Afati i gushtit për provimet eksterne të maturës për kandidatët të cilët në qershor nuk e kaluan maturën ose nuk e përfunduan atë në tërësi, do të zhvillohet nesër dhe më 14 gusht, duke filluar nga ora 09:00.

Sipas të dhënave të Qendrës Shtetërore të Provimeve (QShP), në afatin e gushtit për maturën shtetërore janë regjistruar 1.328 nxënës, për maturën profesionale 126 dhe gjashtë nxënës për maturën artistike.

Nesër, më 12 gusht, do të zhvillohet testi i provimit ekstern zgjedhor – matematikë ose gjuhë angleze.

Më 14 gusht do të zhvillohet provimi ekstern i detyrueshëm – gjuha amtare dhe letërsia.

Për shkak të numrit dukshëm më të vogël të kandidatëve në gusht, krahasuar me qershorin, kjo seancë e provimeve do të organizohet në katër qytete, në gjithsej tetë lokacione.

Advertisement

Provimet sërish do të zhvillohen në fakultete – në Fakultetin Ekonomik, Fakultetin e Ndërtimtarisë dhe Fakultetin Pedagogjik në Shkup, si dhe në Tetovë, Prilep dhe Shtip.

Në mesin e kandidatëve që këtë javë do t’i nënshtrohen maturës janë edhe 226 maturantë, të cilëve u është anuluar provimi në qershor – disa për shkak se janë kapur duke kopjuar gjatë provimit, ndërsa për disa të tjerë është konstatuar se kanë kopjuar pas kontrollimit të testeve.

Nota mesatare e maturës së zhvilluar në qershor ishte 3,66, duke përfshirë të tri llojet e maturës – maturën shtetërore, maturën shtetërore profesionale dhe maturën shtetërore artistike, të cilat për herë të parë u aplikuan këtë vit.

Pavarësisht temperaturave të larta dhe rekomandimeve të institucioneve për shmangje të daljes gjatë nxehtit ekstrem që e ka kapluar Maqedoninë e Veriut, rrugët çdo ditë janë të mbushura përplot. Edhe qytetarët që i takojnë grupmoshës më të vjetër nuk ngurojnë të kryejnë punët e tyre gjatë orëve të mesditës kur temperaturat arrijnë kulmin.

Disa banorë të Tetovës që sot i anketoi ekipi i Televizionit Koha thanë se fare nuk e kanë problem lëvizjen gjatë temperaturave të larta. Me modestinë më të madhe edhe pse në moshë, thonë se nxehti është dukuri e natyrës dhe se njeriu është i bërë për ta përballuar, pavarësisht se në shpinë të tyre mbanë shumë vite jetë.

Por ka edhe prej tyre që thonë se kushtet e mira të jetesës, siç janë veturat dhe shtëpitë me klimë ndihmojnë që të tejkalohet kjo valë e të tempreturave të larta që e kapluar vendin. Madje, si për tu freskuar thonë se bëjnë plan që të shkojnë për pushime në detë.

Të moshuarit janë ndër kategoritë më të rrezikuara kur bëhet fjalë për temperaturat e larta dhe valët e të nxehtit, paralajmëroi Instituti i Shëndetit Publik. Personat mbi 65 vjeç e kanë më të vështirë të përshtaten me nxehtësinë ekstreme, dhe rreziku rritet më tej tek ata që kanë sëmundje kronike ose përdorin terapi të rregullt.

ISHP thekson se disa ilaçe mund të ndikojnë në mënyrën se si trupi reagon ndaj nxehtësisë, prandaj nevojitet kujdes shtesë gjatë periudhave të temperaturave jashtëzakonisht të larta.

Advertisement

Si pjesë e masave mbrojtëse, rekomandohet që personat mbi 65 vjeç të shmangin ekspozimin direkt në diell, veçanërisht midis orës 11:00 dhe 17:00, si dhe aktivitetin fizik dhe qëndrimin e zgjatur në ajër të pastër gjatë pjesës më të nxehtë të ditës.

Pas epidemisë në Gostivar si pasojë e ndotjes së ujësjellësit, Drejtori i NPK Sharrit Valon Zeqiri thotë se në Tetovë së bashku me Institutin e shëndetit publik do të vazhdojë që të testojë ujin në baza ditore. Sipas tij, e gjitha kjo bëhet me qëllim që të preventohet çdo lloj përsëritje e ngjarjeve si në Gostivar. Zeqiri thotë se cilësia e ujit në Tetovë i plotëson të gjitha standardet dhe se uji është i pijshëm.

Zeqiri u bën apel të gjithë kolegëve të tij drejtor të ujësjellësve në komunat tjera anë e mbanë Maqedonisë së Veriut që të marrin shembullin e Tetovës dhe që kryejnë analiza çdo ditë, me qëllim që të shmanget çdo lloj rreziku për paraqitje të helmimeve apo epidemive sikurse në Gostiva.

Meqë gradualisht mërgimtarët filluan që të kthehen në vendet ku punojnë, drejtori Valon Zeqiri thotë se sasia e ujit në rezervuare është e lartë dhe se nuk pret që të ketë mungesa të ujit gjatë muajve në vijim.