Lajme nga vendi
Tarifat shkollore po e rëndojnë përsëri buxhetin familjar: Prindërit presin ndihmë nga Qeveria
Dhjetë ditë para fillimit të vitit të ri shkollor, prindërit po përballen përsëri me kosto të larta për blerjen e çantave të shpinës, fletoreve, materialeve shkollore dhe pajisjeve të tjera. Qeveria po përgatit masa që lidhen me të ashtuquajturën “shportë shkollore”, por për momentin mbetet pyetja se sa ndihmë konkrete do të marrin familjet.
Fillimi i vitit shkollor tradicionalisht sjell shpenzime shtesë për familjet me nxënës. Përveç pajisjeve bazë shkollore, prindërit duhet të sigurojnë edhe çanta shpine, fletore, rroba, këpucë dhe pajisje të tjera të nevojshme për mësimin.
Përballë rritjes së kostove të jetesës, çdo shpenzim shtesë është i rëndësishëm për buxhetin familjar. Kjo është arsyeja pse blerja e gjithçkaje të nevojshme për fillimin e vitit shkollor përfaqëson një barrë të rëndë financiare për shumë familje.
Qeveria aktualisht po punon për masa përmes “shportës shkollore”, të cilat duhet të ulin presionin mbi familjet në periudhën para fillimit të mësimit. Megjithatë, mbetet për t’u parë se cilat produkte do të mbulohen dhe sa do të ulen në të vërtetë kostot për prindërit.
Një problem tjetër është se shpenzimet arsimore nuk mbarojnë me blerjen e furnizimeve. Gjatë vitit shkollor, familjet kanë edhe shpenzime të tjera që lidhen me shkollimin, transportin, aktivitetet shkollore dhe nevojat e fëmijëve të tyre.
Të dhënat e shportës së konsumatorit tregojnë se arsimi tashmë përfaqëson një pjesë të konsiderueshme të shpenzimeve mujore familjare. Sipas Federatës së Sindikatave të Maqedonisë, në gusht, arsimi kërkonte më shumë se 7,000 denarë brenda shportës minimale.
Prandaj, për prindërit, është thelbësore që masat e shpallura para fillimit të vitit shkollor të sjellin ulje reale të kostove, dhe jo vetëm veprime të përkohshme promovuese.
Viti i ri shkollor do të fillojë pas rreth dhjetë ditësh dhe deri atëherë mbetet të shihet nëse “shporta shkollore” do të nënkuptojë ndihmë të vërtetë për familjet apo thjesht një masë tjetër me efekt të kufizuar.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13