’rast një qen i lënduar është gjetur në automjetin e udhëtarëve “Fiat”. Personat janë ndaluar në stacionin policor dhe pas dokumentimit të plotë të rastit do të dorëzohet kallëzimi përkatës.

Më 29.07.2026 në orën 01:10 në SPB Tetovë, një grua 32-vjeçare nga Tetova ka denoncuar se rreth orës 18:30 përpara ndërtesës ku banon në Bllokun 70 është sulmuar fizikisht nga i dashuri i saj B.I. nga Tetova. Këtë mëngjes, ai vetë është paraqitur në stacionin policor dhe pas dokumentimit të plotë të rastit ndaj tij do të dorëzohet kallëzimi përkatës.

Skema e Ali Ahmetit është zbuluar. Atij nuk i bëhet vonë as për të drejtat e shqiptarëve, as për Marrëveshjen e Ohrit, e aq më pak për përfaqësimin e drejtë, të cilin, meqë ra fjala, pati plot 25 vjet kohë ta shndërronte në garanci ligjore.

Karrigexhinjtë e përjetshëm nga Reçica e vogël kanë vetëm një qëllim: të bllokojnë gjithçka që është në dobi të shqiptarëve dhe, me këtë politikë, t’i shkojnë për shtat të djathtës maqedonase, duke e zhvlerësuar politikën shqiptare.

Partia që për plot 25 vjet nuk lëvizi as gishtin për ta mbrojtur përfaqësimin e drejtë me ligj, sot po e bllokon pikërisht ligjin që e shndërron atë nga një mjet partiak në një detyrim ligjor. Kjo nuk është kujdes për shqiptarët. Kjo është frikë se ka përfunduar koha kur vendet e punës ndaheshin me fletore partiake dhe shiteshin për 5.000 euro.

Nuk mund ta pranojnë që diçka e mirë për shqiptarët të kalojë pa vulën e BDI-së. Nëse nuk është projekti i tyre, le të dështojë. Deri këtu u shkon mendja.

Udhëheqësia e korruptuar dhe e izoluar e BDI-së, me gjysmën e funksionarëve në listat e zeza, përpiqet të krijojë një perceptim të rremë se të drejtat e shqiptarëve janë të rrezikuara vetëm pse ata nuk janë pjesë e Qeverisë. Për ta, duket se nuk ka të drejta të shqiptarëve pa karrigexhinjtë e përjetshëm Bujarin, Artanin, Blerim Bexhetin dhe shoqërinë.

Advertisement

Por populli ua ka kuptuar prej kohësh këtë lojë. Prandaj do të mbeten edhe për një kohë të gjatë në opozitë.

Bashkimi Jodemokratik për Dezintegrim mund të vazhdojë të pengojë, të bllokojë dhe të bëjë sikur nuk kupton. Por një gjë do të mbetet e shkruar: pas 25 vitesh mashtrimi, pikërisht BDI-ja po e rrënon Marrëveshjen Kornizë të Ohrit.