Lajme nga vendi
FSSH: Mbi 623 milionë denarë për pushim mjekësor, mbi 414 milionë për pushim të lehonisë
Fondi për Sigurim Shëndetësor (FSSH) gjatë muajit gusht të këtij viti ka paguar gjithsej 623.150.780 denarë në bazë të kompensimit të pagës për ndërprerje të përkohshme për punë, nga të cilat 414.050.780 denarë janë paguar për pushim të lehonisë.
Siç informojnë nga FSSH-ja, bëhet fjalë për një realizim jashtëzakonisht të lartë mujor, i arritur përmes përpunimit të përshpejtuar të lëndëve dhe planifikimit të kujdesshëm të mjeteve në dispozicion, me një qëllim të qartë – që pagesat ndaj të siguruarve të realizohen rregullisht dhe me dinamikë të qëndrueshme.
“Gjatë përpunimit të lëndëve është respektuar renditja kronologjike, duke i dhënë përparësi të siguruarve, kërkesat e të cilëve kanë datë më të hershme. Me këtë dinamikë, Fondi krijoi kushte që kompensimet për pushim mjekësor, e veçanërisht kompensimet për leje lindjeje, të paguhen në mënyrë të vazhdueshme dhe të rregullt. Prioritet i veçantë për pagesën e kompensimeve të lehonisë u dha me udhëzim të drejtorit të përgjithshëm të Fondit, Zlatko Perinski. Me planifikim të kujdesshëm dhe menaxhim efikas të mjeteve, gjatë muajit gusht u siguruan mbi 414 milionë denarë vetëm për kompensimet e lehonisë, pa cenuar pagesën e rregullt të detyrimeve të tjera financiare të Fondit”, njoftoi FSSH-ja.
Në njoftim thuhet se kjo qasje do të vazhdojë edhe në periudhën e ardhshme.
“Pagesa e rregullt e kompensimeve për pushim mjekësor, me fokus të veçantë te kompensimet e lehonisë, mbetet një nga prioritetet e udhëheqjes së Fondit, paralelisht me sigurimin e stabilitetit financiar dhe përmbushjen pa pengesa të të gjitha detyrimeve të tjera ndaj të siguruarve dhe sistemit shëndetësor. Pas këtyre shifrave qëndrojnë të siguruarit dhe familjet për të cilat pagesa në kohë nënkupton siguri në një periudhë kur ajo është më e nevojshme. Prandaj, Fondi vazhdon me përmirësimin e organizimit dhe efikasitetit në punë, me një qëllim të qartë – pagesa të rregullta, kohë më të shkurtër të përpunimit dhe siguri më të madhe për të siguruarit”, theksojnë nga FSSH-ja.
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni1 month agoThaçi e Krasniqi dënohen me nga 25 vjet burgim, Veseli 18 e Selimi 13